Էռլ Բելլ
| Էռլ Բելլ | |
|---|---|
| Ծնվել է | հոկտեմբերի 22, 1930 |
| Ծննդավայր | Փիթսբուրգ, Փենսիլվանիա, ԱՄՆ |
| Մահացել է | ապրիլի 3, 1995 (64 տարեկան) |
| Մահվան վայր | Ֆլորիդա, ԱՄՆ |
| Կրթություն | Փիթսբուրգի համալսարան |
| Մասնագիտություն | գործարար |
Էռլ Ֆլիգլեր Բելլ (անգլ.՝ Earl Fleegler Belle, հոկտեմբերի 22, 1930, Փիթսբուրգ, Փենսիլվանիա, ԱՄՆ - ապրիլի 3, 1995, Ֆլորիդա, ԱՄՆ), 1950-ական թվականներին բաժնետոմսերի ամենամեծ խարդախներից մեկը։ Նա ԱՄՆ-ից փախել է Բրազիլիա, բայց 5,5 տարի անց վերադարձել է և ենթարկվել ազատազրկման՝ արժեթղթերի խարդախության համար։ Երիտասարդ լինելու պատճառով լրատվամիջոցները նրան անվանել են տարբեր մականուններով, այդ թվում՝ «Հրաշք տղա» («Boy Wonder») և «Փիթսբուրգյան հրաշամանուկ» («Pittsburgh Whiz Kid»):
Կենսագրություն[խմբագրել | խմբագրել կոդը]
Էռլ Բելլը ծնվել է Փիթսբուրգում (Փենսիլվանիա)՝ Ջուլիուս Բելլի և Էդիթ Ֆլիգլերի ընտանիքում։ 1951 թվականին Բելլն ամուսնացել է Ֆեյթ Ջոյ Բլումենֆելդի հետ։ 1956 թվականին նա ավարտել է Փիթսբուրգի համալսարանը։ Մյուրեյ և Բերթոն Թալենֆելդ եղբայրների և նրանց հոր՝ Էդվարդի հետ Eastern Investment Development Corp.-ի միջոցով սկսել է մշակել Փենսիլվանիա նահանգի Սոլթսբուրգ թաղամասի վերակառուցման ծրագիրը։ Այնուհետև Բելլը դարձել է Սոլթսբուրգի առաջին ազգային բանկի տնօրենը։ Բելլը և նրա համախոհները 1957 թվականին գնել են Cornucopia Gold Mines-ի հսկիչ փաթեթը (շրջանառվել է Ամերիկյան ֆոնդային բորսայում) և բաժնետոմսերով մեքենայություններ են արել այլ ընկերություններ գնելու համար։ Այդ ժամանակ հոլդինգը կոչվել է General Kinetics: 1958 թվականի ապրիլին Բելլը Նյու Ջերսիում ձեռք է բերել նաև Manufacturers Bank of Edgewater-ի վերահսկիչ բաժնեմասը։ Բանկը սնանկացել է 1958 թվականի հուլիսի 17-ին՝ Բելլի վերահսկվողության տակ գտնվող ընկերություններին 150․000 դոլար կասկածելի վարկեր հայտնաբերելուց հետո[1][2][3]։
Բելլը փախել է Փիթսբուրգից 1958 թվականի հուլիսի 4-ին՝ հանգրվանելով Բրազիլիայի Ռիո դե Ժանեյրո քաղաքում։ Նա իր հետ տարել է մոտ 1 միլիոն դոլար։ 1958 թվականի հուլիսին Բելին և նրա գործընկեր Միտչել Օստվինդին մեղադրանք է առաջադրվել՝ դավադրության և փոստի միջոցով խարդախության ու գողացված գույքի միջպետական փոխադրման խախտման Դաշնային օրենքների 17 հոդվածով։ Միտչել Օստվինդը վերադարձել է Ամերիկայի Միացյալ Նահանգներ 10 ամիս անց և դատապարտվել Edgewater բանկի խարդախության գործով։ Մյուրեյ և Բերթոն Թալենֆելդ եղբայրները 1961 թվականին մեղավոր են ճանաչվել մեղադրանքի 13 կետով և հրաժարվել են պաշտպանությունից 25 այլ մեղադրանքներով, և դատապարտվել են մեկ տարվա ազատազրկման և 20․000 դոլար տուգանքի։ Նրանց հայրը՝ Էդվարդը, ստացել է փորձարկման ժամկետ[4]։
Բրազիլական դատարանը Բելլին մեղադրանք է առաջադրել խարդախության համար՝ անարժեք չեկեր տալու հետ կապված, և 1963 թվականի դեկտեմբերին նա ինքնակամ վերադարձել է Ամերիկայի Միացյալ Նահանգներ[5]։ Բացի այդ, Բրազիլիայի հետ արտահանձնման պայմանագիրը ուժի մեջ էր մտնելու 1964 թվականի դեկտեմբերին, քանի որ Բրազիլիան դարձել էր ԱՄՆ-ից մի շարք բաժնետոմսային խարդախների՝ Բեն Ջեք Քեյջի, Լոուել Բիրելի և Էդվարդ Մ. Գիլբերտի համար ապաստարան[6]։ Բելլն իրեն մեղավոր է ճանաչել ֆինանսական հաշվետվությունների կեղծման և խարդախության 26 կետով, իսկ 18 այլ կետերով հրաժարվել է պաշտպանությունից[7]։ 30 ամսվա պատժից նա կրել է 22 ամիսը։ Ազատ է արձակվել 1966 թվականի մայիսին։ 1981 թվականին Բելլը կրկին բախվել է իրավական դժվարությունների, երբ Արժեթղթերի և բորսաների հանձնաժողովը (SEC) պատժամիջոցներ է կիրառել Teletrans Industries, Inc.-ի հետ գործարքների պատճառով[8]։
Բելը մահացել է Ֆլորիդայում 1995 թվականին։
Ծանոթագրություններ[խմբագրել | խմբագրել կոդը]
- ↑ The Rise and Fall of a "Big-Time" Operator Madera Daily Tribune January 15, 1964
- ↑ Belle Back "To Clear Name" Beaver County Times December 20, 1963
- ↑ "Boy Wonder"Belle to Face Fraud Trial in Pittsburgh, City of His "Empire" The Desert Sun December 16, 1963
- ↑ «Article clipped from The Pittsburgh Press». The Pittsburgh Press. 1962 թ․ մարտի 11. էջ 29. Վերցված է 2024 թ․ ապրիլի 30-ին.
- ↑ Financier Back for Fraud Trial; Belle, 'Boy Wonder,' Returns From Brazil in Custody; Banks Lost $750,000 New York Times December 15, 1963
- ↑ CBS Television. Eyewitness: The Fugitive Financiers July 20, 1962
- ↑ Man of Financial Fame Put Behind Prison Bars The Sumter Daily Item July 1, 1964
- ↑ Remembering a Pro at Conning Pittsburgh Post-Gazette July 3, 2008