Դիզակի գույները
Այս հոդվածը կատեգորիայի կարիք ունի։ Դուք կարող եք օգնել նախագծին՝ կատեգորիա գտնել կամ ստեղծել ու ավելացնել հոդվածին։ |
Դիզակի գույները, նկարչական սիմպոզիում է, որը առաջին անգամ կազմակերպվել է 2017 թվականի սեպտեմբերի 11-16-ը՝ Արցախի Հանրապետության Հադրութ շրջանում։ Սիմպոզիումին մասնակցել են 10 նկարիչներ Հայաստանից և Արցախից[1]։
Ստեղծման պատմություն[խմբագրել | խմբագրել կոդը]
Մտահղացման հեղինակը Գևորգ Բաբախանյանն է, կազմակերպիչը՝ Հադրութի շրջվարչակազմի աշխատակազմի մշակույթի և երիտասարդության հարցերի բաժինը։
«Դիզակի գույները» նկարչական առաջին սիմպոզիումին մասնակցել են՝ Սամվել Թավադյան (Արցախ, Ծովատեղ), Ռուբեն Բարսեղյան (Հայաստան, գ. Կողբ), Աննա Նասիբյան (Հայաստան, գ. Կողբ), Սերգեյ Առուստամյան (Արցախ, Ստեփանակերտ), Գեղամ Գեղամյան (Հայաստան, Եղվարդ), Անի Մխեյան (Հայաստան, Արգավանդ), Արուս Փաշիկյան (Հայաստան, գ. Կողբ), Ավետիս Խաչատրյան (Հայաստան, Երևան), Հովիկ Գասպարյան (ԱՀ նկարիչների միության նախագահ, Արցախ, Ստեփանակերտ), Գևորգ Ընծա Բաբախանյան (Հայաստան, ք. Էջմիածին)։
Նկարիչներն էտյուդներ են արել Հադրութ քաղաքում, Տյաք, Վանք, Տող, Ուխտաձոր և Մեծ Թաղեր գյուղերում։
«Դիզակի գույները» երկրորդ սիմպոզիում[խմբագրել | խմբագրել կոդը]
2018 թվականի հունիսի 22-29-ը կազմակերպվել է «Դիզակի գույները» նկարչական 2-րդ սիմպոզիումը միջազգային ձևաչափով, որի ծրագիրը ներառում էր էտյուդներ Հադրութի շրջանի Արփագետիկ, Պլեթանց, Մելիքաշեն, Ծաղկավանք, Բանաձոր, Խանձաձոր գյուղերը[2]։ Սիմպոզիումին մասնակցել են 18 նկարիչներ Արցախից, Հայաստանից և Ռուսաստանի Դաշնությունից՝ Գևորգ Բաբախանյան, Հովիկ Գասպարյան, Սամվել Թավադյան, Աստղիկ Մելիքսեթյան, Արուս Փաշիկյան, Աննա Նասիբյան, Նատալյա Սյուզևա, Աննա Սլիվկովա, Նատալյա Շեպելևա, Միշա Գրիգորյան, Կոնստանտին Դոլգաշով, Մերի Կարապետյան, Արամ Ենգիբարյան, Միքայել Հարությունյան, Արմինե Ավագյան, Գեղամ Բաբայան, Արտաշես Պետրոսյան, Գարեգին Կիզիրյան։
2018 թվականի հոկտեմբերի 12-ին Ստեփանակերտի պատկերասրահում կազմակերպվել է «Դիզակի գույները» նկարչական սիմպոզիումի 1-ին և 2-րդ տարիների մասնակիցների աշխատանքների ցուցահանդեսը[3]։
«Դիզակի գույները» երրորդ սիմպոզիում[խմբագրել | խմբագրել կոդը]
2019 թվականին Հադրութում կազմակերպվել է «Դիզակի գույները» միջազգային 3-րդ սիմպոզիումը, որին մասնակցել է 15 նկարիչ աշխարհի 8 երկրից` Հովիկ Գասպարյան (Արցախի նկարիչների միության նախագահ, Շուշի), Սամվել Թավադյան (Արցախ, Ծովատեղ), Գևորգ Բաբախանյան-Ընծա (Հայաստան, Էջմիածին), Էթի Ջափարիձե (Վրաստան, Թիֆլիս), Պավել Մունտիև (ՌԴ, Սորտավալա), Արմինե Ավագիմյան (Արցախ, Ստեփանակերտ), Նինա Բոնդարենկո (Ուկրաինա, Կիև), Յուլյա Անտոնյուկ (Բելառուս, Մինսկ), Գոհար Հարությունյան (Հայաստան, Էջմիածին), Պունամ Չանդրիկա Տագի (Հնդկաստան, Դելի), Յուրգա Ավգուստայտիտե (Լիտվա, Վիլնյուս), Յարոսլավ Բոնդարենկո (Ուկրաինա, Կիև), Սերգեյ Խաչատրյան-Սերխաչ (Հայաստան, Երևան), Աբգար Խաչատրյան (Հայաստան, Երևան), Վաչագան Ալոյան (Հայաստան, Արթիկ)[4]։
