Արմեն Հայրապետյան (ազատամարտիկ)

Արմեն Հայրապետյան;
Ծնվել է	սեպտեմբերի 11, 1962
Ծննդավայր	Ակնաղբյուր, Ասկերանի շրջան, ԼՂԻՄ, Ադրբեջանական ԽՍՀ, ԽՍՀՄ
Մահացել է	դեկտեմբերի 28, 1993 (31 տարեկան)

Անվան այլ կիրառումների համար տե՛ս՝ Արմեն Հայրապետյան (այլ կիրառումներ)

Վիքիպեդիայում կան հոդվածներ Հայրապետյան ազգանունով այլ մարդկանց մասին։

Արմեն Անդրեյի Հայրապետյան (1962 սեպտեմբերի 11, Ակնաղբյուր - 1993 դեկտեմբերի 28, Սալահլի-Քենգերլի հատված), հայ ազատամարտիկ, Արցախյան պատերազմի մասնակից^[1]։

Կենսագրություն[խմբագրել | խմբագրել կոդը]

Ծնվել է 1962 թվականի սեպտեմբերի 11-ին Ասկերանի շրջանի Ակնաղբյուր գյուղում։ Տեղի միջնակարգ դպրոցն ավարտելուց հետո ծառայել է Խորհրդային բանակում^[1]։

Զորացրվելուց հետո վերադարձել է գյուղ, այնուհետև տեղափոխվել Ստեփանակերտ^[1]։

Գյուղի ջոկատի հրամանատարն էր։ Մասնակցել է Շուշիի, Քարին տակի, Զարիսլուի, Լիսագորի, Բերդաձորի, Լաչինի, Ումութլուի, Կուսապատի, Քարագլխի, Քելբաջարի, Աղդամի մարտերին։ Զոհվել է 1993 թվականի դեկտեմբերի 28-ին, Սալահլի-Քենգերլի հատվածում։ Հետմահու պարգևատրվել է «Մարտական խաչ» առաջին աստիճանի շքանշանով և «Շուշիի ազատագրման համար» մեդալով։ Ամուսնացած էր, ունի երեք երեխա։ Հանգչում է հայրենի Ակնաղբյուր գյուղի գերեզմանատանը^[1]։