Իտալա-ալժիրական հարաբերություններ

Իտալա-ալժիրական հարաբերություններ, դիվանագիտական հարաբերություններն Ալժիրի Ժողովրդադեմոկրատական Հանրապետության և Իտալիայի Խորհրդարանական Հանրապետության միջև։ Այս պետությունների միջև երկկողմ հարաբերություններն ունեն խոր պատմական ակունքներ։ Ալժիրի հյուսիսային հատվածը նախկինում ներառված է եղել Հռոմեական կայսրության մեջ՝ համարվելով իտալական պետականության անբաժանելի մաս։ Ժամանակակից Ալժիրի տարածքում գտնվող Ջեմիլա և Տիպասա հռոմեական հնավայրերը ներառված են Ալժիրում ՅՈւՆԵՍԿՕ-ի Համաշխարհային ժառանգության ցանկի մեջ^[1]։ Իտալիայի և Ալժիրի բնակիչների միջև հնուց ի վեր գոյություն են ունեցել առևտրային հարաբերություններ։

Ներկայումս Իտալիան և Ալժիրը բարեկամական պետություններ են։ Ալժիրը հավատարմագրել է իր դեսպանին Հռոմում, իսկ Իտալիան՝ քաղաքամայր Ալժիրում։ Ե՛վ Իտալիան․ և՛ Ալժիրը Միջերկրածովյան միության լիիրավ անդամներ են։

Պատմական առնչություններ[խմբագրել | խմբագրել կոդը]

Հռոմեական կայսրության կողմից Հյուսիսային Աֆրիկայում մեծ ազդեցություն ունեցող Կարթագենի նվաճումից հետո, հռոմեացիների վարչակարգը տարածվում է ժամանակակակից Ալժիրի տարածքում ևս։ Այդ ժամանակներից ի վեր Իտալիան կարողացել է Ալժիրի հյուսիսում տարածել իտալերեն լեզուն և իտալական մշակույթը։

Ժամանակակից հարաբերություններ[խմբագրել | խմբագրել կոդը]

Ալժիրի քաղաքացիական պատերազմի ժամանակ Իտալիան վերջինիս ցույց է տալիս աջակցություն՝ ձգտելով տարածաշրջանում կայունության և համերաշխության հաստատմանը։ Իտալիան մեծ զինակցություն է ցույց տվել Ալժիրի կառավարությանը հատկապես իսլամիստների ահաբեկչական խմբավորումների դեմ պայքարի ժամանակ։

Իտալիայի նախկին վարչապետ Մատտեո Ռենզիի խոսքերով Ալժիրի և Իտալիայի հարաբերությունները «ռազմավարական» են^[2]։ Իտալիան և Ալժիրը ձգտում են խորացնելու երկու երկրների միջեւ կապը, մասնավորապես՝ տնտեսական և էներգետիկ համագործակցությունները^[3]^[4]^[5]։