Արամ Մելքոնյան

Վիքիպեդիայում կան հոդվածներ Մելքոնյան ազգանունով այլ մարդկանց մասին։

Արամ Մելքոնյան
Ծնվել է	1962
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայկական ԽՍՀ
Կրթություն	Հայաստանի պետական տնտեսագիտական համալսարան

Արամ Հմայակի Մելքոնյան (1962, Երևան, Հայկական ԽՍՀ, ԽՍՀՄ), ՀՀ պետական գործիչ, ՀՀ Հեռուստատեսության և ռադիոյի ազգային հանձնաժողովի անդամ։

Կրթություն

• 1980-1984 թթ. - սովորել և ավարտել է Երևանի ժողովրդական տնտեսության ինստիտուտը՝ տնտեսագետի որակավորմամբ։
• 1987-1990 թթ. - սովորել և ավարտել է Հայկական ԽՍՀ գիտությունների ակադեմիայի տնտեսագիտության ինստիտուտի ասպիրանտուրան։ Կրտսեր գիտաշխատող։

Աշխատանքային գործունեությունը

• 1984-1987 թթ. – աշխատել է Երևանի քաղաքային խորհրդի գործադիր կոմիտեում որպես ավագ տնտեսագետ։
• 1990-1991 թթ. - Հայկական ԽՍՀ գիտությունների ակադեմիայի տնտեսագիտության ինստիտուտի կրտսեր գիտաշխատող։
• 1991-1996 թթ. - աշխատել է ՀՀ հարկային պետական տեսչությունում որպես գլխավոր մասնագետ, վերլուծության բաժնի պետ, շահութահարկի բաժնի պետ, ամփոփ ծրագրերի բաժնի պետ։
• 1996-1997 թթ. – աշխատել է Հայաստանի Հանրապետության Նախագահի աշխատակազմում որպես սոցիալ-տնտեսական հարցերի փորձագիտական ծառայության ղեկավար։
• 1997-1998 թթ. – ՀՀ կառավարության աշխատակազմի ղեկավար-օպերատիվ հարցերի նախարարի տեղակալ։
• 1998-2002 թթ. – ՀՀ նախագահի օգնական։
• 2002-2003 թթ. - աշխատել է Հայաստանի Հանրապետության Նախագահի աշխատակազմում որպես տնտեսագիտական վարչության պետ։
• 2003-2007 թթ. – ՀՀ ԿԱ Հարկային պետական ծառայության պետի տեղակալ։
• 2007 թ. սեպտեմբերի 20-ին ՀՀ վարչապետի որոշմամբ ազատվել է ՀՀ ԿԱ Հարկային պետական ծառայության պետի տեղակալի պաշտոնից։
• 2009 թ. դեկտեմբերի 9-ին ՀՀ Ազգային ժողովի որոշմամբ ընտրվել է Հեռուստատեսության և ռադիոյի ազգային հանձնաժողովի անդամ։

Պարգևներ և կոչումներ

• ՀՀ վարչապետի հուշամեդալ (2006)։
• ՀՀ հարկային ծառայության 2-րդ դասի ավագ խորհրդական (1993)։
• Հայաստանի Հանրապետության քաղաքացիական ծառայության 2-րդ դասի պետական խորհրդական (2003)։
• Հայաստանի Հանրապետության հարկային ծառայության 1-ին դասի պետական խորհրդական (2003)։