Արեգ Գալստյան (պետական գործիչ)

Անվան այլ կիրառումների համար տե՛ս՝ Արեգ Գալստյան (այլ կիրառումներ)

Վիքիպեդիայում կան հոդվածներ Գալստյան ազգանունով այլ մարդկանց մասին։

Արեգ Գալստյան
Ծնվել է	նոյեմբերի 8, 1949(1949-11-08) (74 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	ՀԱՊՀ
Գիտական աստիճան	տեխնիկական գիտությունների թեկնածու
Պարգևներ և մրցանակներ

Արեգ Արեգի Գալստյան (ծնվ. նոյեմբերի 8, 1949(1949-11-08), Երևան, Հայկական ԽՍՀ, ԽՍՀՄ), ՀՀ պետական գործիչ, ՀՀ էներգետիկայի և բնական պաշարների նախարարի տեղակալ։

Կրթություն

• 1966-1971 թթ. - սովորել և ավարտել է Երևանի Կ. Մարքսի անվան պոլիտեխնիկական ինստիտուտը` «Ջերմաէներգետիկ պրոցեսների ավտոմատացում» մասնագիտությամբ, ջերմաէներգետիկ ավտոմատացման գծով ինժեների որակավորմամբ։
• 1973-1976 թթ. - սովորել և ավարտել է Մոսկվայի էներգետիկ ինստիտուտի ասպիրանտուրան։ Տեխնիկական գիտությունների թեկնածու, դոցենտ։

Աշխատանքային գործունեությունը

• 1971-1992 թթ. - Երևանի Կ. Մարքսի անվան պոլիտեխնիկական ինստիտուտի ջերմային ավտոմատիկայի և սառնարանային տեխնիկայի ամբիոնի ասիստենտ, ավագ դասախոս, ապա՝ դոցենտ։
• 1985-1986 թթ. - եղել է գիտական գործուղման մեջ Բելգրադի համալսարանում։
• 1992-1994 թթ. - ՀՀ էներգետիկայի նախարարի խորհրդական։
• 1994-1997 թթ. - ՀՀ էներգետիկայի նախարարության գիտության և կադրերի վերապատրաստման վարչության պետ։
• 1997-2000 թթ. - ՀՀ էներգետիկայի նախարարության տեխնիկական քաղաքականության գլխավոր վարչության պետ։
• 1992-1993 թթ. - ՀՀ կառավարության տնտեսագիտական վարչության գլխավոր մասնագետ, ապա բաժնի պետ։
• 2000 թ. - ՀՀ վարչապետի որոշմամբ նշանակվել է ՀՀ էներգետիկայի նախարարի տեղակալ։
• 2008 թ. հուլիսի 17-ին ՀՀ վարչապետի որոշմամբ նշանակվել է Հայաստանի Հանրապետության էներգետիկայի և բնական պաշարների նախարարի տեղակալ՝ ազատվելով Հայաստանի Հանրապետության էներգետիկայի նախարարի տեղակալի պաշտոնից։

Պարգևներ և աստիճաններ

• Անանիա Շիրակացու մեդալ (2014)։
• ՀՀ Վարչապետի շնորհակալագիր։
• ՀՀ Վարչապետի հուշամեդալ։

Անկուսակցական է։ Ամուսնացած է, ունի երկու զավակ։