Մարկ Այզիկովիչ

Մարկ Այզիկովիչ; գերմ.՝ Mark Aizikovitch
Ծնվել է	հուլիսի 21, 1946
Ծննդավայր	Պոլտավա, Ուկրաինական ԽՍՀ, ԽՍՀՄ
Մահացել է	մարտի 17, 2013 (66 տարեկան)
Մահվան վայր	Բեռլին, Գերմանիա
Քաղաքացիություն	ԽՍՀՄ և Գերմանիա
Մասնագիտություն	դերասան, կոմպոզիտոր և երգիչ
Անդամություն	Festival?

Մարկ Լվովիչ Այզիկովիչ (հուլիսի 21, 1946(1946-07-21), Պոլտավա, Ուկրաինական ԽՍՀ, ԽՍՀՄ - մարտի 17, 2013(2013-03-17), Բեռլին, Գերմանիա), խորհրդային և ուկրաինացի երաժիշտ, երգիչ, դերասան, կոմպոզիտոր, «Фестиваль» խմբի գեղարվեստական ղեկավար (1983 թվականից) և մենակատար, 1991 թվականից` Բեռլինի «Հրեական երգի թատրոնի» ղեկավար^[2]։ 2005 թվականին Նյու Յորքում արժանացել է «Տարվա մարդ» կոչմանը^[3]։ 2010 թվականին պարգևատրվել է Գերմանիայի կառավարության կողմից ինտեգրման ուղղությամբ ակտիվ աշխատանքի համար^[4]։

Կենսագրություն[խմբագրել | խմբագրել կոդը]

Ծնվել է մսավաճառի ընտանիքում։ Դպրոցական տարիներին սովորել է Պատանեկան ստեղծագործական թատրոնում, որը լավագույններից մեկն էր Խորհրդային Միությունում։ Դեռ այն ժամանակ նա լավ է երգել, իսկ բեմում մարմնավորել է բացառապես արքայազների^[3]։

1970 թվականին ավարտել է Խարկովի գեղարվեստի ինստիտուտը` դերասանական վարպետություն և վոկալ մասնագիտություններով, աշխատել է Դնեպրոպետրովսկի թատրոնում^[2]։ 1973 թվականին մեկնել է աշխատելու Սախալինում՝ որպես դերասան-ռեժիսոր, երգել «Прибой» ռեստորանում^[4]։

1976 թվականին դարձել է Պոլտավայի «Краяне» ֆոլկլոր ռոք-անսամբլի վոկալիստը։ 1977 թվականին նոյեմբերին նրա հիման վրա կոմպոզիտոր Մաքսիմ Դունաևսկու հետ համատեղ ստեղծել է «Фестиваль» անսամբլը^[2]^[3]^[5]^[6]։ Այնուհետև «Фестиваль» համույթը ձայնագրել է նվագախմբային երաժշտություն 36 լեգենդար ֆիլմերի և մուլտֆիլմերի համար, ինչպիսիք են` «Դ'Արտանյանը և երեք հրացանակիրները», «Ախ, վոդևիլ, վոդևիլ...», «Թռչող նավը», «Վաճառված ծիծաղ», «Յոթ երջանիկ նոտա», «Վստահություն, որը պայթեց», «Գանձերի կղզի», «Լուսավոր անձնավորություն» և այլն։ Համերգային շրջագայությունների ժամանակ անսամբլի հետ ելույթ են ունեցել Միխայիլ Բոյարսկին, Նիկոլայ Կարաչենցովը, Պավել Սմեյանը, Ժաննա Ռոժդեստվենսկայան, Լյուդմիլա Լարինան, Իրինա Պոնարովսկայան^[3]^[5]։

1990 թվականին՝ խմբի ցրվելուց հետո, Այզիկովիչը մեկնել է Գերմանիա^[2]։ Իր արտասահմանյան կարիերայի սկիզբ դարձել իդիշով գերմանացի կատարող Կարստեն Տրոյկեի հետ․ նա իր ծրագիր է հրավիրել Մարկին, որը եղել է այդ լեզվի կրող, բայց նախկինում պրոֆեսիոնալ մակարդակում երբեք չէր բախվել հրեա բանահյուսության հետ։ Մի քանի տարի անց Այզիկովիչն արդեն հանդես է եկել իր մենահամերգներով, դարձել է 20-ից ավելի ֆիլմերի և երաժշտական ներկայացումների երաժշտության հեղինակ։ Գերմանիայում Այզիկովիչը նկարահանվել է 6 գեղարվեստական ֆիլմերում, կատարել շուրջ տասը դեր թատրոնի բեմում, ձայնագրել 11 ձայնասկավառակ հրեական երգերով և պատրաստել 7 համերգային ծրագիր^[7]։ 1991 թվականին նա ստեղծել և ղեկավարել է Բեռլինի «Հրեական երգի թատրոնը», որի հետ շրջագայել է գրեթե ամբողջ Եվրոպայում^[2]^[3]։ Տասը տարվա ընթացքում թատրոնում տեղի է ունեցել 12 պրեմիերա՝ Շոլոմ-Ալեյխեմի «Տեվյեն կաթնավաճառ», «Հոբը» Ի․ Ռոտի վեպի հիման վրա, Ի․ Մանգերի «Մեգիլան», Մ․ Սաֆիրի «Խումեշլիդերը», ինչպես նաև ժամանակակից ստեղծագործություններ։

Մահացել է 2013 թվականի մարտի 17-ին Բեռլինում, ուռուցքային հիվանդությունից^[8]։

Ֆիլմագրություն[խմբագրել | խմբագրել կոդը]