«Դիզակի գույները» չորրորդ սիմպոզիում[խմբագրել | խմբագրել կոդը]
2020թ՝ նախ համավարակի, ապա 44-օրյա պատերազմի պատճառով սիմպոզիում չի կազմակերպվել։
2021 թվականի հուլիսի 5-12-ն Արցախում կազմակերպվել է «Դիզակի գույները» միջազգային 4-րդ սիմպոզիումը, որին մասնակցել է 18 նկարիչ՝ Արցախից, Հայաստանից, Վրաստանից, Ռուսաստանից, Գերմանիայից, Բելառուսից, Ուկրաինայից ։ Սիմպոզիումի մասնակիցները եղել են ք. Ստեփանակերտում, Մարտունու, Մարտակերտի և Ասկերանի շրջաններում և հնարավորություն են ունեցել ծանոթանալ Արցախ աշխարհին, իրենց կտավներում արտացոլել Արցախի փրկված պատմության պատառիկները։ Նրանք կատարել են նաև Հադրութի շրջանը պատկերող լուսանկարներից արտատպումներ՝ գեղանկարների տեսքով։
«Դիզակի գույները» սիմպոզիումի կտավները «Դիզակ ԱՐՏ» ՄԵԿ-ում[խմբագրել | խմբագրել կոդը]
Սիմպոզիումը հեռանկարային նախագիծ էր՝ և՛ զբոսաշրջության, և՛ արվեստի զարգացման տեսանկյունից։ Այն հնարավորություն էր տալիս աշխարհի տարբեր անկյուններից ժամանած մարդկանց ծանոթացնել Դիզակ աշխարհին, իսկ կտավների միջոցով ներկայանալ ինչպես մեր երկրում, այնպես և նրա սահմաններից դուրս։
2020թ պատերազմի արդյունքում Հադրութի շրջանն անցավ ադրբեջանական վերահսկողության տակ։
Կտավների մեծ մասը մնաց Հադրութում։ Փրկված 26 կտավներ այժմ մշտական ցուցադրության են Երևան քաղաքում՝ «ԴԻԶԱԿ ԱՐՏ» մշակութային կենտրոնում։
Ծանոթագրություններ[խմբագրել | խմբագրել կոդը]
- ↑ Հադրութում ավարտվել է "Դիզակի գույները" խորագրով նկարչական սիմպոզիումը, Վերցված է 2019 թ․ սեպտեմբերի 24-ին
- ↑ «Հադրութում կայացել է նկարչական երկրորդ միջազգային սիմպոզիումի փակման արարողությունը». artsakhpress.am. Վերցված է 2019 թ․ սեպտեմբերի 24-ին.
- ↑ «ՍՏԵՓԱՆԱԿԵՐՏՈՒՄ ԲԱՑՎԵԼ Է «ԴԻԶԱԿԻ ԳՈՒՅՆԵՐԸ» ՄԻՋԱԶԳԱՅԻՆ ՆԿԱՐՉԱԿԱՆ ՍԻՄՊՈԶԻՈՒՄԻ ՄԱՍՆԱԿԻՑՆԵՐԻ ԱՇԽԱՏԱՆՔՆԵՐԻ ՑՈՒՑԱՀԱՆԴԵՍԸ». Журнал ЖАМ. Վերցված է 2019 թ․ սեպտեմբերի 24-ին.
- ↑ «ՀԱԴՐՈՒԹՈՒՄ ՄԵԿՆԱՐԿԵՑ ՙԴԻԶԱԿԻ ԳՈՒՅՆԵՐ՚ ՄԻՋԱԶԳԱՅԻՆ ԵՐՐՈՐԴ ՆԿԱՐՉԱԿԱՆ ՍԻՄՊՈԶԻՈՒՄԸ». www.artsakhtert.com. Վերցված է 2019 թ․ սեպտեմբերի 24-ին.
{{cite web}}
: soft hyphen character in|title=
at position 4 (օգնություն)
5. https://www.facebook.com/dizaktert/posts/4235555353193310/
Այս հոդվածը կատեգորիայի կարիք ունի։ Դուք կարող եք օգնել նախագծին՝ կատեգորիա գտնել կամ ստեղծել ու ավելացնել հոդվածին։ |