Քսենյա Դուդկինան ծնվել է 1995 թվականի փետրվարի 25-ին Օմսկում։ Սպորտով զբաղվել սկսել է Ելենա Արայսի մոտ[2]։ Ընդգրկվել է Ռուսաստանի գեղարվեստական մարմնամարզության խմբային բազմամարտի հավաքականի կազմում[3]։ 2010 թվականին դարձել է Սինգապուրում անցկացվող պատանեկան Օլիմպիական խաղերի չեմպիոն։ 2011 թվականին արժանացել է Ռուսաստանի սպորտի վաստակավոր վարպետի կոչման[4] (ենթդրվում է, որ նա Ռուսաստանի ամենաերիտասարդ սպորտի վաստակավոր վարպետն է)[5]։ 2012 թվականին Քսենյա Դուդկինան դարձել է Լոնդոնի Օլիմպիական խաղերի չեմպիոն գեղարվեստական մարմնամարզության խմբային բազմամարտից (հավաքականի կազմը՝ Ուլյանա Դոնսկովա, Անաստասիա Բլիզնյուկ, Ալինա Մակարենկո, Անաստասիա Նազարենկո, Կարոլինա Սևաստյանովա, Քսենյա Դուդկինա)։
Բարեկամության շքանշան (13 օգոստոսի, 2012 թվական) – ֆիզիկական կուլտուրայի և սպորտի զարգացման գործում ունեցած մեծ ներդրման, 2012 թվականի 30-րդ Օլիմպիադայում Լոնդոնում (Մեծ Բրիտանիա) ցուցաբերած մարզական բարձր ձեռքբերումների համար[6],
Ռուսաստանի Դաշնության նախագահի պատվոգիր (19 հուլիսի, 2013 թվական) – 2013 թվականին Կազանում 27-րդ համաշխարհային ամառային Ունիվերսիադայում ցուցաբերած մարզական բարձր ձեռքբերումների համար[7]։