Բորիս Բուրենին
| Բորիս Բուրենին | |
|---|---|
| 1893 - սեպտեմբերի 4, 1937 | |
| Ծննդավայր | Վոլոգդա, Ռուսական կայսրություն |
| Մահվան վայր | Մոսկվա, ԽՍՀՄ |
| Գերեզման | Նովոդեվիչյան գերեզմանոց |
| Հրամանատարն էր | 18th Rifle Division (1918–1940)? |
| Մարտեր/ պատերազմներ | Առաջին համաշխարհային պատերազմ, Քաղաքացիական պատերազմ և Խորհրդա-լեհական պատերազմ |
| Կրթություն | Գենշտաբի ակադեմիա |
| Պարգևներ |     և  |
Բորիս Բուրենին (ռուս.՝ Борис Анатольевич Буренин, 1893, Վոլոգդա, Ռուսական կայսրություն - սեպտեմբերի 4, 1937, Մոսկվա, ԽՍՀՄ), ռուս խորհրդային ռազմական գործիչ, դիվիզիայի հրամանատար։
Կենսագրություն[խմբագրել | խմբագրել կոդը]
Բորիս Բուրենինը ծնվել է Վոլոգդա քաղաքում։ Վոլոգդայի ռեալական ուսումնարանն ավարտելուց հետո 1914 թվականին զորակոչվել է բանակ։ Առաջին համաշխարհային պատերազմի մասնակից, Գրոխովսկի 182-րդ հետևակային գնդի ենթասպա։ Պարգևատրվել է Սուրբ Գեորգիի 4-րդ աստիճանի շքանշանով[1]։ 1917 թվականին ավարտել է Գլխավոր շտաբի Ակադեմիայի 1-ին հերթի արագացված դասընթացները[2]։ 1917 թվականի վերջին ստացել է շտաբս-կապիտանի աստիճան և նշանակվել 32-րդ հետևակային դիվիզիայի շտաբի ավագ համհարզ։ Դիվիզիայի կոմիտեի կողմից ընտրվել է դիվիզիայի շտաբի պետ։
ԲԳԿԲ[խմբագրել | խմբագրել կոդը]
ԲԳԿԲ-ի (Բանվորա-գյուղացիական Կարմիր բանակ) կազմում ընդգրկվելուց հետո սկզբում զբաղեցրել է ՌՍՖՍՌ Հյուսիսային ռազմաճակատի օպերատիվ կառավարման պետի օգնականի, այնուհետև պետի պաշտոնները։ 1918 թվականի ապրիլից մինչև սեպտեմբեր շարունակել է ուսումը Ռազմական ակադեմիայի բարձր կուրսում։ Չելյաբինսկի շրջանում չեխոսլովակյան կորպուսի հետ մասնակցել է մարտերին։ Ընդգրկվել է Գլխավոր շտաբի ցուցակներում (1920)։ Սովետա-լեհական պատերազմի ժամանակ զբաղեցրել է 18-րդ հրաձգային դիվիզիայի պետի պաշտոնը։ Հուլիսյան հարձակումների արդյունքներով պարգևատրվել է Կարմիր դրոշի շքանշանով[3]։ Վարշավյան ճակատամարտից հետո դիվիզիայի հետ ներկալվում է Արևելյան Պրուսիա։ Սկզբում գտնվում էր «Արիս» ճամբարում, այնուհետև փոխադրվում է Զալցվեդելի ճամբար[4]։ Գերմանիայից Ռուսաստան վերադառնալուց հետո աշխատել է Հեղափոխական ռազմական խորհրդի Դաշտային շտաբում։ 1924 թվականին զորացրվել է, հետագայում աշխատել է հողագործության ժողկոմատի համակարգում։
Մահ[խմբագրել | խմբագրել կոդը]
Մահացել է 1937 թվականին Մոսկվայում, թաղված է Նովոդեվիչևյան գերեզմանատանը։
Ծանոթագրություններ[խմբագրել | խմբագրել կոդը]
- ↑ «Военный орден святого великомученика и победоносца Георгия. Биобиблиографический справочник» РГВИА, М., 2004
- ↑ Кавтарадзе А. Г. «Николаевская военная академия при Временном правительстве» //Военно-исторический журнал. 2002. № 9
- ↑ Сборник лиц, награждённых орденом Красного Знамени (РСФСР) и почётным революционным оружием
- ↑ Михась Машара «Шёл двадцатый год» Москва 1977 г. стр. 187
- 1893 ծնունդներ
- Սեպտեմբերի 4 մահեր
- 1937 մահեր
- Ռուսական կայսրությունում ծնվածներ
- Մոսկվա քաղաքում մահացածներ
- Նովոդևիչյան գերեզմանատանը թաղվածներ
- Կարմիր դրոշի շքանշանի ասպետներ
- Սուրբ Ստանիսլավի 2-րդ աստիճանի շքանշանի ասպետներ
- Անձինք այբբենական կարգով
- Ռազմական գործիչներ այբբենական կարգով
- Առաջին համաշխարհային պատերազմի մասնակիցներ
- Ռուսաստանի քաղաքացիական պատերազմի մասնակիցներ