Ֆրիդա Պինտո
 անգլ.՝ Freida Pinto | |
|---|---|
.jpg) | |
| Ծնվել է | հոկտեմբերի 18, 1984[1] (39 տարեկան) |
| Ծննդավայր | Մումբայ, Հնդկաստան |
| Կրթություն | Մումբայի համալսարան, Carmel of St. Joseph School? և Սենտ Խավիեր Քոլեջ |
| Քաղաքացիություն |  Հնդկաստան |
| Կրոն | Հռոմի Կաթոլիկ եկեղեցի |
| Մասնագիտություն | դերասանուհի, մոդել, հեռուստահաղորդավարուհի, կինոդերասանուհի և հեռուստատեսային դերասանուհի |
| Համատեղ ապրող(ներ) | Դև Պատել[2] |
| Պարգևներ և մրցանակներ | |
Ֆրիդա Պինտո (անգլ.՝ Freida Pinto, ամբողջ անունը` Ֆրիդա Սելենա Պինտո (Freida Selena Pinto), հոկտեմբերի 18, 1984[1], Մումբայ, Հնդկաստան), հնդկական և ամերիկյան դերասանուհի, ով առաջին անգամ հայտնի է դարձել «Միլիոնատերը ետնախորշերից» կինոնկարից։
Կենսագրություն[խմբագրել | խմբագրել կոդը]
Ֆրիդա Պինտոն ծնվել է Մումբայում` պորտուգալական արմատներ ունեցող ընտանիքում։ Նրա ծնողները Հնդկաստանի Կառնատակա նահանգում գտնվող Մանգալուրու քաղաքից էին և դավանանքով կաթոլիկներ էին[3][4][5]։ Հայրը բանկի աշխատակից էր, իսկ մայրը` ուսուցչուհի։ Ֆրիդայի ավագ քույրը` Շարոն Պինտոն, NDTV հեռուստաընկերությունում պրոդյուսեր է[6]։
Սկզբում Ֆրիդան սովորել է St. Joseph School դպրոցում, որն հաջողությամբ ավարտել է արվեստների բնագավառի բակալավրի աստիճանով, իսկ հետո ավարտել է St. Xavier's College քոլեջը` անգլիական գրականության գծով արվեստների բակալավրի աստիճանով։ Բացի այդ, նա պրոֆեսիոնալ պարուհի է, զբաղվում է հնդկական ավանդական պարային ոճերով և սալսայով[7]։
2006-2007 թվականներին մասնակցել է մի քանի հեռուստատեսային նախագծերի և նկարահանվել գովազդային հոլովակում։ Մասնակցություն է ունեցել նաև միջազգային «Full Circle» հեռուստաշոուին, հանդես գալով ողջ Հարավարևելյան Ասիայում։ Հեռուստաէկրաններին հաճախակի հայտնվելը վերջապես տվեց իր արդյունքը և նրան հրավիրեցին քասթինգի` «Միլիոնատերը ետնախորշերից» կինոնկարի նկարահանումների համար։ Նրա դեբյուտը կինոյում կայացավ 2008 թվականին։ Ֆիլմը հաջողված էր, այն արժանացավ «Օսկար»-ի, ինչպես նաև People’s Choice Award, իսկ 2009 թվականին՝ նաև «Ոսկե գլոբուս» մրցանակներին։ Նույն 2009 թվականին դերասանուհին ներկայացվել է BAFTA-ի մրցանակին` կանացի լավագույն երկրորդական դերակատարման համար, ինչպես նաև ստացել է Screen Actors Guild Award մրցանակը։ 2011 թվականին նկարահանվել է «Աստվածների պատերազմը. Անմահները» կինոնկարում։
Անձնական կյանքը[խմբագրել | խմբագրել կոդը]
Ֆրիդա Պինտոն 2001 թվականից հանդիպում էր մարքեթոլոգ Ռոհան Անտաոի հետ։ Նրանք ծանոթացել էին դեռևս Մումբայում սովորելու տարիներից[8]։ 2009 թվականին Ֆրիդան լքելով նրան, մինչ 2014 թվականը` հանդիպում էր դերասան Դև Պատելի հետ։ Վերջինիս հետ նա նկարահանվել էր «Միլիոնատերը ետնախորշերից» կինոնկարում[9]։
