Տատյանա Ալեքսանդրի Շարանովա (ռուս.՝ Шаранова, Татьяна Александровна, նոյեմբերի 28, 1946(1946-11-28), Մոսկվա, ԽՍՀՄ), ռուս խորհրդային գեղասահորդուհի, 1964թվականի ԽՍՀՄ չեմպիոնատի արծաթե մրցանակակիր, 1967 թվականի ԽՍՀՄ չեմպիոնատի բրոնզե մրցանակակիր, 1967 թվականի Աշխարհի առաջնության, 1964 և1968 թվականների Եվրոպայի առաջնության մասնակից՝ զուգասահքում[1]։
Գեղասահքով սկսել է զբաղվել վեց տարեկանից Մոսկվայի «Лужники» սպորտային համալիրի բարձրագույն սպորտային հմտության մարզադպրոցում։ Տատյանա Շարանովայի առաջին զուգընկերը Ալեքսանդր Գորելիկն էր։ Նրանք միասին դարձել են ԽՍՀՄ առաջնության արծաթե մրցանակակիր, ելույթ ունեցել Եվրոպայի և աշխարհի առաջնություններում։ Նոր զուգընկերը Ալեքսանդր Եվդոկիմովն էր։ Զույգը 1967 թվականին դարձել է ԽՍՀՄ առաջնության բրոնզե մրցանակակիր և նույն մրցաշրջանում մասնակցել Եվրոպայի ու աշխարհի առաջնությանը։ Միջազգային դասի ԽՍՀՄ սպորտի վարպետ է։ Սիրողական կարիերայի ավարտից հետո ելույթ է ունեցել Կիևի սառույցի վրա կատարվող բալետում[2]։