Անձնական հարցերով ընդունելության օր
 ռուս.՝ День приёма по личным вопросам | |
|---|---|
| Երկիր |  ԽՍՀՄ |
| Ժանր | դրամա |
| Թվական | 1974 |
| Լեզու | ռուսերեն |
| Ռեժիսոր | Սոլոմոն Շուստեր |
| Դերակատարներ | Անատոլի Պապանով, Օլեգ Բասիլաշվիլի[1], Զինաիդա Շարկո[1] և Օլեգ Ժակով[1] |
| Կինոընկերություն | Լենֆիլմ |
«Անձնական հարցերով ընդունելության օր» (ռուս.՝ «День приёма по личным вопросам»), 1974 թվականի խորհրդային գեղարվեստական ֆիլմ[2][3], որը նկարահանել է ռեժիսոր Սոլոմոն Շուստերը[4][5][6]։
Սյուժե[խմբագրել | խմբագրել կոդը]
Ֆիլմը պատմում է «Էներգոմոնտաժ» տրեստի ղեկավար Բորիս Դմիտրիևիչ Իվանովի մեկ օրվա մասին։ Դա անձնական հարցերով աշխատակիցների ընդունելության օրը, ինչպես նաև կիսամյակի վերջին օրն է։ Մոտենում է նոր էներգետիկ հզորությունների ներդրման ծրագրի ժամկետի ավարտը, իսկ տրեստը պետք է պահպանի սոցիալիստական մրցույթում հաղթանակի համար փոխանցող կարմիր դրոշը։ Իվանովը ապահովագրվում է և կապվում է ղեկավարի հետ, որը խոստանում է խնդիրների դեպքում ռեզերվներ հատկացնել։
Տրեստի մասնագետները պատրաստվում են շահագործման հանձնել Նովոսերգիևկայում 800 ՄՎտ հզորությամբ տուրբինը։ Երբ փորձում այն դնել արդյունաբերական բեռնվածության տակ, խնդիր է առաջանում ւ ինժեներները մեկ ժամվա ընթացքում պետք է ելք գտնեն։ Տուրբինից կախված է տրեստի ծրագրի և ամբողջ նախարարության կատարումը։ Ոչ ստանդարտ լուծում է առաջարկում ինժեներ Տեմկինը, և պաևզվում է, որ նա իրավացի է։ Միևնույն ժամանակ, Իվանովը պետք է կարգավորի բնակարանային ցավոտ հարցը։ Նրա հետ կապվում է գլխավոր վարչության պետը և խնդրում է տալ բնակարանային ֆոնդ։ Տնօրենը ստիպված է համաձայնել, թեև ծրագրել էր բնակարաններից մեկը տալ հերթում սպասող Տեմկինին։ Ընդունելով աշխատակիցներին՝ Իվանովը բարդ կադրային հարց է լուծում տարածաշրջանային ստորաբաժանման տնօրեն Պալմինի հետ։ Տաղանդավոր ղեկավարին պատրաստում են նոր նշանակման, իսկ նա չի ուզում փոխել իր համար սովորական դարձած տեղն ու կոլեկտիվը։ Իվանովն ստիպված է համոզել ենթակային, որ նա ստիպված կլինի զսպել անձնական հետաքրքրությունները։
Աշխատանքային օրվա ավարտից առաջ Իվանովը զրույց է ունենում Լեոնիդ Մասլովի հետ։ Տեղակալը խնդրում է նրան չօգտագործել թիմային մեթոդներ՝ առանց աշխատակիցներին հետաքրքրելու փորձի։ Իվանովը աշխատանքային ժամի ավարտից հետո երկար ժամանակ մնում է աշխատավայրում և սպասում է, որ Նովոսերգիևկայում էլեկտրակայանի համառ տնօրենը կստորագրի ագրեգատի ընդունման ակտը։ Իվանովը հեռանալուց առաջ վերջին հեռախոսազանգն է կատարում։ Նա կոնֆլիկտի է գնում պետի և իր հովանավորի հետ՝ հայտնելով, որ բնակարանը չի տալու։
Դերերում[խմբագրել | խմբագրել կոդը]
- Օլեգ Ժակով – Լեոնիդ Մասլով
- Անատոլի Պապանով – Բորիս Դմիտրիևիչ Իվանով
- Օլեգ Բասիլաշվիլի – Իգոր Դյատլով
- Օլեգ Բելով – Իվանովի վարորդը
- Վլադիմիր Եմելյանով – գլխավոր պետ
- Վլադիմիր Զամանսկի – Օլեգ Պալմին
- Սվետլանա Կոնովալովա – ավագ պահակ
- Օլեգ Կորչիկով – Աֆանասև
- Լյուդմիլա Մաքսակովա – Գալինա
- Իվան Սոլովյով – Նովո-Սերգիևսկի էլեկտրակայանի տնօրեն
- Զինաիդա Շարկո – Սոֆյա Միխայլովնա, Իվանովի քարտուղարուհին
- Միխայիլ Խիժնյակով – Տեմկին
- Գեորգի Բուրկով – զոդող
- Ալեքսանդր Սուսնին – զոդող
- Մուսա Դուդաև – Վիկտոր
- Իննա Ալենիկովա – պետի դուստրը (լուսագրերում՝ Ի. Միխայլիչենկո)
Նկարահանող խումբ[խմբագրել | խմբագրել կոդը]
- Սցենարի հեղինակ՝ Պյոտր Պոպոգրեբսկի
- Ռեժիսոր՝ Սոլոմոն Շուստեր
- Օպերատոր՝ Ալեքսանդր Չեչուլին
- Նկարիչ՝ Գեորգի Կրոպաչով
- Կոմպոզիտոր՝ Բորիս Տիշչենկո
Նկարահանումներ[խմբագրել | խմբագրել կոդը]
Ֆիլմի նատուրալ նկարահանումները տեղի են ունեցել Մոսկվայում (տրեստի մուտքը, նրա ճակատը Խոմյակովի նախկին եկամտաբեր տան մուտքն է Պետրովկա, շենք 3/6 հասցեում, այն վայրը, որտեղ հետագայում նկարահանվել է «Ծառայողական սիրավեպ» ֆիլմը), Մոսկվայի ավազանում, գլխավոր հրամանատարի կաբինետը Նովինսկի նրբանցքում գտնվող շենքում, տուն 36/9 (կաբինետի պատուհանից երևում են ԱՄՆ դեսպանատան շենքը, Կիզիչեսկի ինը նահատակների տաճարի զանգակատունը, Կալինինի պողոտան և Հրազդանի ու Սլավոնական էլեկտրակայանների արդյունաբերական հրապարակներում։
Ծանոթագրություններ[խմբագրել | խմբագրել կոդը]
Աղբյուրներ[խմբագրել | խմբագրել կոդը]
- «День приёма по личным вопросам» / Константин Щербаков / Советский экран № 12, июнь 1975 года
|
