Այծի մասին

Այծի մասին
Տեսակ	կարճամետրաժ ֆիլմ
Ռեժիսոր	Իոսիֆ Բոյարսկի և Վադիմ Կուրչևսկի
Սցենարիստ	Սամուիլ Մարշակ
Հնչյունավորում	Անատոլի Պապանով
Բեմադրող նկարիչ	Վադիմ Կուրչևսկի
Երաժշտություն	Մոիսեյ Վայնբերգ
Օպերատոր	Թեոդոր Բունիմովիչ
Երկիր	ԽՍՀՄ
Ընկերություն	Սոյուզմուլտֆիլմ
Տևողություն	15 րոպե
Թվական	1960

«Այծի մասին» (ռուս.՝ «Про козла»), խորհրդային տիկնիկային մուլտիպլիկացիոն ֆիլմ-հեքիաթ, որ ստեղծվել է ռեժիսորներ Իոսիֆ Բոյարսկու և Վադիմ Կուրչևսկու կողմից 1960 թվականին։ Մուլտֆիլմը նկարահանվել է ռուս մանկագիր և բանաստեղծ Սամուիլ Մարշակի «Հեքիաթ այծի մասին» (ռուս.՝ «Сказка про козла») պիես-հեքիաթի մոտիվներով։

Սյուժե[խմբագրել | խմբագրել կոդը]

Խրճիթում ապրում են տատն ու պապը, որոնք արդեն շատ ծեր են։ Նրանք երեխաներ չունեն, և նրանց տանն ապրում է միայն այծը։ Վերջինս որոշում է օգնել տնտեսական գործերում։ Նա սկսում է ջուր բերել, փայտ ջարդել, ապուր եփել։ Մի օր այծը գնում է անտառ՝ սունկ հավաքելու և հանդիպում յոթ գայլերի։ Գայլերն ուզում են ուտել այծին, իսկ նա պաշտպանվում է եղջյուրներով ու ոտքերով հարվածելով։ Այդ ժամանակ վրա են հասնում պապն ու տատը, որոնցից առաջինի ձեռքին զենք է, երկրորդի ձեռքին՝ եղանաձև բռնակ։ Գայլերը փախչում են։ Պապը, տատն ու այծը վերադառնում են տուն և ուրախ երգում։

Ֆիլմի վրա աշխատել են[խմբագրել | խմբագրել կոդը]

Տիկնիկներն ու դեկորացիաները պատրաստել են՝ Վ. Կուրանով, Գալինա Գետինգեր, Պավել Լեսին, Բորիս Կարավաև, Վ. Կալաշնիկովա, Պավել Գուսև, Վլադիմիր Ալիսով, Մարինա Չեսնոկովա, Սվետլանա Զնամենսկայա, Ա. Ֆիլասով, Ռոման Գուրովի ղեկավարությամբ
Խմբագիր՝ Նատալյա Աբրամովա
Տնօրեն՝ Նաթան Բիտման

Մուլտֆիլմի մասին[խմբագրել | խմբագրել կոդը]

1957 թվականին Վադիմ Կուրչևսկին գալիս է «Սոյուզմուլտֆիլմ», իսկ 1961-1962-ին նա՝ որպես բեմադրող նկարիչ, աշխատում է միանգամից երեք ֆիլմերի վրա։ «Կարդա ու գլորիր Փարիզ ու Չինաստան» (ռեժիսոր՝ Ա. Կարանովիչ), «Այծի մասին» (որտեղ Վ. Կուրչևսկին աշխատել է նաև որպես ռեժիսոր Ի. Բոյարսկու հետ միասին) և «Թռչող պրոլետարը» (ռեժիսորներ՝ Ի. Իվանով-Վանո և Ի. Բոյարսկի)։

Բնօրինակ տեքստ (ռուս.)

В 1957 году Вадим Курчевский приходит на «Союзмультфильм», а в 1961–1962-м он в качестве художника-постановщика работает сразу над тремя фильмами. «Прочти и катай в Париж и Китай» (режиссёр А. Каранович), «Про козла» (где В. Курчевский работает также и режиссёром совместно с И. Боярским) и «Летающий пролетарий» (режиссёры И. Иванов-Вано и И. Боярский).

— Ա. Պրոխորով, Վադիմ Կուրչևսկի // Խորհրդային մուլտիպլիկացիոն կինոյի ռեժիսորներն ու նկարիչները, Մոսկվա, 1984^[1]