Դերեր կինոյում[խմբագրել | խմբագրել կոդը]

1981 թվական՝ «Ուր պիտի կորչի», վոկալ-գործիքային անսամբլի մասնակից, որը ձայնակցում է Միխայիլ Բոյարսկու հերոսին «Остановись!» և «Городские цветы» երգերի կատարումներում
1981 թվական՝ «Յոթ երջանիկ նոտաներ»՝ էպիզոդ
1981 թվական՝ «Վաճառված ծիծաղելը»՝ տղամարդ Բարոն Տեչի շքախմբում
1999 թվական՝ «Անբարենպաստ իրադարձություն» (Գերմանիա)
2003 թվական՝ «Բաբի Յառ»՝ Կանտոր

Աուդիոձայնագրություններ Մարկ Այզիկովիչի մասնակցությամբ[խմբագրել | խմբագրել կոդը]

1982 թվական՝ «Թրչող նավը»՝ Պոլկան
1983 թվական՝ «Երեք հրացանակիրներ» (վինիլ)՝ Պորտոս^[9]^[10]^[11]

Սկավառակագրություն[խմբագրել | խմբագրել կոդը]

1993 թվական՝ «Der Fremde», (CD)
1996 թվական՝ «Jedeach Bridelach», (CD)
1999 թվական՝ «Ռուսական և ուկրաինական երգեր», (CD)
2001 թվական՝ «In jiddischn wort» (CD)
2007 թվական՝ «Nisht Geshtojgn, Nisht Geflojgn», (CD)
2009 թվական՝ «A Spil af Yiddish», (CD)^[12]

Մ. Այզիկովիչի կատարմամբ հայտնի երգեր[խմբագրել | խմբագրել կոդը]

«Баллада об опасной дороге» (երաժշտությունը՝ Մաքսիմ Դունաևսկու, տեքստը՝ Յուրի Ռյաշենցևի)
«Листья жгут» (երաժշտությունը՝ Մաքսիմ Դունաևսկու, տեքստը՝ Նաում Օլևի)
«Венецианский музыкант» (երաժշտությունը և տեքստը՝ Կոնստանտին Նիկոլսկու)
«Монолог нужного человека» (երաժշտությունը՝ Լորա Կվինտի, տեքստը՝ Վլադիմիր Ալենիկովի)
«Не судьба!» (երաժշտությունը՝ Դմիտրի Դանինի, տեքստը՝ Նաում Օլևի)

Ծանութագրություններ[խմբագրել | խմբագրել կոդը]

↑ http://www.sssrviapesni.info/festival.html
↑ ^2,0 ^2,1 ^2,2 ^2,3 ^2,4 История Полтавы
↑ ^3,0 ^3,1 ^3,2 ^3,3 ^3,4 Песни к фильму «Д’Артаньян и три мушкетера» записали музыканты, не знавшие нот
↑ ^4,0 ^4,1 Легенда советской эстрады, один из основателей группы «Фестиваль» — Марк Айзикович(չաշխատող հղում)
↑ ^5,0 ^5,1 Ностальгия по СССР — Ансамбль «Фестиваль»
↑ История ВИА «Фестиваль»
↑ Марк Айзикович в шоу «Еврейское танго»
↑ «В Берлине скончался создатель музыки к фильмам «Д'Артаньян и три мушкетера», «Карнавал»». Արխիվացված է օրիգինալից 2014 թ․ հունվարի 7-ին. Վերցված է 2014 թ․ հունվարի 7-ին.
↑ Дискография Марка Айзиковича
↑ Мюзикл "Три мушкетёра Արխիվացված 2014-01-07 Wayback Machine
↑ Мюзикл "Летучий корабль Արխիվացված 2014-01-07 Wayback Machine
↑ «Aizikovitch Mark «In jiddischn wort»». Արխիվացված է օրիգինալից 2016 թ․ հոկտեմբերի 9-ին. Վերցված է 2019 թ․ ապրիլի 1-ին.

[_d7dbf563853a1f95-1] ttp://www.sssrviapesni.info/festival.html

[autogenerated1-2] 2,0 ^2,1 ^2,2 ^2,3 ^2,4 История Полтавы

[autogenerated2-3] 3,0 ^3,1 ^3,2 ^3,3 ^3,4 Песни к фильму «Д’Артаньян и три мушкетера» записали музыканты, не знавшие нот

[autogenerated3-4] 4,0 ^4,1 Легенда советской эстрады, один из основателей группы «Фестиваль» — Марк Айзикович(չաշխատող հղում)

[autogenerated4-5] 5,0 ^5,1 Ностальгия по СССР — Ансамбль «Фестиваль»

[6] История ВИА «Фестиваль»

[7] Марк Айзикович в шоу «Еврейское танго»

[8] «В Берлине скончался создатель музыки к фильмам «Д'Артаньян и три мушкетера», «Карнавал»». Արխիվացված է օրիգինալից 2014 թ․ հունվարի 7-ին. Վերցված է 2014 թ․ հունվարի 7-ին.

[9] Дискография Марка Айзиковича

[10] Мюзикл "Три мушкетёра Արխիվացված 2014-01-07 Wayback Machine

[11] Мюзикл "Летучий корабль Արխիվացված 2014-01-07 Wayback Machine

[12] «Aizikovitch Mark «In jiddischn wort»». Արխիվացված է օրիգինալից 2016 թ․ հոկտեմբերի 9-ին. Վերցված է 2019 թ․ ապրիլի 1-ին.

[1]

[2]

[3]

[4]

[5]

[6]

[7]

[8]

[9]

[10]

[11]

[12]