Կոզման (ամրոց)
Անվան այլ կիրառումների համար տե՛ս՝ Կոզման (այլ կիրառումներ)
 | |
|---|---|
| Տեսակ | կիկլոպյան կառույց |
| Հասցե | Կողբ գյուղից 10 կմ ամ, «Կոզմանի դաշտ» վայրում, բարձր բլրի վրա |
| Վարչական միավոր | Կողբ[1] |
| Երկիր |  Հայաստան |
| Կառուցված | Մ․թ․ա․ II-I հազարամյակ |
| Բարձրություն | 1 մետր պարսպաշար |
| Ունի ձև | հնգակողմ |
| Ընթացիկ վիճակ | ավերված, պահպանվել են հիմքերը, պատերի որոշ հատվածներ |
| Բաց է հանրության համար | այո |
Կոզման, ավերված ամրոց Տավուշի մարզի Կողբից 7,7 կմ հեռավորության վրա։ Այն գտնվում է երեք կողմից անտառապատ ձորալանջերով եզերված բարձունքում։ Հյուսիս-արևմուտքից և հարավ-արևելքից եզերված է պարսպապատերով։ Պահպանվել են պատերի մի քանի հատվածներ, որոնք ունեն մոտ 3 մետր լայնություն, եռաշերտ կառուցվածք։ Պատերը կառուցված են խոշոր և միջին չափերի քարերից, որոնք արանքում լցված են մանր քարեր։ Նկատելի են կառույցի մնացորդները։ Այն իր մեջ ընդգրկում է 0,6 հա հողատարածք (0,45 հա հուշարձանի տարածքն է), իսկ պահպանման տարածքը կազմում է 2,86 հա[2][3]։
ՀՀ կառավարության 2004 թվականի դեկտեմբերի 30-ի թիվ 1929-Ն որոշմամբ ներառվել է Կողբի պատմության և մշակույթի անշարժ հուշարձանների ցանկում։
Ծանոթագրություններ[խմբագրել | խմբագրել կոդը]
- ↑ Wiki Loves Monuments monuments database — 2017.
- ↑ Ս․ Ս․ Չիլինգարյան «Նոյեմբերյանի կիկլոպյան ամրոցներ». էջեր 228–229.
- ↑ Անահիտ Գրիգորյան, Վահագն Հովհաննիսյան «Կոզման ամրոցի նկարագրական-բնութագրական տեղեկանք»