Վարդան Այվազյան (քաղաքական գործիչ)

Անվան այլ կիրառումների համար տե՛ս՝ Վարդան Այվազյան (այլ կիրառումներ)

Վիքիպեդիայում կան հոդվածներ Այվազյան ազգանունով այլ մարդկանց մասին։

Վարդան Այվազյան
Ծնվել է	նոյեմբերի 7, 1961(1961-11-07) (62 տարեկան)
Ծննդավայր	Բորժոմի մունիցիպալիտետ, Սամցխե-Ջավախեթի մարզ, Վրացական ԽՍՀ, ԽՍՀՄ
Քաղաքացիություն	ԽՍՀՄ և  Հայաստան
Կրթություն	Երևանի անասնաբուծական-անասնաբուժական ինստիտուտ
Մասնագիտություն	քաղաքական գործիչ
Զբաղեցրած պաշտոններ	Հայաստանի Ազգային ժողովի պատգամավոր և Հայաստանի Ազգային ժողովի պատգամավոր
Կուսակցություն	Հայաստանի Հանրապետական կուսակցություն
Պարգևներ և մրցանակներ	և

Վարդան Սուրենի Այվազյան (նոյեմբերի 7, 1961(1961-11-07), Բորժոմի մունիցիպալիտետ, Սամցխե-Ջավախեթի մարզ, Վրացական ԽՍՀ, ԽՍՀՄ), ՀՀ պետական և քաղաքական գործիչ, ՀՀ Ազգային ժողովի տնտեսական հարցերի մշտական հանձնաժողովի նախկին նախագահ։

Կրթություն

• 1978-1983 թթ. - սովորել է Երևանի անասնաբուծական-անասնաբուժական ինստիտուտում։

Աշխատանքային գործունեությունը

• 1983 թ. - աշխատել է Յարոսլավլի կաթի գործարանում որպես ապարատավար։
• 1983-1985 թթ. - ծառայել է Խորհրդային բանակում։
• 1985-1990 թթ. - աշխատել է Հրազդանի կաթի գործարանում որպես բանվոր, վարպետ, արտադրամասի պետ, գլխավոր ինժեներ։
• 1990-1991 թթ. - եղել է «Քարանձավ» կոոպերատիվի նախագահ։
• 1991-1995 թթ. - Չարենցավանի հացի գործարանի տնօրեն։
• 1995-1996 թթ. - Չարենցավանի քաղաքային խորհրդի գործադիր կոմիտեի նախագահ։
• 1996-1999 թթ. - Չարենցավանի քաղաքապետ։
• 1995 թ. հուլիսի 5-ին ընտրվել է ՀՀ Ազգային ժողովի 1-ին գումարման պատգամավոր թիվ 71 ընտրատարածքից։ Ազգային ժողովի ֆինանսավարկային, բյուջետային և տնտեսական հարցերի մշտական հանձնաժողովի անդամ։ ՀՀՇ անդամ։ «Հանրապետություն» խմբակցության, ապա «Երկրապահ» պատգամավորական խմբի անդամ։
• 1999 թ. մայիսի 30-ին ընտրվել է ՀՀ Ազգային ժողովի 2-րդ գումարման պատգամավոր թիվ 57 ընտրատարածքից։ Ազգային ժողովի սոցիալական, առողջապահության և բնության պահպանության հարցերիմշտական հանձնաժողովի անդամ։ «Կայունություն» պատգամավորական խմբի անդամ, ապա ղեկավար։ Անկուսակցական։
• 2001 թ. հուլիսի 23-ին ՀՀ Նախագահի հրամանագրով նշանակվել է Հայաստանի Հանրապետության բնապահպանության նախարար։
• 2007 թ. մայիսի 12-ին ընտրվել է Հայաստանի Հանրապետության Ազգային ժողովի պատգամավոր Հայաստանի հանրապետական կուսակցության համամասնական ընտրացուցակով։ ՀՀԿ խմբակցության անդամ։
• 2007 թ. հունիսի 7-ին ընտրվել է Հայաստանի Հանրապետության Ազգային ժողովի տնտեսական հարցերի մշտական հանձնաժողովի նախագահ։
• 2012 թ. մայիսի 6-ին ընտրվել է Հայաստանի Հանրապետության Ազգային ժողովի պատգամավոր Հայաստանի հանրապետական կուսակցության համամասնական ընտրացուցակով։ ՀՀԿ խմբակցության անդամ։
• 2012 թ. մայիսի 31-ին վերընտրվել է Հայաստանի Հանրապետության Ազգային ժողովի տնտեսական հարցերի մշտական հանձնաժողովի նախագահի պաշտոնում։
• 2017-2018 թթ․-պատգամավոր-ՀՀԿ խմբակցություն։

Պարգևներ

• Անանիա Շիրակացու մեդալ (2006)։
• Մխիթար Գոշի մեդալ (2011)
• ՀՀ Ոստիկանության «Համագործակցության ամրապնդման համար» մեդալ (2004)։

Ամուսնացած է, ունի երեք երեխա։ Հայաստանի հանրապետական կուսակցության խորհրդի անդամ է։