Քեթրին Բաբայան
Քեթրին Բաբայան | |
---|---|
Ծնվել է | 1960 |
Ծննդավայր | ԱՄՆ |
Քաղաքացիություն | ԱՄՆ |
Կրթություն | Փրինսթոնի համալսարան, Ջորջթաունի համալսարան և Ուելսլի քոլեջ |
Գիտական աստիճան | փիլիսոփայության դոկտոր |
Մասնագիտություն | գիտնական և պրոֆեսոր |
Աշխատավայր | Միչիգանի համալսարան, Չիկագոյի համալսարան և Հյուսիսային Տեխասի համալսարան |
Անդամություն | Իրանագիտության միջազգային ընկերություն |
Քեթրին Բաբայան (անգլ.՝ Kathryn Babayan, 1960, ԱՄՆ), ամերիկահայ պատմաբան, արևելագետ (արաբագետ, հայագետ և իրանագետ), միջնադարի պատմաբան։ Մասնագիտացել է սոցիալական դիսցիպլինների բնագավառում, ինչպիսիք են rud գենդերային և սեռական պատմությունը։ Ներկայումս Միչիգանի համալսարանի պրոֆեսոր է, աշխատել է որպես ադյունկտ-պրոֆեսոր Հյուսիսային Տեխասի համալսարանում և հրավիրյալ պրոֆեսոր Չիկագոյի համալսարանում։ Հեղինակ է բազմաթիվ գիտական հոդվածների, հանրագիտարանային հրապարակումների (մասնավորապես՝ 4 հոդված Իսլամի հիմնարար հանրագիտարանի երրորդ հրատարակության համար, որոնք թողարկվել են 2022 թվականին) և 5 մենագրությունների (ներառյալ խմբագրված և համահեղինակությամբ)։ Իրանագիտության միջազգային ընկերության անդամ է։
Կենսագրություն[խմբագրել | խմբագրել կոդը]
Քեթրին Բաբայանը ծնվել է 1960 թվականին[1]։ 1981 թվականին ավարտել է Ուելսլի քոլեջը՝ ստանալով հումանիտար գիտությունների բակալավրի աստիճան և ընդունվել Ջորջթաունի համալսարանի մագիստրատուրա, որն ավարտել է երկու տարի անց՝ ստանալով հումանիտար գիտությունների մագիստրոսի աստիճան։ Հետագա տասը տարիներն անցկացրել է Փրինսթոնի համալսարանում, 1987 թվականին ստանալով երկրորդ կրթությունը և հումանիտար գիտությունների մագիստրոսի աստիճան, իսկ 1993 թվականին՝ փիլիսոփայության դոկտորի աստիճան Իրանի պատմության գծով։ Փրինսթոնում սովորելու վերջին տարվա ընթացքում եղել է Հյուսիսային Տեխասի համալսարանի ադյունկտ-պրոֆեսոր, որտեղից նա ազատվել է 1995 թվականին։ Մեկ տարի անց նա աշխատանքի է անցել Միչիգանի համալսարանում նույն պաշտոնում (պատմության ամբիոնի ադյունկտ-պրոֆեսոր)։ 2005 թվականի գարնանը որպես հրավիրյալ պրոֆեսոր դասավանդել է Չիկագոյի համալսարանի Պատմության ինստիտուտում[2]։
2000 թվականի մայիսից Հասարակական գիտությունների բարձրագույն դպրոցի իսկական անդամ է (Փարիզ, Ֆրանսիա)։ Արժանացել է բազմաթիվ պարգևների, այդ թվում՝ Ռիչարդ Հադսոնի անվան պրոֆեսորական մրցանակին (2018) և Սաիդ Սիրջանիի անվան գրական մրցանակին (2004՝ շնորհվել է Իրանագիտության միջազգային ասոցիացիայի կողմից)։
Մասնակցել է Մերձավոր Արևելքի վերաբերյալ բազմաթիվ միջազգային գիտական կոնֆերանսների, եղել է զեկուցող և կազմակերպչի օգնական[2]։
Տիրապետում է անգլերեն, հայերեն, ռուսերեն, պարսկերեն, արաբերեն, թուրքերեն, ֆրանսերեն և իտալերեն լեզուներին[2]։ Հեղինակ է Սեֆյանների (օրինակ՝ հոդվածներ շահինշահ Իսմայիլ I-ի մասին Փրինսթոնի հանրագիտարանի համար, ինչպես նաև «Իրանի պատմության Օքսֆորդի տեղեկատուում»), հայկական, իրանական և Մերձավոր Արևելքի պատմության մասին աշխատությունների[2]։
Աշխատանքներ[խմբագրել | խմբագրել կոդը]
Մենագրություններ[խմբագրել | խմբագրել կոդը]
- The Waning of the Qizilbash : The Spiritual and the Temporal in Seventeenth Century Iran. — Princeton: Princeton University, 1993. — 692 с.
