Արտակ Վարդանյան (գրող)

Արտակ Վարդանյան
Ծնվել է	մայիսի 4, 1951 (73 տարեկան)
Ծննդավայր	Ազնաբերդ, Բաբեկի շրջան, Նախիջևանի Ինքնավար Խորհրդային Սոցիալիստական Հանրապետություն, Ադրբեջանական ԽՍՀ, ԽՍՀՄ
Մասնագիտություն	բանաստեղծ, թարգմանիչ և արձակագիր
Քաղաքացիություն	ԽՍՀՄ և Հայաստան
Կրթություն	ՀԱՊՀ
Գիտական աստիճան	բանասիրական գիտությունների թեկնածու
Անդամակցություն	ՀԳՄ
Պարգևներ
	Artak Vardanyan (writer) Վիքիպահեստում

Վիքիպեդիայում կան հոդվածներ Վարդանյան ազգանունով այլ մարդկանց մասին։

Անվան այլ կիրառումների համար տե՛ս՝ Արտակ Վարդանյան (այլ կիրառումներ)

Արտակ Վարդանի Վարդանյան (մայիսի 4, 1951(1951-05-04)^[1], Ազնաբերդ, Բաբեկի շրջան, Նախիջևանի Ինքնավար Խորհրդային Սոցիալիստական Հանրապետություն, Ադրբեջանական ԽՍՀ, ԽՍՀՄ), հայ արձակագիր, հրապարակագիր, բանաստեղծ, թարգմանիչ, բանասիրական գիտությունների թեկնածու, Հայաստանի գրողների միության անդամ 2009 թվականից^[2]։

Կենսագրություն[խմբագրել | խմբագրել կոդը]

Արտակ Վարդանյանը ծնվել է 1951 թ. մայիսի 4-ին Նախիջևանի Ազնաբերդ գյուղում։ Ութամյակը ավարտել է ծննդավայրում, միջնակարգը՝ Երևանում։ 1973 թ.ավարտել է Երևանի պոլիտեխնիկական ինստիտուտի տեխնիկական կիբեռնետիկայի ‎ֆակուլտետը, 1988 թ.՝ նույն ինստիտուտի ՀՄՖ լրագրության բաժինը (գերազանցությամբ)։

1973-1994 թթ. աշխատել է Երևանի մաթեմատիկական մեքենաների գիտահետազոտական ինստիտուտում՝ որպես ճարտարագետ, միաժամանակ զբաղվել բարբառագիտությամբ, բանահավաքությամբ, ազգագրությամբ, լրագրությամբ։ Թղթակցել է Հայաստանի և սփյուռքի պարբերականներին, աշխատակցել «Հայրենիքի ձայն» շաբաթաթերթին, Հայաստանի հանրային ռադիոյին։ Հայաստանի ԳԱԱ Հ. Աճառյանի անվան լեզվի ինստիտուտում ուսումնասիրել է Հյուսիսային Նախիջևանի և Վայոց ձորի խոսվածքները (Ճահուկ-Վայքի կամ Վայոց ձորի միջբարբառ), ինչպես նաև պատմական Գողթնի հյուսիսային խոսվածքները (Հյուսիսային Գողթնի միջբարբառ)։ Կազմել է Նախիջևանի բարբառային քարտեզը։ 1996-1998 թվականներին եղել է «Նախիջևան» հայրենակցական միության նախագահը։

Հեղինակ է 20 գրքի, ինչպես նաև գիտական, գիտահանրամատչելի, հրապարակախոսական հոդվածների, էսսեների, պատմվածքների և բանաստեղծությունների։ Թարգմանում է ռուսերենից, պարսկերենից։ Նրա ստեղծագործությունները թարգմանվել և տպագրվել են ռուսերեն, պարսկերեն, գերմաներեն, ֆրանսերեն, ռումիներեն։

1994-2018 թվականներին աշխատել է ՀՀ Նախագահի աշխատակազմում (1999-2018 թթ.՝ որպես արձանագրային բաժնի վարիչ)։ 2018 թվականից աշխատում է ՀՀ ԳԱԱ Հ. Աճառյանի անվան լեզվի ինստիտուտում՝ որպես ավագ գիտաշխատող։

Ունի Հայաստանի Հանրապետության քաղաքացիական ծառայության երկրորդ դասի պետական խորհրդականի դասային աստիճան^[3]։

Թարգմանություններ[խմբագրել | խմբագրել կոդը]

Ալեքսանդեր Իվետ։ Երջանկության օազիսը․-Երևան։ ՎՄՎ-Պրինտ, 2023․- 115 էջ ; 99 էջ։
Այլիսլի Աքրամ։ Քարե երազներ․-Երևան։ Գրաբեր, 2013․- 192 էջ։
Մեծերի մեծ կրքերը. վավերագրական էսսեներ․-Երևան։ Զանգակ, 2005․- 112 էջ։
Կոելյո Պաուլո։ Ալքիմիկոսը․-Երևան։ Գրական թերթ (հատված), 01.11. 2002․- 10 էջ։
Կարմիր շուշանը. չինական ժողովրդական հեքիաթներ․-Երևան։ Գասպրինտ, 2016․- 72 էջ։

