Սերգեյ Գերասիմով (կինոռեժիսոր)

Սերգեյ Գերասիմով; ռուս.՝ Сергей Апполинариевич Герасимов
Ծնվել է	մայիսի 21 (հունիսի 3), 1906
Ծննդավայր	Կունդրավի (գյուղ, Չեբարկուլսկի շրջան), Troitsk Uyezd, Օրենբուրգի մարզ, Ռուսական կայսրություն
Մահացել է	նոյեմբերի 26, 1985 (79 տարեկան)
Մահվան վայր	Մոսկվա, ԽՍՀՄ
Գերեզման	Նովոդեվիչյան գերեզմանոց
Քաղաքացիություն	Ռուսական կայսրություն և ԽՍՀՄ
Մայրենի լեզու	ռուսերեն
Կրթություն	Սանկտ Պետերբուրգի պետական թատերական արվեստի ակադեմիա (1928)
Գիտական աստիճան	արվեստագիտության դոկտոր
Մասնագիտություն	կինոռեժիսոր, սցենարիստ, դերասան, կինոդերասան, քաղաքական գործիչ, մանկավարժ, ուսուցիչ և դրամատուրգ
Աշխատավայր	Մոսկվայի Գերասիմովի անվան կինեմատոգրաֆիայի ինստիտուտ և Սցենարիստների և ռեժիսորների բարձրագույն դասընթացներ
Ամուսին	Տամարա Մակարովա
Զբաղեցրած պաշտոններ	ԽՍՀՄ գերագույն խորհրդի պատգամավոր
Կուսակցություն	ԽՄԿԿ
Պարգևներ և ; մրցանակներ	; ; ; ; և
Անդամություն	ԽՍՀՄ Գրողների միություն և ԽՍՀՄ կինեմատոգրաֆիստների միություն
	Sergei Gerasimov (film director) Վիքիպահեստում

Անվան այլ կիրառումների համար տե՛ս՝ Սերգեյ Գերասիմով (այլ կիրառումներ)

Սերգեյ Ապոլինարևիչ Գերասիմով (ռուս.՝ Серге́й Аполлина́риевич Гера́симов, մայիսի 21 (հունիսի 3), 1906^[1], Կունդրավի (գյուղ, Չեբարկուլսկի շրջան), Troitsk Uyezd, Օրենբուրգի մարզ, Ռուսական կայսրություն - նոյեմբերի 26, 1985(1985-11-26)^[1], Մոսկվա, ԽՍՀՄ^[2]), ռուս խորհրդային կինոռեժիսոր, սցենարիստ, պրոֆեսոր (1946)։ ԽՍՀՄ ժողովրդական արտիստ (1948 թվական)։ Պետական մրցանակի դափնեկիր։ ԽՄԿԿ անդամ 1943 թվականից։

Կենսագրություն[խմբագրել | խմբագրել կոդը]

Սերգեյ Գերասիմովը ծնվել է 1906 թվականին։ Սովորել է Լենինգրադի գեղարվեստական ուսումնարանում, իսկ 1928 թվականին ավարտել է Լենինգրադի պետական բեմարվեստի ինստիտուտը։ Նա իր կինոկարիերան սկսել է որպես դերասան, նկարահանվել է նշանավոր ռեժիսորներ Կոզինցևի, Տրաուբերգի և ուրիշների մոտ։ Նրա առաջին ռեժիսորական աշխատանքը «Քսաներկու դժբախտություն» կինոնկարն է (1930), այնուհետև նրա սցենարներով նկարահանվեցին «Սողոմոնի սիրտը» (1932), «Արդյոք սիրում եմ քեզ» (1934): Գերասիմովի ռեժիսորական վարպետությունը բացահայտվել է «Յոթ խիզախները» (1936 թվական), «Կոմսոմոլսկ» (1938 թվական), «Ուսուցիչը» (1939 թվական), «Երիտասարդ գվարդիա» (1948 թվական) և մի շարք այլ կինոնկարներում։ Լավագույն կինոէկրանավորումներից են «Դիմակահանդես»-ը (1941 թվական) և «Խաղաղ Դոն»-ը (1957-1958 թվականներ, 3 սերիա)։ 1931 թվականից դասավանդել է Համամիութենական պետական կինոինստիտուտում (1946 թվականից պրոֆեսոր)։ Գերասիմովի պրոֆեսիոնալ վարպետության վկաները եղան նաև «Մարդիկ և գազաններ» (1962), 1967 թվականի Մոսկվայի հինգերորդ միջազգային կինոփառատոնում Մեծ մրցանակի արժանացած «Ժուռնալիստը» և «Լճի մոտ» (1969) կինոնկարները։ 1972 թվականին Գերասիմովը էկրանավորում է «Սիրել մարդուն» երկսերիանոց գունավոր կինոնկարը, 1974 թվականին էկրանավորեց «Դուստրեր-մայրեր կինոնկարը։

Գերասիմովը նաև ռեժիսոր-մանկավարժ է։ Գերասիմովի աշակերտներից են ռեժիսորներ Լև Կուլիջանովը, Ֆրունզե Դովլաթյանը։ Արժանացել է ԽՍՀՄ պետական մրցանակի (1941, 1949, 1951)։

Պարգևներ, մրցանակներ[խմբագրել | խմբագրել կոդը]

Ստալինյան մրցանակ
ԽՍՀՄ Պետական մրցանակ (1971)
Լենինի շքանշան
Սոցիալիստական աշխատանքի հերոս
Կարմիր Աստղի շքանշան (14.04.1944)
Հոկտեմբերյան հեղափոխության շքանշան
ԽՍՀՄ ժողովրդական արտիստ (11.11.1948
Սպիտակ առյուծի շքանշան
Աշխատանքային կարմիր դրոշի շքանշան (23.05.1940, 06.03.1950)
«Աշխատանքի վետերան» մեդալ
«Հայրենական մեծ պատերազմի ժամանակ Անձնվեր աշխատանքի համար» մեդալ
Համամիութենական Լենինյան Կոմերիտմիության Մրցանակներ
ՌԽՖՍՀ արվեստի վաստակավոր գործիչ (17.04.1944)
Մոսկվայի 800-րդ ամյակին նվիրված մեդալ
Վլադիմիր Իլյիչ Լենինի ծննդյան 100-ամյակի հոբելյանական մեդալ (1970)
«Լենինգրադի պաշտպանության համար» մեդալ
«1941-1945 թթ Հայրենական մեծ պատերազմի հաղթանակի 30-ամյակին» նվիրված հոբելյանական մեդալ
«1941-1945 թթ Հայրենական մեծ պատերազմի հաղթանակի 40-ամյակին» նվիրված հոբելյանական մեդալ
Մոսկվայի 800-րդ ամյակին նվիրված մեդալ
Լեննգրադի 250-րդ ամյակին նվիրված մեդալ

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 Deutsche Nationalbibliothek Record #122595319 // Gemeinsame Normdatei (գերմ.) — 2012—2016.

Վիքիպահեստն ունի նյութեր, որոնք վերաբերում են «Սերգեյ Գերասիմով (կինոռեժիսոր)» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 26)։

[_ddb1bc0771823ffb-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_7968a3d2b0f3fd3f-2] 2,0 ^2,1 ^2,2 Deutsche Nationalbibliothek Record #122595319 // Gemeinsame Normdatei (գերմ.) — 2012—2016.

[1]

[2]