Կարապետ Դեմիրճյան (բժիշկ)
- Վիքիպեդիայում կան հոդվածներ Դեմիրճյան ազգանունով այլ մարդկանց մասին։
Անվան այլ կիրառումների համար տե՛ս՝ Կարապետ Դեմիրճյան (այլ կիրառումներ)
 | |
|---|---|
| Ծնվել է | անհայտ |
| Ծննդավայր | Արևմտյան Հայաստան, Սեբաստիայի վիլայեթ, Ազիզիեի գավառակ, Բյունյան |
| Մահացել է | 1915 |
| Ազգություն | հայ |
| Մասնագիտություն | բժիշկ |
Կարապետ Դեմիրճյան (Արևմտյան Հայաստան, Սեբաստիայի վիլայեթ, Ազիզիեի գավառակ, Բյունյան - 1915), հայ բժիշկ։
Կենսագրություն[խմբագրել | խմբագրել կոդը]
Կարապետ Դեմիրճյանը ծնվել է Արևմտյան Հայաստանի Սեբաստիայի վիլայեթի Ազիզիեի գավառակի Բյունյան գյուղաքաղաքում։ Բժշկական կրթություն է ունեցել և Կ. Պոլսում բժիշկ աշխատել։ Եղել է ՍԴՀԿ-ի անդամ։ 1915 թվականին Կ. Պոլսում ձերբակալվել է և բանտարկվել Դեպո բանտում։
Ի թիվս 36 ձերբակալվածների, տարվել է Անկարայի նահանգի Կեսարիայի գավառի Էվերեկ ավանի բանտը, որտեղ ենթարկվել է հարցաքննության։ Ապա խիստ հսկողության տակ տեղափոխվել է Կեսարիայի բերդը՝ դրվելով Պատերազմական ատյանի տրամադրության տակ։
Աքսորի ճանապարհին սպանվել է կամ մահացել ժանտախտից։
Աղբյուրներ[խմբագրել | խմբագրել կոդը]
- Հարություն Մինասյան, Օսմանյան կայսրությունում և Թուրքիայի Հանրապետությունում բռնաճնշումների և ցեղասպանության ենթարկված հայ բժիշկներ, Երևան, «Լուսաբաց», 2014 — 520 էջ։
Գրականություն[խմբագրել | խմբագրել կոդը]
- Գալֆայեան Կարապետ աւագ քահանայ, Գիրք Ելից հայոց, Պէյրութ, 1955։