Պարգևներ[խմբագրել | խմբագրել կոդը]

ՀՀ նախագահի շնորհակալագիր, 2007
Մովսես Խորենացու մեդալ^[4], 2011
Հայաստանի գրողների միության «Գրական վաստակի համար» մեդալ, 2011

Երկեր[խմբագրել | խմբագրել կոդը]

Ալ խնձորիկ. մանկական ժողովրդական խաղիկներ (Երևան, Արևիկ, 1993)
Իմ կարոտները. բանաստեղծություններ (Երևան, Զանգակ, 2000)
Ազնաբերդ. Նախիջևանի վերջին ամրոցը. մենագրություն (Երևան, Նախիջևան, 2000)
Նժդեհյան մասունքներ. հուշապատում (Երևան, Զանգակ, 2001)
Վայոց ձորի միջբարբառը. մենագրություն (Երևան, Տիգրան Մեծ, 2004)
Կաքավիկ. մանկական ժողովրդական երգարան (Երևան, Գրաբեր, 2004)
Արմատներ. հոդվածներ, էսսեներ, պատմվածքներ (Երևան, Գասպրինտ, 2006)
Թաթոս պապի զրույցները. ժողովրդական հեքիաթներ (Երևան, Գրաբեր, 2008)
Երկիրն իմ աչքերով. ուղեգրություն (Թեհրան, Ալիք, 2008)
Վիշապասարի կանչը. հոդվածներ, էսսեներ, պատմվածքներ (ռուսերեն, Երևան, Տիգրան Մեծ, 2010)^[5]
Իմ պարսկերենը. վիպակ-էսսե (Թեհրան, Նաիրի, 2010)
Վիշապասար. բանաստեղծություններ, ավանդազրույցներ (Երևան, հեղին. հրատ., 2012)
Զամբիլֆրոշ. քրդական սիրավեպ, պոեմ (Երևան, Էդիթ Պրինտ, 2014)
Հմայիլը. պատմվածքներ (Երևան, Էդիթ Պրինտ, 2015)^[6]
Հյուսիսային Գողթնի միջբարբառը. մենագրություն (ՀՀ ԳԱԱ Հ. Աճառյանի անվ. լեզվի ինստիտուտի հրատ., 2021)
Վարդագույն թթենին. պատմվածքներ (պարսկերեն, Թեհրան, Նաիրի, 2021)
Հոգու և կարոտի ճամփաներով. խոհագրություններ, ուղեգրություններ, հուշագրություններ (Երևան, Էդիթ Պրինտ, 2022)
Ճահուկ-Վայքի միջբարբառի բուսանունները. մենագրություն (ՀՀ ԳԱԱ Հ. Աճառյանի անվ. լեզվի ինստիտուտի հրատ., 2022)
Ծույլ, կամակոր և խռովկան բզեզի ամուսնությունը. չափածո հեքիաթ (Երևան, ՎՄՎ-Պրինտ, 2023)
Դիտարկումներ մայրենիի շուրջ. հոդվածների ժողովածու (ՀՀ ԳԱԱ Հ. Աճառյանի անվ. լեզվի ինստիտուտի հրատ., 2024)

Ծանոթագրություններ[խմբագրել | խմբագրել կոդը]

↑ ^1,0 ^1,1 http://wua.am/en/vardanyan-artak/
↑ Հայաստանի գրողների միության կայք
↑ «AV Production - Արտակ Վարդանյան». avproduction.am. Արխիվացված է օրիգինալից 2021 թ․ մայիսի 7-ին. Վերցված է 2018 թ․ հունիսի 21-ին.
↑ Հայաստանի Հանրապետության մեդալներով պարգևատրելու մասին
↑ «Վիշապասարի կանչը. գիրք Նախիջանի մասին». archive.ankakh.com. Վերցված է 2018 թ․ հունիսի 21-ին.
↑ «Հայաստանի գրողների միությունում այսօր տեղի ունեցավ». Pars Today. 2016 թ․ սեպտեմբերի 26. Վերցված է 2018 թ․ հունիսի 21-ին.

Արտաքին հղումներ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Արտակ Վարդանյան (գրող)» հոդվածին։

[_5919c18018429b47-1] 1,0 ^1,1 http://wua.am/en/vardanyan-artak/

[2] Հայաստանի գրողների միության կայք

[3] «AV Production - Արտակ Վարդանյան». avproduction.am. Արխիվացված է օրիգինալից 2021 թ․ մայիսի 7-ին. Վերցված է 2018 թ․ հունիսի 21-ին.

[4] Հայաստանի Հանրապետության մեդալներով պարգևատրելու մասին

[5] «Վիշապասարի կանչը. գիրք Նախիջանի մասին». archive.ankakh.com. Վերցված է 2018 թ․ հունիսի 21-ին.

[6] «Հայաստանի գրողների միությունում այսօր տեղի ունեցավ». Pars Today. 2016 թ․ սեպտեմբերի 26. Վերցված է 2018 թ․ հունիսի 21-ին.

[1]

[2]

[3]

[4]

[5]

[6]