Փոլ Ռևիր

Փոլ Ռևիր; անգլ.՝ Paul Revere
Ծնվել է	հունվարի 1, 1735
Ծննդավայր	Բոստոն, Մասաչուսեթսյան ծոցի գավառ, Տասներեք գաղութներ, Մեծ Բրիտանիայի թագավորություն
Մահացել է	մայիսի 10, 1818 (83 տարեկան)
Մահվան վայր	Բոստոն, ԱՄՆ
Գերեզման	Granary Burying Ground
Քաղաքացիություն	ԱՄՆ
Կրթություն	Westford Academy?
Մասնագիտություն	արծաթագործ, Մինիտմեններ, ձեռնարկատեր և ռազմական գործիչ
Ամուսին	Rachel Walker? և Sarah Orne?
Ծնողներ	հայր՝ Apollos Rivoire?, մայր՝ Deborah Hitchbourn?
Երեխաներ	Joseph Warren Revere? և Paul Revere, Jr.?
	Ստորագրություն;
	Paul Revere Վիքիպահեստում

Փոլ Ռևիր (անգլ.՝ Paul Revere, հունվարի 1, 1735(1735-01-01)^[1]^[2]^[3], Բոստոն, Մասաչուսեթսյան ծոցի գավառ, Տասներեք գաղութներ, Մեծ Բրիտանիայի թագավորություն^[4] - մայիսի 10, 1818(1818-05-10)^[1]^[2]^[3], Բոստոն, ԱՄՆ), ամերիկյան անկախության պատերազմի հերոս, արծաթագործ, արդյունաբերող։ 1775 թվականի ապրիլի 18-ին նախազգուշացնում է Բոստոն քաղաքի բնակչության բրիտանական զորքերի մոտեցման մասին։ Անմահացվել է Հենրի Լոնգֆելոյի «Փոլ Ռևիրի ձիարշավը» բալլադում^[7]։

Կենսագրություն[խմբագրել | խմբագրել կոդը]

Արհեստավորական գործունեությունը[խմբագրել | խմբագրել կոդը]

Ռևիրի հայրը ՝ Ապոլո Ռիվուարը (հետագայում նա կփոխի իր ազգանունը Ռևիրի), հուգենոտ փախստականների զավակ էր, ովքեր տեղափոխվել էին Բոստոն։ Վաղ հասակում Ապոլոն աշխատում է որպես արծաթագործի օգնական։ Իր հերթին Ապոլոն արծաթագործի իր հմտությունները փոխանցում է որդուն ՝ Ռևիրին։ Ռևիրը դառնում է ամերիկայի ամենահայտնի արծաթագործներից մեկը։ Ռևիրը ստանում է հիմնարար կրթություն և հետագայում կարողնում է ընթերցել մետաղագործության մասին ամենաբարդ գրքերը։ Նա պատրաստում է ոչ միայն արծաթե կենցաղային իրեր, այլ նաև վիրահատությունների համար նախատեսված գործիքներ, ակնոցներ, արծաթե ատամներ և արծաթե նկարազարդումներ։ Ռևիրի ամեհայտնի աշխատանքներից է արծաթե նկարազարդումը, որը պատկերում է Բոստոնյան ջարդերի դեպքերը։

Անկախության պատերազմին նախորդող տարիները[խմբագրել | խմբագրել կոդը]

1770 թվականին Ռևիրն անդամակցում է հայրենասիրական շարժմանը և հայտնվում է խռովությունների կիզակետում։ Ամերիկյան գաղութներում սկիզբ առած հայրենասիրական շարժումը հանգուցալուծվեց Ամերիկայի անկախության համար մղվող պատերազմով։ Որպես բոստոնյան արհեստավոր խավի ներկայացուցիչ՝ Ռևիրը կապող օղակ է հանդիսանում քաղաքի մտավորական և աշխատավոր խավերի միջև։ 1773 թվականին Ռևիրը, 50 այլ ըմբոստարարների հետ միասին, հնդկացիների շորեր է հագնում և մասնակցում «Բոստոնի թեյախմության» բողոքներին։ Ըմբոստարարները հանդես էին գալիս լրացուցիչ հարկադրումների դեմ։ Ռևիրը ծառայում է Բոստոնի փրկության հանձնաժողովում (անգլ.՝ Boston’s Committee of Safety) որպես ձիավոր։ Նա հաղորդագրություններ է փոխանցում Նյու Յորքի և Ֆիլադելֆիայի միջև։ 1775 թվականի ապրիլի 16-ին Ռևիրը Կոնկորդ քաղաքի բնակչությանը տեղեկացնում է բրիտանական զորքերի առաջխաղացման մասին և հորդորում է նրանց թաքցնել քաղաքում առկա ռազմական զինանոցները։ Նա լապտեր է կախում Բոստոնի հին հյուսիսային եկեղեցու զանգակատան վրա՝ զգուշացնելով համաքաղաքացիներին բրիտանական զորքերի մոտալուտ մոտեցման մասին։ Երկու օր անց նա մեկնում է Բոստոնից, որպեսզի հանդիպի հեղափոխական առաջնորդներ Ջոն Հանքոքին և Սեմյուել Ադամսի հետ և զգուշացնի նրանց թշնամական զորքերի առաջխաղացման մասին։ Նա և նրա ընկեր Վիլիամ Դասը իրաից անկախ հասնում են Լենգսիկտոն և Հենքոքին և Ադամսին ժամանակին լքում են քաղաքը։ Վերադարձի ճանապարհին բրիտանական զորքերը գերում են Ռևիրսին։ Կարճ ժամանակ անց նա ազատ է արձակվում և ոտքով վերադառնում Լենգսիկտոն ։ Ռևիրը զգուշացման շնորհիվ ամերիկյան աշխարհազորը կարողանում է դիմակայություն ցույց տալ բրիտանական զորքերին Լենգսիկտոնի մոտ տեղի ունեցած վճռորոշ ճակատամարտերից մեկում։