- Mystics, Monarchs and Messiahs : Cultural Landscapes of Early Modern Iran. — Cambridge, MA: Center for Middle Eastern Studies of Harvard University: Distributed by Harvard University Press, 2002. — LVI, 575 с. — (Harvard Middle Eastern Monographs, vol. 35). — ISBN 09-328-8528-4 — Книжная премия имени Саида Сирджани;
- Sussan Babaie; Kathryn Babayan; Ina Baghdiantz McCabe; Massumeh Farhad Slaves of the Shah : New Elites of Safavi Iran. — Լ. ; Ն. Յ.: I.B. Tauris, 2004. — XIII, 218 с. — (Library of Middle East history, vol. 3). — ISBN 18-606-4721-9 — научно-популярное издание;
- Islamicate Sexualities : Translations Across Temporal Geographies of Desire / ed. by Kathryn Babayan; Afsaneh Najmabadi. — Cambridge, MA: Center for Middle Eastern Studies of Harvard University : Distributed by Harvard University Press, 2008. — XIV, 376 с. — (Harvard Middle Eastern monographs, vol. 39). — ISBN 978-0-674-03204-0
- An Armenian Mediterranean : Words and Worlds in Motion / ed. by Kathryn Babayan; Michael Pifer. — 2nd ebook ed. — Cham: Palgrave Macmillan. An imprint of Springer International Publishing, 2018. — XXI, 337 с. — (Mediterranean Perspectives). — ISBN 978-3-319-72865-0 —
- The City as Anthology : Eroticism and Urbanity in Early Modern Isfahan. — Stanford, CA: Stanford University Press, 2021. — XV, 260 с. — ISBN 978-1-503-62783-3 —
Որոշ հոդվածներ[խմբագրել | խմբագրել կոդը]
- The Safavi Synthesis : From Qizilbash Islam to Imamite Shi’ism(անգլ.) // Iranian Studies (journal). — N. Y.: Taylor & Francis, 1994. — Т. 27. — № 1/4: Religion and Society in Islamic Iran during the Pre-Modern Era. — С. 135—161. — ISSN 0021-0862. —
- Shah Isma’il / Kathryn Babayan // The Princeton Encyclopedia of Islamic Political Thought / ed. by Bowering G.; Crone P.; Kadi W.; Mirza M.; Stewart D. J.; Zaman M. Q. — Princeton, N.J. : Princeton University Press, 2013. — P. 262—263. — XLVIII, 656 p. — ISBN 978-0-691-13484-0. — .
- The Safavids in Iranian History (1501—1722)(անգլ.) // The Oxford Handbook of Iranian History. — Oxf.: Oxford University Press, 2012. — С. 285—306. — ISBN 978-0-199-73215-9. —
Ծանոթագրություններ[խմբագրել | խմբագրել կոդը]
- ↑ «Babayan, Kathryn 1960-». WorldCat (անգլերեն). Արխիվացված օրիգինալից 2022 թ․ մայիսի 25-ին. Վերցված է 2022 թ․ մայիսի 25-ին.
- ↑ 2,0 2,1 2,2 2,3 Babayan Katryn (2021). «Babayan CV 2021» (անգլերեն). Toronto (University of Toronto): Association for Iranian Studies. էջեր 1–6. Վերցված է 2022 թ․ մայիսի 25-ին.
- 1960 ծնունդներ
- Ապրող անձինք
- ԱՄՆ-ում ծնվածներ
- Փրինսթոնի համալսարանի շրջանավարտներ
- Ջորջթաունի համալսարանի շրջանավարտներ
- Չիկագոյի համալսարանում դասավանդողներ
- Անձինք այբբենական կարգով
- Գիտնականներ այբբենական կարգով
- Պոլիգլոտներ
- Իրանագետներ
- Կին պատմաբաններ
- Ամերիկահայ պատմաբաններ
- Ամերիկահայ հայագետներ
- Փիլիսոփայական գիտությունների դոկտորներ
- Ամերիկահայ արևելագետներ
- Ամերիկահայ գիտնականներ