Անահիտ Կիրակոսյան

Անվան այլ կիրառումների համար տե՛ս՝ Անահիտ Կիրակոսյան (այլ կիրառումներ)

Վիքիպեդիայում կան հոդվածներ Կիրակոսյան ազգանունով այլ մարդկանց մասին։

Անահիտ Կիրակոսյան
Ծնվել է	ապրիլի 28, 1990(1990-04-28) (34 տարեկան)
Ծննդավայր	Կիրովական, Հայկական ԽՍՀ, ԽՍՀՄ
Կրթություն	Երևանի թատրոնի և կինոյի պետական ինստիտուտ
Քաղաքացիություն	Հայաստան
Մասնագիտություն	դերասանուհի, հեռուստահաղորդավարուհի և երգչուհի
Ամուսին(ներ)	Արտակ Սարգսյան

Անահիտ Ալեքսանդրի Կիրակոսյան (ապրիլի 28, 1990(1990-04-28), Կիրովական, Հայկական ԽՍՀ, ԽՍՀՄ), հայ դերասանուհի, հաղորդավարուհի, երգչուհի։ Երևանի կամերային երաժշտական թատրոնի դերասանուհի։

Կենսագրություն

Հաճախել է Հունան Ավետիսյանի անվան 74-րդ միջնակարգ դպրոցը։ Ավագ դպրոցը ավարտել է Սիամանթոի անվան թիվ 162 հիմնական դպրոցում։ 2007 թվականին ընդունվել է Երևանի թատրոնի և կինոյի պետական ինստիտուտի դերասանական բաժինը։ 2007 թվականից սկսել է աշխատել պետական կամերային երաժշտական թատրոնում որպես դերասանուհի։ 2010 թվականին «Միր» հեռուստաընկերության կազմակերպած միջազգային մրցույթին Անահիտը լավագույն էմոցիոնալ կատարման համար արժանացել է մրցանակի։

Անձնական կյանք

2012 թվականի փետրվարի 6-ին Անահիտն ամուսնացել է։ Ունի չորս երեխա՝ երկու աղջիկ և երկու տղա։

Դերեր

Թատրոնում Անահիտը հիմնականում կերտում է դրամատիկ դերեր, իսկ հեռուստասերիալներում՝ կատակերգական։

Ներկայացումներ

• «Անուշ»- Անուշ
• «Սասունցի Դավիթ» - Առյուծ Մհերի կին
• «Մոխրոտիկը» - փերի
• «Գեղեցկուհին և հրեշը» - Բելլա
• «Ազնվամոլ քաղքենին» - Լյուսիլ
• «Պատվի համար» - Մարգարիտ

Հեռուստասերիալներ

• «Անցյալի ստվերներ»
• «Գերդաստան»
• «Ժառանգները»
• «Պահանջվում է միլիոնատեր»
• «Բանակում»
• «Քաղաքում»
• «Խոպանի տեսություն»
• «Երևան, ես սիրում եմ քեզ»
• «Անուղղելիները»
• «Կոկորդիլոսի արցունքները»
• «Ժամանակն է»
• «Փեթակ»
• «Պատվի համար»
• «Սարի աղջիկ»
• «Ծաղիկներ ձյան տակ»
• «Երազի շրջված մեկնաբանությունը»
• «Սև արկղ»

Արտաքին հղումներ

• Անահիտ Կիրակոսյանը երաժշտական կոմեդիայի պետական թատրոնում
• Հարցազրույց BRAVO.am-ին(չաշխատող հղում)
• Հարցազրույց MediaMall.am-ին