Սահակ Չոլաքյան
 | |
|---|---|
| Ծննդավայր | Ակն, Ակն գավառակ, Սեբաստիայի նահանգ |
| Մահացել է | 1915 |
| Մահվան վայր | Գյումուշ-Մադեն |
| Մահվան պատճառ | Հայոց ցեղասպանություն |
| Ազգություն | հայ |
| Մասնագիտություն | բժիշկ |
Սահակ Չոլաքյան (նաև՝ Մազմանյան, ?, Ակն, Ակն գավառակ, Սեբաստիայի նահանգ- 1915, Գյումուշ-Մադեն), հայ բժիշկ։
Կենսագրություն[խմբագրել | խմբագրել կոդը]
Ծնվել է Սեբաստիայի նահանգի Սեբաստիայի գավառի Ակն գավառակի կենտրոն Ակն քաղաքում։ Ինքնակրթությամբ ձեռք է բերել բժշկական հմտություններ և բժիշկ աշխատել։
1914 թվականին՝ Առաջին համաշխարհային պատերազմի ժամանակ, օսմանյան կառավարությունը Ակնի Ժամկոչյանների ապարանքը և այլ կարևոր շենքեր հայերից խլելով վերածել է խղճուկ հիվանդանոցների, որոնց բժշկապետ է նշանակվել Ակնի դիպլոմավոր քաղաքային բժիշկ՝ իր տգիտության հետևանքով շատ զոհեր տված Մահմուդ բեյը։ Լուրջ և վտանգավոր հիվանդ լինելու դեպքում Մահմուդ բեյը դիմել է իրենից ավելի կարող ու ձեռնահաս ինքնուս բժիշկ Սահակին։ 1915 թվականի ձմռանը քաղցած, ցրտահարված, հիվանդ ու վիրավոր 25 ակնցի հայ զինվորներ, այդ թվում՝ Սահակը, գիշերով լքել են զինվորական ծառայությունը, վերադարձել Ակն ու պատսպարվել մոտակա լեռան քարայրներում։ Դասալիք ընկերների հետ միասին ձերբակալվել է նաև Սահակը, որ սպանվել է 1915 թվականին Գյումուշ-Մադենում՝ մյուս ձերբակալված ընկերների հետ միասին։
Գրականություն[խմբագրել | խմբագրել կոդը]
- Պարսամեան Մկրտիչ, Ակն եւ ակնցիք, Փարիզ, 1952։
- Խաչատրյան Լուսինե և Բաբլումյան Արփինե (կազմողներ), Ցուցակ Հայոց ցեղասպանության զոհերի (1915-1923), հ. 2, Խարբերդի նահանգ, Երևան, 2004։
Աղբյուր[խմբագրել | խմբագրել կոդը]
Հարություն Մինասյան, Օսմանյան կայսրությունում և Թուրքիայի Հանրապետությունում բռնաճնշումների և ցեղասպանության ենթարկված հայ բժիշկներ, Երևան, «Լուսաբաց», 2014 — 520 էջ։