Ռոբերտ Վագներ
| Ռոբերտ Վագներ | |
|---|---|
| Ծննդյան ամսաթիվ | նոյեմբերի 28, 1971 (52 տարեկան) |
| Ծննդավայր | Parramatta |
| Քաղաքացիություն |  Ավստրալիա |
| Պատիժ | ցմահ բանտարկություն |
| Սպանություն | |
Ռոբերտ Ջո Վագներ (անգլ.՝ Robert Joe Wagner, նոյեմբերի 28, 1971, Parramatta), ավստրալիացի սերիական մարդասպան։ Ներկայումս կրում է ցմահ բանտարկության տասը հաջորդական ժամկետ՝ առանց պայմանական վաղաժամկետ ազատման իրավունքի։ Նա մտնում էր Սնոութաուն քաղաքի հանցավոր խմբի մեջ և մյուս մասնակիցների հետ միասին սպանեց 10 մարդու։
Մարդասպանների ավազակախումբ[խմբագրել | խմբագրել կոդը]
Հանցագործները սպանել են այն մարդկանց, որոնք, գլխավորապես, ղեկավար Ջոն Բանտինգի կարծիքով, մանկապիղծներ էին։ Նրանք նաև սպանել են նրանց, ում հանդեպ զզվանք էին զգում, օրինակ՝ գեր մարդկանց, համասեռամոլների և թմրամոլների։ Զոհերի մեծ մասը եղել են խմբավորման անդամներից առնվազն մեկի ընկերները կամ ծանոթները։ Որոշ զոհերի վրա, նախքան նրանց սպանելը, հանցագործները երկար ժամանակ ծաղրում էին, օգտագործելով դանակներ, տափակաբերան աքցան և էլեկտրաշոկերներ։ Վերջին զոհի մարմնի մասերը տապակել և կերել են։ Վագները դրան անմիջական մասնակցություն է ունեցել։ Լրագրողները նրան և ավազակախմբի պարագլուխ Ջոն Բանտինգին անվանել են «Ավստրալիայի սերիական մարդասպաններից վատագույնները»[1]։
Դատարան և դատավճիռ[խմբագրել | խմբագրել կոդը]
Դատավճռի հրապարակման ժամանակ Վագները բարձրացել և հայտարարել է. «Մանկապիղծները երեխաների հետ սարսափելի բաներ են արել։ Իշխանությունները անգործության էին մատնված։ Որոշեցի միջոցներ ձեռք առնել։»: 2002 թվականի սեպտեմբերի 27-ին Վագներն իրեն մեղավոր է ճանաչել երեք սպանության մեջ և հայտարարել, որ ևս յոթի հետ կապ չունի։ Բայց, ի վերջո, ապացուցեց իր բոլոր տասը սպանությունների մեղքը։ Արդյունքում դատարանը Բանտինգին դատապարտել է 11 ցմահ ազատազրկման, Վագներին՝ 10 ցմահ ազատազրկման (երկուսն էլ՝ առանց վաղաժամկետ ազատման իրավունքի), Վլասակիսը ստացել է 4 ցմահ բանտարկության ժամկետ՝ 26 տարի անց ազատման խնդրելու հնարավորությամբ, Հեյդոնը դատապարտվել է 25 տարվա ազատազրկման։