Արմեն Մարտիրոսյան (արձակագիր)

Վիքիպեդիայում կան հոդվածներ Մարտիրոսյան ազգանունով այլ մարդկանց մասին։

Անվան այլ կիրառումների համար տե՛ս՝ Արմեն Մարտիրոսյան (այլ կիրառումներ)

Արմեն Մարտիրոսյան
Ծնվել է	ապրիլի 30, 1943(1943-04-30)
Ծննդավայր	Կիրովական, Հայկական ԽՍՀ, ԽՍՀՄ
Վախճանվել է	հուլիսի 30, 2009(2009-07-30) (66 տարեկան)
Վախճանի վայր	Երևան, Հայաստան
Մասնագիտություն	բանաստեղծ, արձակագիր, գրող և վիպասան
Քաղաքացիություն	Հայաստան
Կրթություն	Հայկական պետական մանկավարժական համալսարան
Անդամակցություն	ՀԳՄ
Արմեն Մարտիրոսյան Վիքիքաղվածքում
Արմեն Մարտիրոսյան Վիքիդարանում

Արմեն Արամայիսի (Ռուդոլֆի) Մարտիրոսյան (ապրիլի 30, 1943(1943-04-30), Կիրովական, Հայկական ԽՍՀ, ԽՍՀՄ - հուլիսի 30, 2009(2009-07-30), Երևան, Հայաստան), հայ բանաստեղծ, արձակագիր։ Հայաստանի գրողների միության անդամ (1975)։

Կենսագրություն

Արմեն Մարտիրոսյանը ծնվել է Կիրովական քաղաքում։ 1964 թվականին ավարտել է Երևանի Խաչատուր Աբովյանի անվան մանկավարժական ինստիտուտի բանասիրական ֆակուլտետը։ 1964-1966 թվականներին աշխատել է Կիրովականի համար 8 դպրոցում որպես լեզվի և գրականության ուսուցիչ, 1966-1967 թվականներին՝ Երևանի ժամացույցի գործարանի «Ժամագործ» բազմատպաքանակ թերթում որպես պատասխանատու քարտուղար։ Եղել է Ռադիոհեռուստատեսության պետական կոմիտեի խմբագիր, աշխատել է «Հորիզոն», «Հայ զինվոր» թերթերում, «Նոր Դար» ամսագրում։ Արմեն Մարտիրոսյանի բանաստեղծություններից թարգմանաբար լույս են տեսել տարբեր լեզուներով։

Մրցանակներ

• ՀԼԿԵՄ կենտրոնական կոմիտեի մրցանակ «Թռչուններ» ժողովածուի համար, 1978
• ՀԳՄ Դերենիկ Դեմիրճյանի անվան մրցանակ «Մազե կամուրջ» գրքի համար, 1986

Երկեր

Բանաստեղծական ժողովածուներ

• «Բանաստեղծություններ», Երևան, «Հայաստան», 1973, 87 էջ։
• Սկյուռիկ թագավորը (չափածո հեքիաթներ), Երևան, «Հայաստան», 1976, 23 էջ։
• «Թռչուններ», Երևան, «Սովետական գրող», 1978, 110 էջ։
• «Շարակնոց», 1997
• «Սիրո շղթա», 2003
• «Ներաշխարհի լռություն», 2006
• «Զատիկ արթնացումի», 2023

Եռահատոր վիպերգություն

• «Մազե կամուրջ», 1986-2003

Մամուլ

• Գնչուական մեղեդիներ, «Գարուն» 1967, № 6 Արխիվացված 2018-07-06 Wayback Machine
• Ճիլիմոնը

Թարգմանություններ

Այս հեղինակի կատարած թարգմանությունների ցանկը կարող եք որոնել «Թարգմանչաց արվեստ» շտեմարանի «Թարգմանիչներ» բաժնում

• Տիչինա Պավլո։ Բանաստեղծություններ.- Երևան։ Սովետական գրող, 1980.- 167 էջ։

Մեջբերումներ Արմեն Մարտիրոսյանից

Մայրս ասում էր, որ դեռ բարուրի երեխա ժամանակ, երբ ինձ տարել են Վանաձոր գետակի կամրջով, հայացքս հառել եմ փրփուրի հետ լողացող նայադներին, և նրանք գողացել են հայացքս ու տարել հեռու-հեռուներ... Իբր այդ պահից էլ Աստված որոշել է բանաստեղծի իմ ճակատագիրը։ Մնացյալը սովորական կենսագրություն է՝ հար և նման իմ տարեկիցներին։