Ներկայումս Ֆրիդա Պինտոն բնակվում է ԱՄՆ-ում։ 2010 թվականին նա միացել էր Անդրե Աղասիի բարեգործական հիմնադրամին, կարողացել էր հավաքել 75000 դոլար և այն ուղղորդել անապահով ընտանիքների երեխաների կրթական ծրագրին[10][11]։
Ֆիլմագրություն[խմբագրել | խմբագրել կոդը]
| Թվական | Անվանում | Բնօրինակ անվանում | Կերպար |
|---|---|---|---|
| 2008 | Միլիոնատերը ետնախորշերից | Slumdog Millionaire | Լատիկա |
| 2010 | Դու կհանդիպես խորհրդավոր անծանոթի | You Will Meet a Tall Dark Stranger | Դիա |
| 2010 | Միրալ | Miral | Միրալ |
| 2011 | Կապիկների մոլորակի ապստամբությունը | Rise of the Planet of the Apes | Քերոլայն Արանյա |
| 2011 | Աստվածների պատերազմը. Անմահները | Immortals | Ֆեդրա |
| 2011 | Սև ոսկի | Or noir (Black Gold) | արքայադուստր Լեյլա |
| 2011 | Գեղեցկուհին ետնախորշերից | Trishna | Տրիշնա |
| 2015 | Անապատում պարողը | Desert Dancer | Էլայա |
| 2015 | Գավաթների ասպետը | Knight of Cups | Հելեն |
| 2015 | Պատահական վիրավորում | Blunt Force Trauma | Կոլտ |
| 2018 | Ջունգլիների գիրքը. Սկիզբ | Jungle Book | Մեսսուա |
Ծանոթագրություններ[խմբագրել | խմբագրել կոդը]
- ↑ 1,0 1,1 SNAC — 2010.
- ↑ Dev Patel Biography - Facts, Film Career, Family Life, Achievements
- ↑ «Slumdog Millionaire star Freida Pinto's amazing rise to fame». Daily Mirror. 2009 թ․ հունվարի 26. Վերցված է 2010 թ․ սեպտեմբերի 25-ին.
- ↑ «Slumdog has done India proud, says Frieda's father». Daily News and Analysis (DNA). 2009 թ․ փետրվարի 23. Վերցված է 2009 թ․ ապրիլի 29-ին.
- ↑ «Where are the Slumdog kids now?». Channel 4 News. 2009 թ․ փետրվարի 23. Արխիվացված է օրիգինալից 2009 թ․ դեկտեմբերի 24-ին. Վերցված է 2009 թ․ ապրիլի 29-ին.
- ↑ D'Mello, Gerry (2008 թ․ նոյեմբերի 25). «The Newest Star on the Mangalorean Horizon-Freida Pinto». Daijiworld Media. Արխիվացված օրիգինալից 2012 թ․ մարտի 29-ին. Վերցված է 2008 թ․ նոյեմբերի 25-ին.
- ↑ «'Comedy is difficult'». Rediff News. Rediff. 2008 թ․ հունիսի 16. Արխիվացված է օրիգինալից 2012 թ․ մարտի 29-ին. Վերցված է 2008 թ․ փետրվարի 23-ին.
- ↑ Slumdog Millionaire star Freida Pinto 'dumped her secret husband after becoming a star' | Mail Online
- ↑ Freida Pinto & Dev Patel Are Dating, Says Mom Dev Patel, Freida Pinto : Just Jared(չաշխատող հղում)
- ↑ «Freida joins forces with William to raise money for Agassi's charity». Zee News. 2010 թ․ հոկտեմբերի 13. Արխիվացված օրիգինալից 2015 թ․ դեկտեմբերի 8-ին. Վերցված է 2015 թ․ նոյեմբերի 30-ին.
- ↑ Ganguly, Prithwish (2010 թ․ սեպտեմբերի 30). «Freida the ace in Agassi-Steffi game». The Times of India. Արխիվացված օրիգինալից 2014 թ․ մարտի 29-ին. Վերցված է 2013 թ․ ապրիլի 25-ին.
 | Վիքիպահեստն ունի նյութեր, որոնք վերաբերում են «Ֆրիդա Պինտո» հոդվածին։ |
| ||||||||||||||||||||||||
