Միխայիլ Մարկոսովը ծնվել է Բուդյոննովսկում, որտեղ էլ սկսել է զբաղվել ֆուտբոլով։ Առաջին մարզիչը եղել է Յուրի Բագրատի Սաֆարյանը։ Առաջին պրոֆեսիոնալ ակումբում՝ «Ժեմչուժինայում» (Բուդյոնովսկ), խաղացել է եզրային կիսապաշտպանի դիրքում։ 2006 թվականին տեղափոխվել է «Կավկազտրանսգազ-2005», որտեղ սկսել է խաղալ հարձակվողի դիրքում։ 2007 թվականին ԲՄԱ (Դոնի Ռոստով) ակումբի կազմում նշել է նորամուտը առաջին դիվիզիոնում։ 2008 թվականին վարձավճարային հիմունքներով տեղափոխվել է «Դինամո» (Ստավրոպոլ), որտեղ 30 խաղում խփել է 27 գնդակ և դարձել «Հարավ» գոտու լավագույն ռմբարկուն, հարձակվողը և խաղացողը։ 2009 թվականին վերադարձել է ԲՄԱ, նույն թվականին խաղացել է «Ստավրոպոլի» կազմում։ 2010 թվականին տեղափոխվել է Վոլգոգրադի «Ռոտոր» ակումբ։ 2011/2012 մրցաշրջանի առաջին մասը խաղացել է Ստավրոպոլի «Դինամոյում», իսկ երկրորդը՝ «Ուֆայում», որտեղ օգնել է թիմին «Ուրալ-Պովոլժիե» տարածշրջանի երկրորդ դիվիզիոնում զբաղեցնել երկրորդ հորիզոնականը, որը հետագայում թիմին թույլ է տվել անցնել ՖԱԼ։ Հաջորդ մրցաշրջանում Մարկոսովը դարձել է «Ուֆայի» լավագույն ռմբարկու։ 2013 թվականի հունիսից խաղացել է «Սիբիրում» (Նովոսիբիրսկ)[2]։
Քանի որ Միխայիլ Մարկոսյանն ունի հայկական արմատներ (հայրը հայ է, մայրը՝ ռուս)[3], 2013 թվականին բազմիցս հրավիրվել է Հայաստանի ազգային հավաքական, բայց դեռևս չի մասնակցել պաշտոնական հանդիպումների[4][5]։