Հրաչիկ Աբգարյան

Հրաչիկ Աբգարյան;
Ծնվել է	մայիսի 23, 1957 (67 տարեկան)
Ծննդավայր	Արագած, Էջմիածնի շրջան, Հայկական ԽՍՀ, ԽՍՀՄ
Քաղաքացիություն	ԽՍՀՄ և Հայաստան
Կրթություն	Երևանի անասնաբուծական-անասնաբուժական ինստիտուտ
Մասնագիտություն	քաղաքական գործիչ
Կուսակցություն	Հայաստանի Հանրապետական կուսակցություն

Անվան այլ կիրառումների համար տե՛ս՝ Հրաչիկ Աբգարյան (այլ կիրառումներ)

Վիքիպեդիայում կան հոդվածներ Աբգարյան ազգանունով այլ մարդկանց մասին։

Հրաչիկ Ստեփանի Աբգարյան (մայիսի 23, 1957(1957-05-23), Արագած, Էջմիածնի շրջան, Հայկական ԽՍՀ, ԽՍՀՄ), հայ բռնցքամարտիկ, «Վաղարշապատ» մարզակումբի նախագահ։ Էջմիածնի քաղաքապետ (2003-2005), Արցախյան ազատամարտի մասնակից։ Պրոֆեսիոնալ բռնցքամարտի ինտերնացիոնալ ասոցիացիայի նախագահ (2007 թվականից)։

Կենսագրություն[խմբագրել | խմբագրել կոդը]

Հրաչիկ Աբգարյանը ծնվել է 1957 թվականի մայիսի 23-ին Արագած համայնքում, ծառայողի ընտանիքում։ 1976-1978 թվականներին ծառայել է Խորհրդային բանակում։ 1978-1983 թվականներին սովորել և ավարտել է Երևանի անասնաբուծական-անասնաբուժական ինստիտուտը։ 1983 թվականին աշխատել է Ակնալճի կուղբաբուծական տնտեսությունում՝ որպես ինժեներ-անասնաբույժ։ 1991 թվականին հիմնել է Գոռ ՍՊԸ, որն իրականացնում է գյուղմթերքների արտադրություն։ 1988-2000 թվականներին աշխատել է Էջմիածնի մարզադպրոցում և արտադրության տարբեր բնագավառներում։ 1990 թվականից եղել է Արցախյան շարժման ակտիվ մասնակիցներից և Էջմիածնի շրջանի երկրապահ ջոկատի «Արագած» ջոկի հրամանատար, մասնակցել է Երասխի պաշտպանական մարտերին, Լաչինի և մի շարք այլ բնակավայրերի ազատագրմանը։ 1992-1993 թվականներին իր ջոկատով ապահովել է Գորիս-Ղափան ճանապարհի անվտանգությունը։

1996 թվականին ընտրվել է Էջմիածին քաղաքի ավագանու անդամ։ 1997 թվականից Հայաստանի Հանրապետական կուսակցության անդամ է, 2000 թվականից՝ Արմավիրի մարզային կազմակերպության նախագահ։ 2000-2003 թվականներին աշխատել է ՀՀ կառավարության աշխատակազմի գործերի կառավարիչ։ 2003 թվականին ընտրվել է և մինչև 2005 թվականն աշխատել է որպես Էջմիածնի քաղաքապետ։

Մարզական գործունեություն[խմբագրել | խմբագրել կոդը]

2004 թվականին հիմնել է «Վաղարշապատ» մարզական ակումբը։ 2007 թվականից պրոֆեսիոնալ բռնցքամարտի ինտերնացիոնալ ասոցիացիայի նախագահն է։ Որպես առաջակարգ բռնցքամարտիկ ունի միջազգային ճանաչում, ԽՍՀՄ գավաթի տիտղոսակիր և ԽՍՀՄ սպորտի վարպետ է, միջազգային բազմաթիվ մրցաշարերի հաղթող և Հայաստանի բազմակի չեմպիոն է։

Ընտանիք[խմբագրել | խմբագրել կոդը]

Ամուսնացած է, ունի երեք որդի։

Արտաքին հղումներ[խմբագրել | խմբագրել կոդը]