Տիգրան Պետրոսյանի կիսանդրի (Երևան, Շախմատի տուն)

Տիգրան Պետրոսյանի կիսանդրի
Տիգրան Պետրոսյանի կիսանդրի
	; Տիգրան Պետրոսյանի կիսանդրին
	Ընդհանուր տեղեկություններ
Համայնք	Կենտրոն
Գտնվում է	Տիգրան Պետրոսյանի անվան շախմատի տանը
Քանդակագործ(ներ)	Արա Սարգսյան
Հիմնադրում	1965
Շինարարության սկիզբ	1965
Շինարարության ավարտ	2014
Ներկա վիճակ	կանգուն ;

Անվան այլ կիրառումների համար տե՛ս՝ Տիգրան Պետրոսյանի հուշարձան (այլ կիրառումներ)

Տիգրան Պետրոսյանի կիսանդրի, գտնվում է Երևանի կենտրոնում՝ Տիգրան Պետրոսյանի անվան շախմատի տանը, տեղադրվել է 2014 թվականին։

Հեղինակներ[խմբագրել | խմբագրել կոդը]

Քանդակագործ՝ Արա Սարգսյան^[1]

Պատմություն[խմբագրել | խմբագրել կոդը]

Կիսանդրին քանդակվել է դեռևս 1965 թվականին՝ Տիգրան Պետրոսյանի շախմատի աշխարհի չեմպիոն դառնալու կապակցությամբ։ Այն մոտ կես դար գտնվել է հեղինակի՝ քանդակագործ Արա Սարգսյանի հարազատների մոտ՝ նրա տուն-թանգարանում։ 2014 թվականին, Տիգրան Պետրոսյանի 85-ամյակի կապակցությամբ, Արա Սարգսյանի ընտանիքը որոշել է այն նվիրել շախմատի տանը^[2]։

Բացման արարողությունը տեղի է ունեցել 2014 թվականի հոկտեմբերի 17-ին։ Ներկա են եղել ՀՀ նախագահ, ՀՀ շախմատի ֆեդերացիայի նախագահ Սերժ Սարգսյանը և ՖԻԴԵ-ի նախագահ Կիրսան Իլյումժինովը։ Քանդակագործի ընտանիքին Հայաստանի շախմատի ֆեդերացիայի անունից շնորհակալություն է հայտնել ֆեդերացիայի գլխավոր քարտուղար Գագիկ Հովհաննիսյանը^[3]։ Քանդակի վրայի սավանը ծափողջույնների ներքո իջեցրել են անվանի գրոսմայստերներ Ռաֆայել Վահանյանը և Սմբատ Լպուտյանը։