Կարո Մինասյան
Անվան այլ կիրառումների համար տե՛ս՝ Կարո Մինասյան (այլ կիրառումներ)- Վիքիպեդիայում կան հոդվածներ Մինասյան ազգանունով այլ մարդկանց մասին։
 | |
|---|---|
| Ծնվել է | 1897 |
| Մահացել է | 1973 |
| Կրթություն | Լոնդոնի համալսարան և Լոզանի համալսարան |
| Մասնագիտություն | բժիշկ և հնէաբան |
Կարո Մինասյան (1897 - 1973), իրանահայ բժիշկ, գիտնական, հնագետ։
Կենսագրություն[խմբագրել | խմբագրել կոդը]
Կարո Մինասյանը ծնվել է 1897 թվականին Չհալմահալի Բախթիարի շրջանի Մամակա գյուղում։ Սովորել է տեղի դպրոցում։ Այնուհետև կրթությունը շարունակելու համար մեկնել է Հնդկաստան, սակայն հիվանդության պատճառով վերադարձել է Իրան, կրթությունը շարունակել Ջուղայի գիշերօթիկ դպրոցում։ Հնդկաստանի համալսարանից ստացել է առողջապահության դոկտորի դիպլոմ` հեռակա կարգով, այնուհետև կրթությունը շարունակելու համար մեկնել է Հնդկաստան։ Առաջին համաշխարհային պատերազմի ժամանակ ռազմաճակատում աշխատել է որպես բժիշկ և հիմնել հիվանդանոց։ 1920 թվականին Կարո Մինասյանը շարունակել է կրթությունը Լոնդոնի և Լոզանի համալսարաններում և ստացել ընդհանուր և պլաստիկ վիրաբույժի մասնագիտություն։
Վերադառնալով Իրան` Ահվազում, Թեհրանում և Սպահանում աշխատել է որպես բժիշկ, հիմնել իր սեփական պոլիկլինիկաները։
Կարո Մինասյանը եղել է Չհարմահալի և Ֆերեյդանի հիվանդանոցների հիմնադիրներից, եղել է Իրանի հնագիտության, հուշարձանների պահպանման հանձնաժողովի մշտական անդամ։ Նա ստեղծել է Սպահանի ամենամեծ անձնական գրադարանը, որտեղ հավաքված էին հին տպագրության և ձեռագիր գրքերի հազարավոր հատորներ։
Կարո Մինասյանի հայկական հավաքածու[խմբագրել | խմբագրել կոդը]
Կալիֆոռնիայի Լոս Անջելեսի մասնաճյուղի համալսարանը 1968 թվականին ձեռք է բերել Կարո Մինասյանի հավաքածուն, որը բաղկացած է հայկական ձեռագրերից, որոնց մեջ է Գլաձորի Ավետարանը, վաղ շրջանի հայկական տպագիր գրքեր՝ պարսկերեն, արաբերեն, օսմանյան թուրքերեն և ուրդու ձեռագրեր։ Այս ձեռագրերի նյութերը հետևյալն են՝ պարսկերեն և արաբերեն լեզվաբանություն, պարսկերեն գրականություն և պատմություն, Շիա աստվածաբանություն և օրենսդրություն, արվեստ, փիլիսոփայություն, տրամաբանություն։ Հավաքածուն կազմված է պարսկերեն ձեռագրերի նմուշներից, զանազան առարկաներից և պատմական իրերից։ Հայկական այս հավաքածուն, որը հիմնականում Սպահանի հայկական գաղութի կենցաղի մասին է, բաղկացած է նամակներից, որոնք նաև առևտրի մասին են։ Հավաքածուն ուշագրավ է իր հաշվեգրերով, նկարներով, տպագիր և ձեռագիր գրքերով, նամակածրարներով, բացիկներով և փաստաթղթերով, որոնք 17-րդ դարից մինչև 20-րդ դարի կեսերի ժամանակաշրջաններից են[1]։
Մահ[խմբագրել | խմբագրել կոդը]
Կարո Մինասյանը մահացել է 1973 թվականին։ Իր կտակի համաձայն` թաղվել է Ջուղա քաղաքի գերեզմանոցում` հոր կողքին։
Երկեր[խմբագրել | խմբագրել կոդը]
Կարո Մինասյանը հնէաբանության և բժշկության բնագավառում մի քանի գրքերի և հոդվածների հեղինակ է`
- «Ծխախոտի ազդեցությունը», Փարիզ, 1929
- Des Anomlies peno ureteralse contibution a letude, Լոզան, 1929
- Gilantets the Chronicle of Petros di Sarkis, Լիսաբոն, 1929
- Shah diz of Islamic Fame, Լոնդոն, 1971
Գրականություն[խմբագրել | խմբագրել կոդը]
- Իրանահայոց հանրագիտարան։ Կազմող` Ժանետ Տ. Լազարյան։ Երևան, «ՎՄՎ-Պրինտ, 2012։
Ծանոթագրություններ[խմբագրել | խմբագրել կոդը]
- ↑ «Caro Minasian collection of Armenian material, ca. 1600-1968, Կարօ Մինասեան հայկական հաւաքածոյի ցուցակը, մօտ. 1600-1968». www.oac.cdlib.org. Վերցված է 2017 թ․ դեկտեմբերի 3-ին.