Նուպար Ակիշյան

Նուպար Ակիշյան
Ծնվել է	ապրիլի 15, 1934(1934-04-15)
Ծննդավայր	Կիլիկիա, Թուրքիա
Վախճանվել է	հունվարի 19, 1994(1994-01-19) (59 տարեկան)
Վախճանի վայր	Ֆրեզնո, Կալիֆոռնիա, ԱՄՆ
Մասնագիտություն	արձակագիր և հրապարակախոս
Կրթություն	Կալիֆոռնիայի համալսարան (1960) և Բոստոնի համալսարան (1965)
Նուպար Ակիշյան Վիքիդարանում

Նուպար Ակիշյան (ապրիլի 15, 1934(1934-04-15), Կիլիկիա, Թուրքիա - հունվարի 19, 1994(1994-01-19), Ֆրեզնո, Կալիֆոռնիա, ԱՄՆ), սփյուռքահայ գրող, արձակագիր, հրապարակախոս։

Կենսագրություն

Նուպար Ակիշյանը ծնվել է Կիլիկիայի Գըրըգխան գյուղում։ Սովորել է Հալեպի Մեսրոպյան նախակրթարանում և Մելգոնյան կրթական հաստատությունում։ 1957 թվականին հաստատվել է ԱՄՆ-ում։ 1960 թվականին ավարտել է Կալիֆոռնիայի համալսարանը, 1965 թվականին՝ Բոստոնի համալսարանը։ Մասնագիտացել է բնագիտության բնագավառում։

1978 թվականից աշխատակցել է «Պայքար», «Զարթոնք», «Արև», «Նոր օր» պարբերականներին։ Ստեղծագործությունները նվիրված են սփյուռքահայ կյանքին, հայապահպանությանը։ Հանդես է եկել նաև Շահան Շահե կեղծանունով։

Ստեղծագործություններ

Լույս են տեսել

• «Հոսանքն ի վար» (1976 թ.)
• «Անարգուած մարդիկ» (1978 թ.)
• «Օտար անցորդը» (1986 թ.) պատմվածքների ժողովածուները
• «Գաղթականները» (1983 թ.) վեպը

Հեղինակ է նաև «Շահան Շահնուր» (1982 թ.), «Լեւոն Զաւէն Սիւուրմէլեան» (1984 թ.) մենագրությունների։

Մրցանակներ

• ՀԲԸՄ Ալեք Մանուկյան մշակութային հիմնադրամի մրցանակ, 1983 թ.
• «Վարդգես և Ռիտա Պալյան» մրցանակ, 1987 թ.

Երկեր

• Հոսանքն ի վար (պատմվածքների ժողովածու), 1976 թ.
• Անարգուած մարդիկ (պատմվածքների ժողովածու), 1978 թ.
• Շահան Շահնուր (մենագրություն), 1982 թ.
• Գաղթականները (վեպ), 1983 թ.
• Լեւոն Զաւէն Սիւուրմէլեան (մենագրություն), 1984 թ.
• Օտար անցորդը (պատմվածքների ժողովածու), 1986 թ.
• Մարդը հողին վրա, Ե., 1987 թ.
• Հողի և հացի մարդիկ (վեպ), Լոս Անջելես, 1990 թ.
• Երբ դաշտերը կը մեռնին (պատմվածքներ), Լոս Անջելես, 1998 թ.