Էլոիզ (գիրք)
Էլոիզ անգլ.՝ Eloise | |
---|---|
Տեսակ | գրքերի շարք |
Հեղինակ | Քեյ Թոմփսոն |
Երկիր | ԱՄՆ |
Բնագիր լեզու | անգլերեն |
Կերպարներ | Eloise? և Nanny? |
Նկարազարդող | Hilary Knight? |
Հրատարակչություն | Simon & Schuster |
Հրատարակվել է | 1955 |
Էլոիզ (անգլ.՝ Eloise), մանկական գրքերի շարք, որ ստեղծվել է 1950-ական թվականներին ամերիկացի գրող Քեյ Թոմփսոնի կողմից և նկարազարդվել Հիլարի Նայթի կողմից։ Առաջին գիրքը հրատարակվել է 1955 թվականին։ Էլոիզը վեցմայա աղջիկ է, որն իր դայակի, Վիննի մաստիֆի և Սքիփերդի կրիայի հետ ապրում է Նյու Յորքում՝ «Պլազա» հյուրանոցում։ Էլոիզի կերպարի նախատիպը եղել է Քեյ Թոմփսոնի սանիկը՝ Լայզա Մինելլին, ինչպես նաև հենց հեղինակը[1]։ Էլոիզի վիզուալ կերպարի ստեղծման ժամանակ նկարազարդողն օգտագործել է մոր՝ Քեթրին Ստյորջես Նայթի նկարը, որն արվել է 1930-ական թվականներին[2]։
Գրքեր[խմբագրել | խմբագրել կոդը]
- Էլոիզ (Eloise, 1955),
- Էլոիզը Փարիզում (Eloise in Paris, 1957),
- Էլոիզը Սուրբ ծննդին (Eloise at Christmastime, 1958),
- Էլոիզը Մոսկվայում (Eloise in Moscow, 1959),
- Էլոիզը լոգանք է ընդունում (Eloise Takes a Bawth, 2002), հրատարակվել է հետմահու[3]։
Ժամանակակից հեղինակների կողմից ստեղծվել են Էլոիզի մասին գրքի բազմաթիվ շարունակություններ։
Էկրանավորումներ[խմբագրել | խմբագրել կոդը]
2003 թվականին Walt Disney Television ընկերության կողմից առաջին երկու գրքերի հիման վրա նկարահանվել են երկու ֆիլմեր՝ «Էլոիզը Պլազայում» (անգլ.՝ Eloise at the Plaza) և «Էլոիզը Սուրբ ծննդին» (անգլ.՝ Eloise at Christmastime)։ Էլոիզի դերը կատարել է Սոֆյա Վասիլևան, իսկ դայակին մարմնավորել է Ջուլի Էնդրյուսը։ 2006 թվականին թողարկվել է Էլոիզի մասին գրքերի հիման վրա նկարահանված մուլտսերիալ։ Ռեժիսոր Չարլզ Շայերը, որը նկարահանել է այնպիսի ֆիլմեր, ինչպիսիք են՝ «Ալֆի» և «Հարսի հայրը», սկսել է նկարահանել «Էլոիզը Փարիզում» ֆիլմը համանուն գրքի հիման վրա։ Կինոնկարում, որը գտնվում է արտադրության փուլում, գլխավոր դերը պետք է կատարի Ջորդանա Բիթին, իսկ դայակի դերը՝ Ումա Թուրմանը։ 2012 թվականին հայտարարվել է, որ Ումա Թուրմանը հայց է ներկայացրել ընդդեմ արտադրող ընկերության՝ պահանջելով փոխհատուցում 6 մլն ֆունտ ստեռլինգի չափով[4]։ Պարզ չէ, թե արդյոք Ջորդանա Բիթին մնում է նախագծում, սակայն դա քիչ հավանական է, եթե հաշվի առնվի նրա տարիքը[5]։ 2009 թվականի փետրվարին հայտարարվել է, որ «Էլոիզն Աֆրիկայում» անիմացիոն ֆիլմը թողարկվելու է միանգամից DVD-ով[6]։
Հեռուստատարբերակներ[խմբագրել | խմբագրել կոդը]
- Թատրոն 90, «Էլոիզ» (1956)
- Էլոիզ։ Անիմացիոն սերիալ (անգլ.՝ Eloise: The Animated Series, 2006)
Ֆիլմեր[խմբագրել | խմբագրել կոդը]
- Էլոիզը Պլազայում (անգլ.՝ Eloise at the Plaza, 2003)
- Էլոիզը Սուրբ ծննդին (անգլ.՝ Eloise at Christmastime, 2003)
- Էլոիզը Փարիզում
- Էլոիզն Աֆրիկայում (չեղարկված)
Ծանոթագրություններ[խմբագրել | խմբագրել կոդը]
- ↑ Benfer, Amy (1999 թ․ հունիսի 1). «Will the real Eloise please stand up?» (անգլերեն). Salon.com. Վերցված է 2015 թ․ հուլիսի 11-ին.
- ↑ «Hilary Knight» (անգլերեն). Barnes & Noble. Արխիվացված է օրիգինալից 2012 թ․ հոկտեմբերի 21-ին. Վերցված է 2015 թ․ հուլիսի 11-ին.
- ↑ Won Tesoriero, Heather (2002 թ․ հոկտեմբերի 9). «Welcome Back, Eloise» (անգլերեն). Time. Վերցված է 2015 թ․ հուլիսի 11-ին.
- ↑ «Uma: I want £6m for film that never was» (անգլերեն). Daily Mail Online — «Я хочу 6 млн фунтов за фильм который никогда не выйдет». 2010 թ․ հունվարի 22. Վերցված է 2015 թ․ հուլիսի 11-ին.
{{cite web}}
: no-break space character in|description=
at position 10 (օգնություն) - ↑ Diana Lodderhose (2010 թ․ օգոստոսի 6). «Uma Thurman agrees to 'Eloise' deal» (անգլերեն). Variety. Վերցված է 2015 թ․ հուլիսի 11-ին.
- ↑ Tom McLean (2009 թ․ փետրվարի 10). «Eloise in Africa Feature Coming to DVD». Animation Magazine. Վերցված է 2015 թ․ հուլիսի 2-ին.