Սասուն Գրիգորյան (ճարտարապետ)
- Անվան այլ կիրառումների համար տե՛ս՝ Սասուն Գրիգորյան (այլ կիրառումներ)
- Վիքիպեդիայում կան հոդվածներ Գրիգորյան ազգանունով այլ մարդկանց մասին։
Սասուն Գրիգորյան | |
---|---|
Ծնվել է | մարտի 18, 1942 |
Ծննդավայր | Լենինական, Հայկական ԽՍՀ, ԽՍՀՄ |
Մահացել է | մարտի 13, 1993 (50 տարեկան) |
Վախճանի վայր | Երևան, Հայաստան |
Կրթություն | ՀԱՊՀ (1965) |
Աշխատավայր | Երևաննախագիծ |
Սասուն Սեդրակի Գրիգորյան (մարտի 18, 1942, Լենինական, Հայկական ԽՍՀ, ԽՍՀՄ - մարտի 13, 1993, Երևան, Հայաստան), նեոդասական և հայ ավանդական ազգային ոճերով աշխատող սովետական ժամանակաշրջանի հայ ճարտարապետ։
Սահականուշ Գրիգորյանի եղբայրը։
Կենսագրություն[խմբագրել | խմբագրել կոդը]
1965 թվականին ավարտել է Երևանի պոլիտեխնիկական ինստիտուտը։
1965-1979 թվականներին՝ Երևաննախագիծ ինստիտուտի ավագ ճարտարապետ, 1979-1993 թվականներին՝ Լենինականի գիտա-վերականգնման արտադրության հատուկ արվեստանոցի տնօրեն։
Համահեղինակ Է Երևանի Օղակաձև զբոսայգու՝ Տերյան-Աբովյան փողոցների միջնահատվածի (1960-1985), Գյումրու «Կումայրի» պետական պատմա-ճարտարապետական թանգարան-արգելոցի (1980, ՀԽՍՀ Պետական մրցանակ՝ 1985), Սերգեյ Մերկուրովի, Ասլամազյան քույրերի թանգարանների, Մանկական ստեղծագործության կենտրոնի, տիկնիկային թատրոնի, Ձիթողցյանների տան, Ծաղիկյանների գարեջրի գործարանի վերականգնման նախագծերի[1]։
2014 թվականին Գյումրի քաղաքի Ռիժկով փողոցում տեղադրվել է նրա հուշատախտակը։
Հիմնական աշխատանքները[խմբագրել | խմբագրել կոդը]
- Հարավ-արևմտյան բնակելի թաղամաս Երևանում
- Հարավ-արևմտյան բնակելի թաղամասի B-1 և B-2 միկրոշրջանների զարգացում Երևանում
- 9-հարկանի երկու մակարդակով բնակելի շինություն Երևանում
- Տիգրանյան փողոցում գտնվող Պետական բանկի բնակելի շենք Երևանում
- Փափազյան փողոցի փակուղիների բնակելի շենք Երևանում
- Նորք թաղամասի կույրերի կենսաթոշակային միության բնակելի շենք Երևանում
- Հարսանեկան պալատ Երևանում
- Օղակաձև զբոսայգու հատվածը Տերյան և Աբովյան փողոցների միջև Երևանում
- Կ. Ստանիսլավսկու անվան ռուսական պետական դրամատիկական թատրոնի ընդլայնումը Երևանում
- Կումայրիի արգելոցի ճարտարապետական հուշարձանների վերականգնում և հարմարեցում (Կումայրիի պահպանվող տարածքների ՁՊՎ) Լենինականում
- Սուրբ Ամենափրկիչ և Սուրբ Աստվածածին եկեղեցիների վերականգնման ծրագրեր Լենինականում
- Մայիսյանի VII դարի Տիրանավոր Սբ. Աստվածածին եկեղեցու վերականգնումը
Պատկերասրահ[խմբագրել | խմբագրել կոդը]
-
Ասլամազյան քույրերի պատկերասրահը Գյումրիում
-
Ձիթողցյանների տուն Գյումրիում
-
Մայիսյանի VII դարի Տիրանավոր Սբ. Աստվածածին եկեղեցին
-
Սասուն Գրիգորյանը (ձախից ներքևում երկրորդը) աշխատանքային խմբի հետ Մայիսյանի Սբ. Աստվածածին եկեղեցու վերականգնումից հետո
Ծանոթագրություններ[խմբագրել | խմբագրել կոդը]
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.