Տարիքային սահմանափակում
Տարիքային սահմանափակում, որոշ երկրների և ընկերությունների օրենսդրություն, որը վերաբերվում է զանգվածային մշակույթին, հիմնականում ֆիլմերին, հեռուստահաղորդումներին և համակարգչային խաղերին, և վարկանիշային համակարգը անմիջականորեն դրա հետ կապված է։
Ֆիլմեր[խմբագրել | խմբագրել կոդը]
Առավելապես տարիքային ցենզուրային են ենթարկում այն ֆիլմերը, որ պարունակում են բռնության տեսարաններ, ծխախոտ ծխելու տեսարաններ, թմրանյութերի կամ ալկոհոլի օգտագործման տեսարաններ, բաց էրոտիկ բովանդակություն։
Հեռուստատեսություն[խմբագրել | խմբագրել կոդը]
Ռուսական հեռուստաալիքներին, օրինակ, (բացառությամբ մալուխային ալիքների), թույլատրվում է ցուցադրել ծրագրեր և ֆիլմեր 18+ տարիքային սահմանափակումով միայն ժամը 23:00-ից 03:00-ի սահմաններում։ Սահմանափակման նման ձևը կիրառվում է բազմաթիվ Եվրոպական երկրներում։
Երբեմն ուշ գիշերով կամ եթե այդպիսի նյութը հայտնվում է լուրերում, որոշ ալիքներ հեռարձակումից առաջ ցուցադրում են նախազգուշացում՝ «Կադրերը, որոնք մենք հիմա կցուցադրենք, խորհուրդ չի տրվում դիտել երեխաներին, տարեց մարդկանց, հղիներին և հոգեկան շեղումներով մարդկանց»։ Ռուսաստանում նման նախազգուշացումներ կարելի է տեսնել, օրինակ, «Քրեական Ռուսաստանը», «Վավերագրական խուզարկու» և «Հատուկ թղթակից» հաղորդումներից առաջ։
Ռուսաստանում 01.09.2012 թվականից ներդրվել է հեռուստատեսային տարիքային սահմանափակում բոլոր ֆիլմերի և հաղորդումների համար[1]։ Գրաֆիկական մակնշումը «0+», «6+», «12+», «16+», «18+» պետք է հայտնվի եթերում մինչև հաղորդման կամ ֆիլմի սկիզբը նաև գովազդային դադարից հետո և մնա 8 վայրկյան։
Տեսախաղեր[խմբագրել | խմբագրել կոդը]
Տեսախաղերը սահմանափակվում են ըստ իրենց բովանդակության։ Փոքր տարիքային ցենզը (6 — 12 տարեկան), որպես կանոն, տրվում է այն խաղերին, որի բովանդակությունը կարող է լինել ոչ պատշաճ ձևով ընկալված մարդկանց կողմից, ով չի հասել այդ տարիքի։ Իսկ արդեն ավելի բարձր ցենզը (16 — 18 տարեկան) տրվում է այն խաղերին, որի մեջ վառ են արտահայտված բռնության և սեռական բովանդակությամբ տեսարաններ։
Տարիքային սահմանափակում Հայաստանում[խմբագրել | խմբագրել կոդը]
Որպես այդպիսին Հայաստանում օրենքով ընդունված չէ տարիքային սահմանափակումը, սակայն Ռուսաստանից հետո մի քանի ամիս հետո հայաստանյան հեռուստաընկերությունները սկսեցին ցուցադրել տարիքային նշանները ըստ ռուսական ստանդարտի։
Կինոթատրոնները պաստառների վրա, ֆիլմերի նկարագրություններում և բանավոր կերպով զգուշացնում են տարիքային սահմանափակման մասին, երբեմն նաև անձնագիր են պահանջում։
Հայաստանում գոյություն չունի «Կինոյի մասին» օրենք, իսկ «Հեռուստատեսության և ռադիոյի մասին» օրենքը այդպիսի սահմանափակումներ չի նախատեսում։ Հայաստանում տարիքային սահմանափակումը չի գործում։
Ծանոթագրություններ[խմբագրել | խմբագրել կոդը]
- ↑ «Ъ-Газета - Телевидение станет разнодоступным». Արխիվացված օրիգինալից 2013 թ․ փետրվարի 26-ին. Վերցված է 2013 թ․ փետրվարի 24-ին.