Վիկտոր Միրզայանց

Վիկտոր Հայկի Միրզայանց (մայիսի 9, 1946, Կուրգան Տյուբե, Տաջիկստան - 1997^[1]/1998^[2], Մոսկվա, ՌԴ), խորհրդային հայ օպերատոր, կինոռեժիսոր, Տաջիկստանի Լենինի անվան մրցանակի դափնեկիր (1980), Տաջիկստանի արվեստի վաստակավոր գործիչ (1989), ԽՍՀՄ կինեմատոգրաֆիստների միության անդամ (1977)։ Պարգևատրվել է Տաջիկական ԽՍՀ Գերագույն խորհրդի պատվոգրով^[2]։

Կենսագրություն[խմբագրել | խմբագրել կոդը]

Վիկտոր Միրզայանցը ծնվել է 1946 թվականին Կուրգան Տյուբեում։ 1971 թվականին ավարտել է ՎԳԻԿ-ի օպերատորական ֆակուլտետը՝ Լեոնիդ Կոսմատովի արվեստանոցը^[1]։

1965 թվականից աշխատել է Տաջիկֆիլմ ստուդիայում որպես կինոօպերատորի օգնական, իսկ 1971 թվականից՝ գեղարվեստական ֆիլմերի օպերատոր-բեմադրիչ, ռեժիսոր։ Բազմիցս ընտրվել է Տաջիկստանի կինեմատոգրաֆիստների միության խորհրդի անդամ^[2]։

1990-ական թվականների սկզբին տեղափոխվել է Ռուսաստան, մահացել է Մոսկվա քաղաքում։

21-րդ Համամիութենական կինոփառատոնի դիպլոմ «Քավում» (Искупление) ֆիլմի համար (1988, Բաքու)
Ասիայի, Աֆրիկայի և Լատինական Ամերիկայի երկրների 20-րդ միջազգային կինոփառատոնի դիպլոմ «Քավում» (Искупление) ֆիլմի համար (1988, Տաշքենդ)