Ադո Ադոյան

Ադո Ադոյան
Ծնվել է	սեպտեմբերի 1, 1905(1905-09-01)
Ծննդավայր	Խորգոմ, Արտամետ, Վանի վիլայեթ, Օսմանյան կայսրություն
Մահացել է	1986 կամ 1988
Մահվան վայր	Երևան, Հայկական ԽՍՀ, ԽՍՀՄ
Քաղաքացիություն	Օսմանյան կայսրություն և  ԽՍՀՄ
Ազգություն	հայ
Կրթություն	Մոսկվայի կարմիր պրոֆեսուրայի ինստիտուտ (1936)
Մասնագիտություն	լրագրող և հասարակական գործիչ
Աշխատավայր	Լենինյան ուղիով
Զբաղեցրած պաշտոններ	պառլամենտի անդամ
Կուսակցություն	ԽՄԿԿ
Պարգևներ և մրցանակներ

Ադո Գրիգորի Ադոյան (սեպտեմբերի 1, 1905(1905-09-01), Խորգոմ, Արտամետ, Վանի վիլայեթ, Օսմանյան կայսրություն - 1986 կամ 1988, Երևան, Հայկական ԽՍՀ, ԽՍՀՄ), հայ խորհրդային լրագրող, հասարակական գործիչ։ Հայկական ԽՍՀ մշակույթի վաստակավոր գործիչ (1967)։

Կենսագրություն

Ադո Ադոյանը ծնվել է 1905 թվականի սեպտեմբերի 1-ին, Արևմտյան Հայաստանի Հայոց ձոր գավառի Խորգոմ գյուղում։ Ավարտել է Անդրկովկասյան կոմունիստական համալսարանը (1929)։ 1935-1936 թվականին սովորել է Համաշխարհային տնտեսության և համաշխարհային քաղաքականության կարմիր պրոֆեսուրայի ինստիտուտում (Մոսկվա)։ 1929-1934 թվականներին վարել է կուսակցական պատասխանատու պաշտոններ Ղափանում, Գորիսում, ՀԿ(բ) կ Կենտկոմում։ 1937-1939 թթ., ստալինյան բռնաճնշումների օրերին, բանտարկվել ու կտտանքների է ենթարկվել։ Այնուհետև աքսորվել է կենտրոնացման ճամբար։

1956 թվականից ՀԿԿ Կենտկոմի «Պարտիական կյանք», 1957-1985 թթ.՝ «Լենինյան ուղիով» տեսական-քաղաքական ամսագրի խմբագիրն էր։ Եղել է Հայկական ԽՍՀ V, VI և VII գումարումների Գերագույն խորհրդի դեպուտատ։ Տպագրել է բարոյագիտական, քաղաքի, սոցիոլոգիական, հայագիտական հոդվածներ և «Սիրո և ընտանիքի էվոլյուցիան» գիրքը (հատորներ 1-2, 1967-1972)։ ԽՄԿԿ անդամ 1927 թվականից։

Ծանոթագրություններ

Վիքիդարանն ունի նյութեր, որոնք վերաբերում են «Ադո Ադոյան» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 76)։