Միքայել Գրիգորյան (բեմադրիչ)

Անվան այլ կիրառումների համար տե՛ս՝ Միքայել Գրիգորյան (այլ կիրառումներ)

Վիքիպեդիայում կան հոդվածներ Գրիգորյան ազգանունով այլ մարդկանց մասին։

Միքայել Գրիգորյան
Ծնվել է	հոկտեմբերի 2, 1940(1940-10-02) (83 տարեկան)
Ծննդավայր	Թբիլիսի, Վրացական ԽՍՀ, ԽՍՀՄ
Մասնագիտություն	դրամատուրգ
Կրթություն	Երևանի պետական գեղարվեստա-թատերական ինստիտուտ և Թբիլիսիի Շոթա Ռուսթավելու անվան թատերական ինստիտուտ (1965)

Միքայել Կարապետի Գրիգորյան (հոկտեմբերի 2, 1940(1940-10-02), Թբիլիսի, Վրացական ԽՍՀ, ԽՍՀՄ), հայ բեմադրիչ, դերասան, ռեժիսոր։ Վրաստանի ԽՍՀ արվեստի վաստակավոր գործիչ (1982)։

Կենսագրություն

Միքայել Գրիգորյանը ծնվել է 1940 թվականին, Թբիլիսիում՝ Խարփուխ թաղամասում։ 1957 թվականին եղել է Ստեփան Շահումյանի անունը կրող Թբիլիսիի պետական հայդրամայի թատրոնի օժանդակ դերասան։ Ընդունվել է Երևանի գեղարվեստա-թատերական ինստիտուտ, սակայն երրորդ կուրսից տեղափոխվել և 1965 թվականին ավարտել է Թբիլիսիի Շոթա Ռուսթավելու անվան գեղարվեստա-թատերական պետական ինստիտուտի՝ Դոդո Ալեքսիձեի դասարանը։ 1965 թվականից եղել է Թբիլիսիի Պետրոս Ադամյանի անվան հայկական դրամատիկական թատրոնի դերասան և ռեժիսոր, 1970-1974 թվականներին և 1980-1994 թվականներին եղել է թատրոնի գլխավոր ռեժիսորը, ապա նաև՝ գեղարվեստական ղեկավարը։ 1994 թվականին տեղափոխվել է Մոսկվա, որտեղ շուրջ տասը տարի աշխատել է որպես հեռուստախմբագիր, ապա՝ Ռուսաստանի OPT և PTP ալիքների ռադիոխմբագիր։

Դերեր

• Ջայլամ՝ Գ. Տեր-Գրիգորյանի «Ա՜խ, ներվեր, ներվեր»
• Նեզնամով՝ Ալեքսանդր Օստրովսկու «Անմեղ մեղավորներ»

Բեմադրություններ

• «Ծառերը կանգնած են մահանում»
• «Արշակ Երկրորդ»
• «Խաթաբալա»
• «Չար ոգի»
• «Սողոմոն Թեհլերյան»
• «Չարլեի մորաքույրը»
• «Կուկարաչա»
• «Հավերժության օրենքը»
• «Պատուհանից այն կողմ գարուն է»

1988 թվականին Սպիտակի երկրաշարժին նվիրված բեմադրել է «Եռաձայն պատարագ» պիեսը, որը բեմադրվել է նաև Հայաստանում և Լիտվայում։

Մրցանակներ

• Վրաստանի արվեստի վաստակավոր գործիչ
• «Պատվո շքանշանի» ասպետ