Անկախության պատերազմը[խմբագրել | խմբագրել կոդը]

Անկախության պատերազմի սկզբնական տարիներին Ռևիրը արդյունաբերական ընկերությունը վառոդ է մատակարարում ամերիկյան զորքերին։ 1776 թվականին Ռևիրը ղեկավարում է Բոստոնի նավահանգիստի պաշտպանության աշխատանքները։ Ռևիրի պատերազմական գործողությունների մասնակցության մասին վկայող այլ տեղեկություններ չեն պահպանվել։

Հետպատերազմական շրջանը[խմբագրել | խմբագրել կոդը]

Հետպատերազմական շրջանում Ռևիրը շարունակում է իր հաջողակ արդյունաբերական գործունեությունը։ Նա Մասաչուսեթս նահանգի Կանտոն քաղաքում հիմնում է պղնձի թիթեղների արտադրությամբ զբաղվող գործարան։ Ռևիրի գործարանը թիթեղներ է մատակարում ամերիկյան ռազմական նավատորմին և Մասաչուսեթսի նահանգանիստի գմբեթի երեսպատման աշխատանքների համար։

Ռևիրը Եղել է Մասոնական մեծ օթյակի վարպետ և հանդիսացել է Բոստոն քաղաքի հրդեհների դեմ ապահովագրական առաջին միասնական ընեկության հիմնադիր։ Ծառայել է որպես Սաֆոլք շրջանի դատաքննիչ և Բոստոնի առողջապահական խորհուրդի նախագահ^[8]։

Նա երկար տարիներ եղել է իր համայնքի ամենահարգված անդամներից մեկը։ Նա ճանաչված էր իր բարեգործական գործունեությամբ և պատերազմական տարիներին ներդրած ավանդի համար։ Ռևիրը դադարում է իր աշխատանքային գործուենությունը 1811 թվականին ՝ 76 տարեկան հասակում։ 1818 թվականին մայիսի 10֊ին Ռևիրը մահանում է Բոստոնի իր տանը^[9]։

Ժառանգությունը[խմբագրել | խմբագրել կոդը]

Ռևիրի մահից հետո ընտանեկան ձեռանարկությունները անցնում են նրա ավագ տղային ՝ Ջոզեֆ Վորեն Ռևիրին^[10]։ Ռևիրի հիմնադրած պղնձագործական գործարանը գործում է մինչ այսօր և հայտնի է «Ռևիր քուփեր քոմփանի» անվամբ։ Նա իր արտադրամասերը ունի նաև Նյու Յորք նահանգի Հռոմ և Մասաչուսեթս նահանգի Նյու Բեդֆորդ քաղաքներում^[11]։

Ռևիրիր պատրաստատած արծաթե իրերը և նկարազարդումները մեծ պահանջարկ ունեն արվեստի և պատմության սիրահարների շրջանում։ Նրանք ներկայացված են աշխարհի բազմաթիվ թանգարաններում՝ ներառյալ Բոստոնի գեղարվեստի^[12] և Նյու Յորքի Մետրոպոլիտեն^[13] թանգարանները։ 1843 թվականին Ռևիրի դուստրը՝ Մարիա Ռևիր Բալիսթիրը, Ռևիրի պատրաստած զանգը նվիրաբերվել է Սինգապուրի Սրբ. Անդրեաս եկեղեցուն։ Այն այժմ ներկայացվում է Սինագապուրի ազգային թանգարանում։ Սա Ռևիրի պատրաստած միակ զանգն է, որը գտնվում է ԱՄՆ֊ի տարածքից դուրս^[14]։

Մասաչուսեթս և Մինեսոտա նահանգների Ռևիր քաղաքները, Մասաչուսեթս նահանգի Ռևիր լողափը, Նյու Յորքի Ռևիր պողոտան, Մասաչուսեթսի Արլինգտոն քաղաքի Փոլ Ռևիր փողոցը և Սիեթլ քաղաքի Փոլ Ռևիր շինությունը անվանակոչվել են ի պատիվ Փոլ Ռևիրի։ 1958 թվականին թողարկված 25 ցենտ արժողությամբ փոստային նամականիշը պատկերում է Հիլբերը Ստյուրտի վրձնին պատկանող Փոլ Ռևիրի դիմանկարը։ Նա պատկերվել է նաև ԱՄՆ֊ի 5000 դոլլար արժողությամբ EE խմբի խնայողական արժեթղթերի երեսին^[15]։

