Հայերենը ափի մեջ
«Հայերենը ափի մեջ» | |
|---|---|
 Գրքի շապիկը | |
| Հեղինակ | Վաչագան Ա. Սարգսյան |
| Ժանր | Լեզվաբանություն |
| Լեզու | Հայերեն |
| Ստեղծման տարեթիվ | 2005 |
| Էջեր | 283 էջ |
| Խմբագիր | Հրանտ Վարդանյան |
| Կազմի հեղինակ | Հայկ Սարգսյան |
| Երկիր | Հայաստան |
| Հրատարակման վայր | Երևան |
| Հրատարակիչ | «9-րդ հրաշալիք» |
| Հրատարակման տարեթիվ | 2005 |
| Առաջնախաղի տարեթիվ | 2006 |
| ԳՄՍՀ | 99930-907-9-4 |
| ՀՏԴ | 809.198.1 |
| ԳՄԴ | 81.2Հ |
| Թվային տարբերակ | issuu.com/armanhigh/docs/_-_1d26f2e965d3ea |
| Պարգև(ներ) | ՀՀ վարչապետի շնորհակալագիր |
«Հայերենը ափի մեջ», գրող, խմբագիր Վաչագան Ա. Սարգսյանի գիրքը, որը լույս է տեսել 2005 թվականին, Երևանում։ Շնորհանդեսը կայացել է 2006 թվականի մայիսին։ Հրատարակիչ՝ «9-րդ հրաշալիք», խմբագիր՝ Հրանտ Վարդանյան։ Գրքում հետաքրքրաշարժ զրույցների տեսքով ներկայացվում են հայերենի ստուգաբանության վերաբերյալ հարցեր[1]։ 2006 թվականին գրքի համար հեղինակն արժանացել է ՀՀ վարչապետի շնորհակալագրին[2]։
Բովանդակություն[խմբագրել | խմբագրել կոդը]
«Հայերենը ափի մեջ» գրքում ներկայացված է 125 զրույց, որոնք պատմում են հայերենի բառերի ծագման ու ստուգաբանության, լեզվական նրբությունների և զարմանալի իրողությունների մասին։ Զրույցների միջոցով հեղինակը փորձում է ընթերցողին ներկայացնել հայերենի զարմանահրաշ աշխարհըըՙ անցյալից դեպի ապագա։ Գրքի հիմնական նպատակն է սեր արթնացնել հայոց լեզվի նկատմամբ[1]։
Գրքի բոլոր էջերի վերևի մասում շուրջ 160 օտար և հայ մեծերի, նշանավոր մարդկանց մոտ 300 ասույթներ են հայոց լեզվի վերաբերյալ[1]։
Գիրքը գրվել է տասը տարի[1]։ Նվիրված է հայոց գրերի գյուտի 1600-ամյակին[2]։
Գրքի շնորհանդես[խմբագրել | խմբագրել կոդը]
Վաչագան Ա. Սարգսյանի «Հայերենը ափի մեջ», «Արարման 9-րդ օրը» և «Հայերենի դասագիրք 1» գրքերի շնորհանդեսը տեղի է ունեցել Հայաստանի ազգային գրադարանի դահլիճում՝ 2006 թվականի մայիսի 30-ին[2]։
Շնորհանդեսի ժամանակ ելույթ է ունեցել գրադարանի տնօրեն Դավիթ Սարգսյանը, ըստ որի՝ նշված երեք գրքերը պետք է դառնան «սեղանի գիրք» յուրաքանչյուր հայ ընտանիքի համար` նոր սերունդների մեջ հարգանք սերմանելով հայոց լեզվի նկատմամբ, ստեղծելով կիրթ և գրագետ հասարակություն»[2]։
2006 թվականին գրքերի հեղինակ Վաչագան Ա. Սարգսյանն արժանացել է ՀՀ վարչապետի շնորհակալագրին` «Հայոց լեզվի անաղարտությունը պահպանելու մեջ մեծ ավանդ ունենալու համար»[2]։
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
- «Հայերենը ափի մեջ» գիրքը Հայաստանի ազգային գրադարանի գրապահոցում