Անտեսանելի երեխաները

Անտեսանելի երեխաները անգլ.՝ All the Invisible Children
Երկիր	Ֆրանսիա  Իտալիա
Ժանր	ֆիլմ անթոլոգիա, դրամա և վավերագրական ֆիլմ
Թվական	2005 և ապրիլի 13, 2006
Լեզու	անգլերեն և իտալերեն
Ռեժիսոր	Մեհդի Շարեֆ, Էմիր Կուստուրիցա, Սպայկ Լի, Կատյա Լունդ, Ջորդան Սքոթ, Ռիդլի Սքոթ, Ստեֆանո Վեներուզո և Ջոն Վու
Սցենարի հեղինակ	Մեհդի Շարեֆ, Ժուա Լի, Կատյա Լունդ, Ջորդան Սքոթ, Ստեֆանո Վեներուզո, Դիեգո Դե Սիլվա և Չինկե Լի
Դերակատարներ	Անդրե Ռոյո, Հաննա Հոդսոն, Ռոզի Պերես, Դևիդ Թյուլիս, Քելլի Մաքդոնալդ, Մարիա Գրացիա Կուչինոտտա, Վենլի Ցզյան, Պեպե Լանցետա, Լանեթ Ուեյր և Հազել Գուդման
Օպերատոր	Ջիմ Ուիթակեր, Վիտորիո Ստորարո և Միշել Ամատիե
Երաժշտություն	Թերենս Բլանչարդ, Մաուրիցիո Կապոնե, Ռամին Ջավադի, Ստրիբոր Կուստուրիցա, Անտոնիու Պինտու և Ռոկիա Տրաորե
Մոնտաժ	Բերի Ալեքսանդր Բրաուն
Պատմվածքի վայր	Նեապոլ
Տևողություն	116 րոպե

Անտեսանելի երեխաները (անգլ.՝ All the Invisible Children)՝ 2005 թվականի ալմանախ ֆիլմ է երեխաների մասին, բաղկացած 7 կարճամետրաժ ֆիլմերից, որոնք նկարահանված են տարբեր ռեժիսորների կողմից։ Ֆիլմն իրենից ներակայացնում է ՅՈՒՆԻՍԵՖ և WFF-ի համաշխարհային նախագծի մի մաս։

Սյուժե

Երեխաներն ամենաշատը կարիք ունեն ուշադրության և հոգատարության, սակայն կյանքը նրանցից շատերի հանդեպ դաժան է գտնվել։ Յոթ աշխարհահռչակ ռեժիսորներ իրարից անկախ նկարահանել են ֆիլմեր, որոնցում նկարագրված է աշխարհի տարբեր ծայրերում գտնվող մանուկների ողբերգական դրությունը։

Էպիզոդներ

• «Tanza» Ռեժիսոր. Մեհդի Շարեֆ

Էպիզոդում մի խումբ աֆրիկացի երեխաներ վրեժխնդիր են լինում իրենց հողերը գրաված ցեղախմբից։

• «Blue Gypsy» Ռեժիսոր. Էմիր Կուստուրիցա

Էպիզոդ ուղղիչ աշխատանքային գաղութի երեխաների կյանքի մասին։ Նրանցից մեկը, ազատություն ձեռք բերելով, հանգամանքների բերումով կրկին գողություն է անում և փախուստի դիմելով իրեն հետապնդողներից, կրկին հայտնվում է արդեն հարազատ դարձած գաղութում։

• «Jesus Children of America» Ռեժիսոր. Սփայք Լի

Էպիզոդում նկարագրված է ՁԻԱՀ ով հիվանդ թմրամոլների դեռահաս դստեր հալածանքները, որի արդյունքում նա հայտնվում է առողջության կենտրոնում։

• «Bilu e Joao» Ռեժիսոր Կատյա Լունդ

Էպիզոդ քրոջ և եղբոր մասին, որոնք շիշ և մետաղ հանձնելով գոյատևում են մեգապոլիսի փողոցներում։

• «Jonathan» Ռեժիսոր Ջորդան Սքոթ և Ռիդլի Սքոթ

Էպիզոդ մարտական գործողություններ լուսաբանող «երեխայի» մասին։

• «Ciro» Ռեժիսոր Ստեֆանո Վեներուզո

Էպիզոդ երկու երեխաների մասին, որոնք իրենց ապրուստը վաստակում են գողությամբ։

• «Song Song and Little Cat» Ռեժիսոր Ջոն Վու

Էպիզոդ երկու աղջիկների մասին։ Նրանցից մեկն ապրում է շքեղության մեջ, իսկ մյուսը՝ պապի հետ ծայրահեղ աղքատության մեջ։ Առաջինի դեն նետած տիկնիկը դառնում է երկրորդի կյանքի միակ ուրախությունը։ Պապի մահանալուց հետո նա ծաղիկ վաճառելով է գոյությունը քարշ տալիս։

Հետաքրքիր փաստեր

Ֆիլմից ստացված բոլոր եկամուտներն ուղղվել են կարիքավոր երեխաների օգնության ֆոնդ։

Ֆիլմը վերջանում է Անտուան Դը Սենտ Էքզյուպերիի Փոքրիկ իշխանից բերված խոսքով՝ «Բոլոր մեծահասակները ժամանակին երեխաներ են եղել, սակայն նրանցից քչերն են դա հիշում»։