Պյութագորասի գավաթ
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
![](http://upload.wikimedia.org/wikipedia/commons/thumb/a/a9/Physagorian_Pythagoras_Greedy_Tantalus_cup_05.svg/363px-Physagorian_Pythagoras_Greedy_Tantalus_cup_05.svg.png)
Պյութագորասի գավաթ (ժլատության բաժակ), հատուկ անոթ, որը ստեղծել է Պյութագորասը։ Ենթադրվում է, որ այն մարդուն ստիպում է ջուրը չափավոր բաժիններով խմել՝ թույլ տալով լցնել գավաթը միայն մինչև որոշակի մակարդակ։ Եթե ջուրն ավելի վերև է լցվում, ապա գավաթի պարունակությունը ամբողջությամբ թափվում է։
Պատմություն[խմբագրել | խմբագրել կոդը]
Համարվում է, որ գավաթը ստեղծել է Պյութագորասը, որպեսզի բոլոր ստրուկները հավասար չափաբաժիններով ջուր խմեն, քանի որ Սամոսում ջրի պակաս կար։ Ջուրն անհրաժեշտ է լցնել մինչև նշված կետը, որը գերազանցելու դեպքում ջուրը ամբողջությամբ արտահոսում է բաժակից։
Ազդեցության սկզբունք[խմբագրել | խմբագրել կոդը]
![](http://upload.wikimedia.org/wikipedia/commons/thumb/4/43/Pythagoras_cup_2.jpg/220px-Pythagoras_cup_2.jpg)
Պյութագորասի գավաթն արտաքինից սովորական անոթի տեսք ունի, սակայն այն սիֆոնի կառուցվածք ունի։ Բաժակի կենտրոնում սյունակ է, որի ներսում կրկնակի ծռված ուղղահայաց անցք է։ Անցքը կորանում է սյան վերևի մասում և երկու ծայրերով ներքև է իջնում՝ դեպի բաժակի հատակը։
Երբ հեղուկն ավելի շատ են լցնում սահմանված մակարդակից, այն հոսում է անցքի ներքին ոլորանով դեպի երկրորդ փող, սիֆոնը միանում է և հեղուկը՝ բաժակի ներքևի միջանկյալ անցքով դուրս է թափվում։ Միևնույն ժամանակ անոթն ամբողջությամբ դատարկվում է։
Մեր օրերում[խմբագրել | խմբագրել կոդը]
Այսօր Պյութագորասի գավաթը, որպես հուշանվեր, վաճառում են Հունաստանում։
Հետաքրքիր փաստեր[խմբագրել | խմբագրել կոդը]
Հերոն Ալեքսանդրիացին (մոտ 10—70 թվականներ) օգտագործում էր Պյութագորասի գավաթը, որպես իր գյուտերի հիդրավլիկ բաղադրիչ։
Արտաքին հղումներ[խմբագրել | խմբագրել կոդը]
- Փորձարկումներ Արխիվացված 2012-09-07 Wayback Machine