Լևոն Վարդանյան

Վիքիպեդիայում կան հոդվածներ Վարդանյան ազգանունով այլ մարդկանց մասին։

Անվան այլ կիրառումների համար տե՛ս՝ Լևոն Վարդանյան (այլ կիրառումներ)

Լևոն Վարդանյան
Ծնվել է	մայիսի 6, 1948(1948-05-06)
Ծննդավայր	Երևան, Հայկական ԽՍՀ, ԽՍՀՄ
Մահացել է	փետրվարի 21, 2013(2013-02-21) (64 տարեկան)
Վախճանի վայրը	Երևան, Հայաստան
Կրթություն	Փանոս Թերլեմեզյանի անվան գեղարվեստական ուսումնարան (1966) և Երևանի պետական գեղարվեստա-թատերական ինստիտուտ (1972)
Մասնագիտություն	քանդակագործ և ուսուցիչ
Աշխատավայր	Հայաստանի գեղարվեստի պետական ակադեմիա

Լևոն Սուրենի Վարդանյան (մայիսի 6, 1948(1948-05-06), Երևան, Հայկական ԽՍՀ, ԽՍՀՄ - փետրվարի 21, 2013(2013-02-21), Երևան, Հայաստան), հայ քանդակագործ։

Կենսագրություն

1966 թվականին ավարտել է Երևանի գեղարվեստի ուսումնարանը, 1972 թվականին՝ Երևանի գեղարվեստա-թատերական ինստիտուտը։

1976 թվականից դասավանդել է Երևանի գեղարվեստի ակադեմիայում։

Ստեղծագործում է մոնումենտալ քանդակագործության բնագավառում։

Մասնակցել է համամիութենական միջազգային սիմպոզիումների և բիենալեների (1992, 1994, 1998, Ռավեննա)։

Ստեղծագործություններ

• «Երևան» (1981, հարթաքանդակ, փայտ, Երևանի քաղաքապետարան),
• «Աշխատանքի երգ» (1985, տուֆ, Երևանի մետրոպոլիտենի «Գործարանային» կայարան),
• «Մտածողներ» (1986, տուֆ, քաղաք Վոլգոդոնսկ, ՌԴ),
• «Սպիտակաքար, ոսկեգմբեթ Մոսկվան» (1997, հարթաքանդակ, ՌԴ դեսպանատուն, Երևան),
• «Աստծու աչք» (1998, բրոնզ, Ռավեննա, Իտալիա)

Փոքր ձևերի քանդակները գտնվում են Հայաստանի մշակույթի նախարարության ֆոնդում (Երևան), Տրետյակովյան պատկերասրահում (Մոսկվա), գեղարվեստի թանգարանում (Վանաձոր), փայտարվեստի թանգարանում (Երևան)։