Կոնստանդին Ալաջալյան
Կոնստանդին Ալաջալյան | |
---|---|
Ծնվել է | նոյեմբերի 18, 1900[1] |
Ծննդավայր | Նոր Նախիջևան, Ռոստովի շրջան, Դոնի զորքի մարզ, Ռուսական կայսրություն |
Վախճանվել է | հոկտեմբերի 23, 1987[2] (86 տարեկան) |
Մահվան վայր | Նյու Յորք, Նյու Յորք, ԱՄՆ |
Քաղաքացիություն | ԱՄՆ |
Կրթություն | Սանկտ Պետերբուրգի համալսարան |
Մասնագիտություն | նկարիչ |
Constantin Alajalov Վիքիպահեստում |
Կոնստանդին Իվանի Ալաջալյան (նոյեմբերի 18, 1900[1], Նոր Նախիջևան, Ռոստովի շրջան, Դոնի զորքի մարզ, Ռուսական կայսրություն - հոկտեմբերի 23, 1987[2], Նյու Յորք, Նյու Յորք, ԱՄՆ), հայ նկարիչ, գրաֆիկ։ Աշխատել է մոնումենտալ գեղանկարչության և պլակատի բնագավառներում։
Սիմոն և Ստեփան Ալաջալովների եղբայրը[3]։
Կենսագրություն[խմբագրել | խմբագրել կոդը]
Կոնստանդին Ալաջալյանը ծնվել է 1900 թվականին։ Մանկությունն անցել է Դոնի Ռոստովում։ Գիմնազիան ավարտելով՝ ինքնուրույն սովորել է նկարել։ 1917-1918 թվականներին սովորել է Պետրոգրադի համալսարանում։ Հեղափոխության տարիներին միացել է հեղափոխական իշխանությանը ծառայող արվեստագետների խմբին։ Պատվերով նկարել է քարոզչական պաստառներ, հեղափոխության առաջնորդների դիմանկարներ։ 1918 թվականին վերադարձել է Ռոստով, համագործակցել «Искусство» ամսագրի հետ։ 1918 թվականին մասնակցել է Ռոստով-Նախիջևան համայնքի 8-րդ գարնանային ցուցահանդեսին, «Донская волна» ամսագրի համար ստեղծել է գրաֆիկական դեկորատիվ տարրեր (1918-1919)[4]։
1920 թվականին հանդիպել է Սերգեյ Եսենինին, ստեղծել նրա դիմանկարը, որը տասը տարի անց տպագրվել է Մերի Դեստի «Իսիդորա Դունկանի ավարտը» գրքում (Detsi M. Isadora Duncan’s end. London, 1929)[5]:
1921 թվականին ապրել է Իրանում, Կոստանդնուպոլսում[6]։ 1923 թվականից տեղափոխվել է ԱՄՆ, 1928 թվականին ստացել ամերիկյան քաղաքացիություն։
Զբաղվել է որմնանկարչությամբ, գրքի ձևավորմամբ։ Նկարել է պաննոներ, աշխատակցել է թերթերին։ Նրա ձևավորած գրքերից են Գերշվինի «Երգերի» գիրքը, Սկինների «Մեր սրտերը ջահել էին ու զվարթ», Միլլերի «Մոխրոտը» և այլն[7]։
Մատենագրություն[խմբագրել | խմբագրել կոդը]
- Ջանետ Ֆիշեր. «Ալաջալովի նկարները և գծանկարները», Նյու Յորք, 1942 (անգլերեն)։
Ծանոթագրություններ[խմբագրել | խմբագրել կոդը]
- ↑ 1,0 1,1 Artists of the World Online, Allgemeines Künstlerlexikon Online, AKL Online (գերմ.) / Hrsg.: A. Beyer, B. Savoy — B: K. G. Saur Verlag, Verlag Walter de Gruyter, 2009. — ISSN 2750-6088 — doi:10.1515/AKL
- ↑ 2,0 2,1 2,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ Аладжалов Константин Иванович. Искусство и культура русского зарубежья. 3 ноября, 2011.
- ↑ «Аладжалов, Константин Иванович». moscow.pink. Վերցված է 2016 թ․ օգոստոսի 17-ին.(չաշխատող հղում)
- ↑ «Аладжалов Константин» Энциклопедия русской живописи.
- ↑ Reed, Roger T. «Constantin Alajalov Biography» Illustration House.
- ↑ Դանիել Դզնունի, Հայ կերպարվեստագետներ, համառոտ բառարան