Վառլեն Ալեքսանյան

Վառլեն Ալեքսանյան
Ծնվել է	հունվարի 8, 1942
Ծննդավայր	Գառնահովիտ, Թալինի շրջան, Հայկական ԽՍՀ, ԽՍՀՄ
Վախճանվել է	հունիսի 19, 2015 (73 տարեկան)
Մասնագիտություն	բանաստեղծ և թարգմանիչ
Քաղաքացիություն	ԽՍՀՄ և Հայաստան
Կրթություն	Երևանի պետական համալսարան (1970)
Անդամակցություն	ՀԳՄ
Աշխատավայր	Հայաստանի Պատմության Թանգարան և Հայկական սովետական հանրագիտարան
	Վառլեն Ալեքսանյան Վիքիդարանում

Վիքիպեդիայում կան հոդվածներ Ալեքսանյան ազգանունով այլ մարդկանց մասին։

Վառլեն Գուրգենի Ալեքսանյան (հունվարի 8, 1942(1942-01-08)^[1], Գառնահովիտ, Թալինի շրջան, Հայկական ԽՍՀ, ԽՍՀՄ - հունիսի 19, 2015(2015-06-19)^[1]), հայ բանաստեղծ, թարգմանիչ, Հայաստանի գրողների միության անդամ 1982 թվականից։

Կենսագրություն

Ծնվել է Արագածոտնի մարզի Գառնահովիտ գյուղում։ 1961 թվականին ավարտել է Երևանի թիվ 45 միջնակարգ դպրոցը։ 1962-1964 թվականներին ծառայել է խորհրդային բանակում։ 1965 թվականին ընդունվել և 1970 թվականին ավարտել է Երևանի պետական համալսարանի պատմության ֆակուլտետի հնագիտության և ազգագրության բաժինը։ 1971-1972 թվականներին աշխատել է Հայաստանի պատմության պետական թանգարանի ազգագրության բաժնում։ 1972 թվականից աշխատել է Հայկական Սովետական Հանրագիտարանի խմբագրությունում, սկզբում որպես գիտխմբագիր, 1979 թվականից ավագ գիտխմբագիր։

Նրա առաջին բանաստեղծությունները տպագրվել են 1967 թվականին, «Գարուն» ամսագրում։ Նրա մի շարք բանաստեղծություններ թարգմանվել են ռուսերեն, վրացերեն և այլ լեզուներով^[2]։

Վառլեն Ալեքսանյանը 1992 թվականին արժանացել է Հայաստանի գրողների միության, իսկ 1997 թվականին՝ Թեքեյան մշակութային միության մրցանակներին։

Երկեր

Օրերի սերը (բանաստեղծություններ), Երևան, «Սովետական գրող», 1978, 44 էջ
Անհասցե նամակներ (բանաստեղծություններ), Երևան, «Սովետական գրող», 1983, 72 էջ
Կաթիլներ ապակու վրա (բանաստեղծություններ), «Սովետական գրող», 1988, 160 էջ
Ներսիկի թութակը (մանկական բանաստեղծություններ), «Արևիկ», 1992, 32 էջ
Ծանր խաչ (բանաստեղծություններ), «Նաիրի», 1996, 96 էջ
Կյանքին դեմառդեմ (բանաստեղծություններ),. «Զանգակ-97», 160էջ
Մինչև վերջին անձրևը (բանաստեղծություններ՝ հատընտիր), «ՀԳՄ հրատարակչություն», 2007, 304 էջ
Կասկածի ջրերի վրա (բանաստեղծություններ), «ՀԳՄ հրատարակչություն». 2009, 120 էջ
Կարուսել (մանկական բանաստեղծություններ), 2010, 32 էջ

Թարգմանություններ (ռուսերենից)

Հին Արևելքի պոեզիա (ժողովածուի «Իրան» բաժնի «Հիմն՝ Արդվիսուրա Անահիտային» գործը թարգմանել է Վ. Ալեքսանյանը), Երևան, Երևանի համալսարանի հրատարակչություն, 1982, 616 էջ։
XX դարասկզբի ռուսական բանաստեղծություն (Վելիմիր Խլեբնիկովի բանաստեղծությունները թարգմանել է Վ. Ալեքսանյանը), Երևան, Երևանի համալսարանի հրատարակչություն, 1982, 536 էջ։
Բուլղարական էպոս «Կրալի Մարկո», Տողացիների հիման վրա չափածո տեքստի պատրաստում, «Ապոլոն», 2010։

Ծանոթագրություններ

↑ ^1,0 ^1,1 ^1,2 ^1,3 ^1,4 https://slaq.am/news/vakhtchanvel-e-banasteghts-varlen-aleqsanyany
↑ Հայկ Խաչատրյան (1986). Գրական տեղեկատու. Երևան: «Սովետական գրող». էջ էջ 31.

Արտաքին հղումներ

Պոետ, որ այն աշխարհից էլ իրավունք ունի բարբառելու… Վառլեն Ալեքսանյան

Վիքիդարանն ունի նյութեր, որոնք վերաբերում են «Վառլեն Ալեքսանյան» հոդվածին։

[_291cd7873856260d-1] 1,0 ^1,1 ^1,2 ^1,3 ^1,4 https://slaq.am/news/vakhtchanvel-e-banasteghts-varlen-aleqsanyany

[2] Հայկ Խաչատրյան (1986). Գրական տեղեկատու. Երևան: «Սովետական գրող». էջ էջ 31.

[1]

[2]