Քենդրիկ Լամար Դաքվորթ (անգլ.՝ Kendrick Lamar Duckworth, հունիսի 17, 1987(1987-06-17)[5][6], Քոմփթոն, Լոս Անջելես շրջան, Կալիֆոռնիա, ԱՄՆ[7][6]), ամերիկացի ռեփեր, 2009 թվականին ձևավորված «Black Hippy» խմբի անդամ։ Առաջին անգամ մեծ ճանաչում է ձեռք բերել 2010 թվականի սեպտեմբեր ամսին թողարկված իր «Overly Dedicated» միքսթեյպի շնորհիվ։ 2011 թվականի հուլիսի 2-ին թողարկել է իր «Section.80» անվանումը կրող դեբյուտային ստուդիական ալբոմը, իսկ հաջորդ տարվա հոկտեմբերի 22-ին թողարկել է իր «Good Kid, M.A.A.D City» կոչվող երկրորդ ստուդիական ալբոմը, որը առաջին շաբաթում վաճառվել է 242,000 օրինակով և Billboard 200 ալբոմների հիթ շքերթ է մտել երկրորդ հորիզոնականով։ Այդ ալբոմը նաև առաջադրված է եղել Գրեմմիի 56-րդ մրցանակաբաշխության «Տարվա լավագույն ալբոմ» անվանակարգում։ Քենդրիկ Լամարի երրորդ ալբոմը, որը կրում է «To Pimp a Butterfly» անվանումը, թողարկվել է 2015 թվականի մարտին և գլխավորել է Billboard 200-ը։ 2016 թվականի փետրվարին Լամարը ստացել է 5 Գրեմմի մրցանակ։
Քենդրիկ Լամարը նշել է, որ Թուփաք Շակուրը, The Notorious B.I.G.-ը, Ջեյ Զին, Նեսը և Էմինեմը իր ամենասիրելի հինգ ռեփերներն են։ Նա Թուփաք Շակուրին համարում է իրեն ամենաշատը ոգեշնչած կատարողը, ով ազդեցություն է ունեցել ոչ միայն իր երաժշտության վրա, այլ նաև՝ ապրելակերպի[8][9]։ 2012 թվականի սեպտեմբերին տված հարցազրույցներից մեկում, Քենդրիկը նշել է, որ Էմինեմը իրեն ոգեշնչել է լինելու ավելի ագրեսիվ իր երգերում[10][11]։ Մեկ այլ հարցազրույցում նա ասել է, որ նաև ոգեշնչվել է Լիլ Ուեյնի ոճից և բարձր է գնահատում նրա երկարակեցությունը հիփ հոփ երաժշտությունում[12]։ Քենդրիկը նաև ասել է, որ մեծացել է լսելով Ռակիմի, Dr. Dre-ի և Tha Dogg Pound դուետի երգերը[13]։ 2013 թվականի հունվարին տված հարցազրույցներից մեկում, երբ նրան խնդրել են նշել երեք ռեփերների անուններ, ովքեր խաղացել են դեր նրա ոճի վրա, նա նշել է Kurupt-ի, Թուփաքի և Այս Քյուբի անունները[14]։
_(cropped).jpg)
ԱՄՆ[1][2]
Kendrick Lamar Վիքիպահեստում
