Ռաֆիկ Հակոբյան

Անվան այլ կիրառումների համար տե՛ս՝ Ռաֆիկ Հակոբյան (այլ կիրառումներ)

Վիքիպեդիայում կան հոդվածներ Հակոբյան ազգանունով այլ մարդկանց մասին։

Ռաֆիկ Հակոբյան
Ծնվել է	հոկտեմբերի 8, 1931(1931-10-08) Կրասնոդար, Հյուսիսկովկասյան երկրամաս, ՌԽՖՍՀ, ԽՍՀՄ
Մահացել է	մայիսի 17, 2004(2004-05-17) (72 տարեկան)
Քաղաքացիություն	ԽՍՀՄ և  Հայաստան
Մասնագիտություն	քիմիկոս
Հաստատություն(ներ)	ՀԱՊՀ
Ալմա մատեր	ՀԱՊՀ (1984)
Գիտական աստիճան	տեխնիկական գիտությունների դոկտոր (1985) և պրոֆեսոր (1986)

Ռաֆիկ Եղիշեի Հակոբյան (հոկտեմբերի 8, 1931(1931-10-08), Կրասնոդար, Հյուսիսկովկասյան երկրամաս, ՌԽՖՍՀ, ԽՍՀՄ - մայիսի 17, 2004(2004-05-17)), քիմիկոս։ Տեխնիկական գիտությունների դոկտոր (1985), պրոֆեսոր (1986)։

Կենսագրություն

Ավարտել է Երևանի պոլիտեխնիկական ինստիտուտի քիմիատեխնոլոգիական ֆակուլտետը (1954)։ Աշխատել է ՀԽՍՀ ԳԱ քիմիայի ինստիտուտում, 1968 թվականից՝ ՀՊՃՀ-ում, 1972-1980 թվականներին՝ քիմիական պրոցեսների և ապարատների ամբիոնի վարիչ, 1996 թվականից՝ ամբիոնի պրոֆեսոր, 1987-1996 թվականներին՝ ՀՊՃՀ Վանաձորի մասնաճյուղի տնօրեն։ Աշխատանքները վերաբերում են երկֆազ համակարգերի հիդրոդինամիկայի հարցերին։ Խիտ շերտում պնևմոտրանսպորտի (օդաճնշական փոխադրման) նրա մշակած (աշխատակիցների հետ) նոր մեթոդը ներդրված է ՌԴ տարբեր ձեռնարկություններում։

Երկեր

• Քիմիական տեխնոլոգիայի պրոցեսների և ապարատների դասընթացի լաբորատոր աշխատանքներ, Մաս 1, 1975 (համահեղինակ)։
• Քիմիական տեխնոլոգիայի պրոցեսների և ապարատների դասընթացի լաբորատոր աշխատանքներ։ Մաս 2, Հայաստանի ազգային պոլիտեխնիկական համալսարան, Երևան, Ա. հ., 1975 (համահեղինակ)։
• Կարճ միացված ռոտորով եռաֆազ ասինխրոն շարժիչի նախագծում, 2003 (համահեղինակ)։
• Կարճ միացված ռոտորով եռաֆազ ասինխրոն շարժիչի նախագծում։ Կուրսային և դիպլոմային նախագծերի մեթոդական ցուցումներ։ Հայաստանի Հանրապետության Կրթության և Գիտության նախարարություն, Հայաստանի պետական ճարտարագիտական համալսարան, Էլեկտրական մեքենաների և ապարատների սեկտոր, Երևան, Ճարտարագետ, 2008 (համահեղինակ)։

Ծանոթագրություններ

Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։

Վիքիդարանն ունի նյութեր, որոնք վերաբերում են «Ռաֆիկ Հակոբյան» հոդվածին։