Սուրեն Աբրահամյան (գրականագետ)

Սուրեն Աբրահամյան
Ծնվել է	փետրվարի 25, 1961 (63 տարեկան)
Ծննդավայր	Տավուշ, Ադրբեջանական ԽՍՀ, ԽՍՀՄ
Մասնագիտություն	գրականագետ
Քաղաքացիություն	ԽՍՀՄ
Կրթություն	Երևանի պետական համալսարան
Գիտական աստիճան	բանասիրական գիտությունների թեկնածու
Անդամակցություն	ՀԳՄ
	Սուրեն Աբրահամյան Վիքիդարանում

Անվան այլ կիրառումների համար տե՛ս՝ Սուրեն Աբրահամյան (այլ կիրառումներ)

Վիքիպեդիայում կան հոդվածներ Աբրահամյան ազգանունով այլ մարդկանց մասին։

Սուրեն Աբրահամյան (փետրվարի 25, 1961(1961-02-25), Տավուշ, Ադրբեջանական ԽՍՀ, ԽՍՀՄ), հայ գրականագետ, բանասիրական գիտությունների թեկնածու, 2007 թվականից Հայաստանի գրողների միության անդամ։

Կենսագրություն[խմբագրել | խմբագրել կոդը]

Ծնվել է 1961 թվականի փետրվարի 25-ին, Շամշադինի շրջանի Թովուզ գյուղում (այժմ՝ Հայաստանի Տավուշի մարզ, գյուղ Տավուշ)։

Ավարտել է ԵՊՀ բանասիրության ֆակուլտետը, Գիտությունների ազգային ակադեմիայի Մ. Աբեղյանի անվան գրականության ինստիտուտի ասպիրանտուրան։ Դասավանդել է հանրապետության տարբեր բուհերում, ինչպես նաև Երուսաղեմի (2001-2004) համալսարանի հայագիտության ամբիոնում և ժառանգավորաց բարձրագույն ճեմարանում։ Աշխատում է Երևանի պետական լեզվաբանական համալսարանում (2004)՝ գրականագիտության ամբիոնում։ Նաև Հայաստանի ԳԱԱ Մ. Աբեղյանի անվան գրականության ինստիտուտի հայ նորագույն գրականության բաժանմունքի վարիչն է։

Գրական գործունեություն[խմբագրել | խմբագրել կոդը]

Հրատարակել է հարյուրի հասնող գիտական հոդվածներ և աշխատություններ գրական, գիտական մամուլում (Հայաստանում և արտերկրում), որոնցից մեկը թարգմանվել է իտալերեն (Բոլոնիայի համալսարանի հայագիտության ամբիոնում), մյուսը՝ անգլերեն (Երուսաղեմի համալսարանի հայագիտության կենտրոնում)։

Սուրեն Աբրահամյանը Հայաստանի գրողների միության և գրականության ինստիտուտի՝ համատեղ հրատարակվող «Գրականագիտական հանդես»-ի գլխավոր խմբագիրն է։