Միխլյաևի տուն

Միխլյաևի տուն
Տեսակ	շենք
Երկիր	Ռուսաստան
Տեղագրություն	Կազան
Ժառանգության կարգավիճակ	Ռուսաստանի մարզային նշանակության մշակութային ժառանգության օբյեկտ

Միխլյաևի տուն (թաթ.՝ Михляев йорты), Կազանի ամենահին քարե շենքերից մեկն է։ Սահմանակից է Պետրոպավլովսկի տաճարին։ Անվանվել է սեփականատիրոջ` առևտրական Իվան Աֆանասևիչ Միխլյաևի (Միկլյաև) պատվին։ Գտնվում է Կազանի Մուսա Ջալիլի 19 հասցեում (բակում)։

Պատմություն[խմբագրել | խմբագրել կոդը]

17-րդ դարի վերջում 18-րդ դարի կեսերին առևտրական Միխլյաևի (Միկլյաև) պալատները Կազանի ամենաներկայանալի բնակելի շենքերն էին։ Քաղաքի լեգենդի համաձայն` 1722 թվականին այնտեղ է կանգ առել ռուս կայսր Պետրոս I և տոնել իր 50-ամյակը։

1728 թվականին շենքն անցել է Ի. Ա. Դրյաբլովին։ 1774 թվականից գտնվել է քաղաքի ենթակայության ներքո, այն զբաղեցրել են պետական հաստատություններ և վարձակալներ։ 1895 թվականին նախատեսվել է պալատում բացել է քաղաքային թանգարան։

Այժմ շենքը գտնվում է Թաթարստանի մշակութային ժառանգության կենտրոնի պետական գանձարանի հաշվեկշռում։ Խիստ վասված շենքը վերականգնվում է։

Ճարտարաետություն[խմբագրել | խմբագրել կոդը]

Պալատի ստորին քարե հարկը, հավանաբար հայտնվել է 17-րդ դարի վերջում 18-րդ դարի սկզբում։ Հսկայական պատերով և փոքր պատուհաններով այս հարկը օգտագործվել է կենցաղային գործառույթների համար և հանդիսացել է բնակելի հարկի ներքնահարկը, որն ի սկզբանե փայտից է եղել։ Պալատի երկրորդ հարկը, իր ներկայիս տեսքով, հայտնվել է հավանաբար Պետրոսի I-ի ժամանումից հետո, պատուհանների շրջանակալների ձևավորումը և քիվերը մոտ են հարևանությամբ գտնվող Պետրոպավլովսկյան տաճարի ձևավորմանը, որի շինարարությունը թվագրվում է 1723-1726 թվականներ։

Սկզբում հիմնական (հարավ-արևմտյան) ճակատի կենտրոնում եղել է երկրորդ հարկի առջևի սանդղամուտքը, որի գտնվելու տեղը ընդգխում են երեք պատուհանները` զարդարված բարոկկո ոճով` 18-րդ դարի 2-րդ կես։

Ձևավորմամբ շենքը մոտ է Մոսկվայի բարոկկոյի հուշարձաններին՝ հանդիսանալով դրանց լավագույն օրինակներից։

Հարակից Պետրոպավլովսկյան տաճարի հետ միասին համարվում են Ռուսաստանում այս ոճի լավագույն քաղաքային ճարտարապետական անսամբլներից։