Ամերիկյան «Փոլ Ռևիրը և ռեյդերները»(անգլ.՝ Paul Revere and the Raiders) ռոք նվագախումբը մեծ ժողովրդականություն էր վայելում 1960 թվականների կեսերից մինչ վաղ 1970-ականները։ Խմբի երգեհոնահարի անունը եղել է Փոլ Ռևիր Դիք, ով անվանակոչվել էր ի պատիվ ամերիկյան հերոս Ռևիրի^[16]։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Benezit Dictionary of Artists — OUP, 2006. — ISBN 978-0-19-977378-7
↑ ^2,0 ^2,1 ^2,2 ^2,3 ^2,4 Encyclopædia Britannica
↑ ^3,0 ^3,1 ^3,2 ^3,3 ^3,4 Rote C. Revere, Paul // Grove Art Online / J. Turner — [Oxford, England], Houndmills, Basingstoke, England, New York: OUP, 2018. — ISBN 978-1-884446-05-4 — doi:10.1093/GAO/9781884446054.ARTICLE.T071667
↑ ^4,0 ^4,1 ^4,2 https://www.paulreverehouse.org/biography/
↑ ^5,0 ^5,1 ^5,2 ^5,3 ^5,4 ^5,5 ^5,6 ^5,7 Kindred Britain
↑ Geni(բազմ․) — 2006.
↑ Փոլ Ռևիր, Միացյալ նահանգների ռազմական սպա և արծաթագործ
↑ Փոլ Ռևիր, «History» հեռուստաալիք
↑ Փոլ Ռևիր, ազգային հերոս(1735–1818)
↑ «Հեղափոխական Փոլ Ռևիրը», Ջոել Միլլեր, էջեր 255,260
↑ «Ռևիր պնղձագործական ընկերության մասին». Արխիվացված է օրիգինալից 2017 թ․ մարտի 1-ին. Վերցված է 2017 թ․ ապրիլի 13-ին.
↑ Փոլ Ռևիրի «Ազատության որդիների գավաթը», Բոստոնի գեղարվեստի թանգարան
↑ Փոլ Ռևիր, արծաթե թեյնիկ, Մետրոպոլիտեն թանգարան
↑ «Ռևիրի զանգ», Ազգային գրադարանների խորհուրդ, Սինգապուր
↑ ԱՄՆ֊ի խնայողական արժեթղթերը, Միացյալ Նահանգների գանձապետարան
↑ «Փոլ Ռևիրը և ռեյդերները», Բրյուս Էդեր

Վիքիպահեստն ունի նյութեր, որոնք վերաբերում են «Փոլ Ռևիր» հոդվածին։

[_23c4a085f10b7619-1] 1,0 ^1,1 ^1,2 ^1,3 ^1,4 Benezit Dictionary of Artists — OUP, 2006. — ISBN 978-0-19-977378-7

[_18cde6d730d38bfa-2] 2,0 ^2,1 ^2,2 ^2,3 ^2,4 Encyclopædia Britannica

[_5b041364ed352efc-3] 3,0 ^3,1 ^3,2 ^3,3 ^3,4 Rote C. Revere, Paul // Grove Art Online / J. Turner — [Oxford, England], Houndmills, Basingstoke, England, New York: OUP, 2018. — ISBN 978-1-884446-05-4 — doi:10.1093/GAO/9781884446054.ARTICLE.T071667

[_2e056dcdf3a8e263-4] 4,0 ^4,1 ^4,2 https://www.paulreverehouse.org/biography/

[_ebe6cc20ec894019-5] 5,0 ^5,1 ^5,2 ^5,3 ^5,4 ^5,5 ^5,6 ^5,7 Kindred Britain

[_e58fab438d6aa952-6] Geni(բազմ․) — 2006.

[7] Փոլ Ռևիր, Միացյալ նահանգների ռազմական սպա և արծաթագործ

[8] Փոլ Ռևիր, «History» հեռուստաալիք

[9] Փոլ Ռևիր, ազգային հերոս(1735–1818)

[10] «Հեղափոխական Փոլ Ռևիրը», Ջոել Միլլեր, էջեր 255,260

[11] «Ռևիր պնղձագործական ընկերության մասին». Արխիվացված է օրիգինալից 2017 թ․ մարտի 1-ին. Վերցված է 2017 թ․ ապրիլի 13-ին.

[12] Փոլ Ռևիրի «Ազատության որդիների գավաթը», Բոստոնի գեղարվեստի թանգարան

[13] Փոլ Ռևիր, արծաթե թեյնիկ, Մետրոպոլիտեն թանգարան

[14] «Ռևիրի զանգ», Ազգային գրադարանների խորհուրդ, Սինգապուր

[15] ԱՄՆ֊ի խնայողական արժեթղթերը, Միացյալ Նահանգների գանձապետարան

[16] «Փոլ Ռևիրը և ռեյդերները», Բրյուս Էդեր

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]