Վիեննայի գեղարվեստի ակադեմիա
Վիեննայի գեղարվեստի ակադեմիա գերմ.՝ Akademie der bildenden Künste Wien | |
|---|---|
 | |
 | |
| Տեսակ | գեղարվեստի ակադեմիա, պատկերասրահ, համալսարան և հասարակական համալսարան |
| Հիմնադրված է | 1692 |
| Հիմնադրիր | Peter Strudel?[1] |
| Տնօրեն | Johan Frederik Hartle? |
| Անդամակցություն | ORCID[2] և Ավստրիական ակադեմիական գրադարանային կոնսորցիում[3] |
| Երկիր |  Ավստրիա |
| Տեղագրություն | Վիեննա և Ներքին Քաղաք |
| Կայք | akbild.ac.at(գերմ.)(անգլ.) |
  Վիեննայի գեղարվեստի ակադեմիա, Ավստրիա | |
 Academy of Fine Arts Vienna Վիքիպահեստում | |
Վիեննայի գեղարվեստի ակադեմիա (գերմ.՝ Akademie der bildenden Künste Wien), գեղարվեստի բարձրագույն հանրային դպրոց Ավստրիայի մայրաքաղաք Վիեննայում։
Պատմություն[խմբագրել | խմբագրել կոդը]
Վիեննայի գեղարվեստի ակադեմիան հիմնադրվել է 1692 թվականին որպես մասնավոր ակադեմիա՝ ձևավորված Սան Լուկայի ակադեմիայի և Փարիզի նկարչության և քանդակագործության ակադեմիայի օրինակով դատական նկարիչ Պիտեր Շտրուդելի կողմից, ով դարձել է Praefectus Academiae Nostrae: 1701 թվականին նա կայսեր Ջոզեֆ I-ի կողմից ստանում է ազնավականի կոչում Freiherr (բարոն)։ Նրա մահից հետո՝ 1714 թվականին, ակադեմիան ժամանակավորապես փակվել է[4]։
.jpg)
1725 թվականի հունվարի 20-ին Կառլ VI կայսրը ֆրանսիացի Յակոբ վան Շուպենին նշանակել է ակադեմիայի պրեֆեկտ և տնօրեն, և ակադեմիան վերահիմնադրվել է որպես k.k. Hofakademie der Maler, Bildhauer und Baukunst (Նկարիչների, քանդակագործների և ճարտարապետների կայսերական ու թագավորական ակադեմիա)։
1740 թվականին Չարլզի մահից հետո, ակադեմիան անկում է ապրել, սակայն կայսրուհի Մարիա Թերեզայի օրոք 1751 թվականին նոր կանոնադրությամբ Ակադեմիան բարեփոխել է։ Ակադեմիայի հեղինակությունը բարձրացել է Միքելանջելոյի Անթերբերգերի և Պաուլ Տրոգերի ղեկավարման օրոք, իսկ 1767 թվականին Աննա Մարիան և Մարիա Կարոլինան դարձել են ակադեմիայի առաջին պատվավոր անդամները։ 1772 թվականին տեղի են ունեցել կազմակերպչական, կառուցվածքային բարեփոխումներ։ Կանցլեր Վենցել Անտոն Կաունիցը գոյություն ունեցող բոլոր արվեստի դպրոցները ներառել է k.k. vereinigten Akademie der bildenden Künste-ի (Կայսերական և թագավորական միասնական գեղարվեստի ակադեմիա) մեջ։ Հետագայում "vereinigten" (միասնական) բառը հանվել է։ 1822 թվականին արվեստ բաժինը զգալիորեն աճել է կապված պատվավոր անդամի Անտոն Ֆրանց դե Պաուլա Գրաֆ Լեմբերգ-Սպրինզենցենի կտակի հետ։ Նրա հավաքածուն դեռևս կազմում է արվեստի ցուցադրվող նմուշների կորիզը[5]։
1872 թվականին Ֆրանց Յոզեֆ I կայսեր հաստատած կանոնադրությամբ Ակադեմիան դարձել է արվեստի գերագույն մարմին։ Ակադեմիայի համար Տեոֆիլ ֆոն Հանսենի նախագծով կառուցվել է նոր շենքը։ 1877 թվականի ապրիլի 3-ին Innere Stadt շրջանում տեղի է ունենում շենքի բացումը։ 1907 և 1908 թվականներին երիտասարդ Ադոլֆ Հիտլերը երկու անգամ մերժվել է նկարչության դասերի ընդունելության ժամանակ։
1938-1945 թվականներին ավստրիական Անշլյուսի և Նացիստական Գերմանիայի օրոք ակադեմիան ստիպված էր նվազեցնել հրեա աշխատակիցների թիվը։ Երկրորդ համաշխարհային պատերազմից հետո ակադեմիան վերակազմավորվել է 1955 թվականին և վերահաստատվել է նրա ինքնավարությունը։ 1998 թվականից ակադեմիան ունի համալսարանի կարգավիճակ, սակայն պահպանել է իր բնօրինակ անունը և միակ համալսարանն է Ավստրիայում, որի անվանման մեջ համալսարան բառը չկա։
Կառուցվածք[խմբագրել | խմբագրել կոդը]
Ակադեմիայի կազմում ներառված են հետևյալ ինստիտուտները[6]՝
- Գեղարվեստի ինստիտուտ, որն ունի տասներեք ստորաբաժանումներ՝
- Աբստրակտ նկարչություն
- Արվեստ և թվային մեդիա
- Արվեստ և լուսանկարչություն
- Արվեստ և հետազոտություն
- Կոնցեպտուալ արվեստի;
- Կոնտեքստային նկարչություն
- Ընդլայնված գեղանկարչական տարածք
- Ֆիգուրատիվ նկարչություն
- Գրաֆիկական արվեստ և տպագրության մեթոդներ
- Առարկայական քանդակ
- Կատարողական արվեստ - քանդակ
- Վիդեո ինստալյացիա
- Տեքստային քանդակ[7]
- Արվեստի տեսության և մշակութային ուսումնասիրությունների ինստիտուտ (արվեստի պատմություն, փիլիսոփայություն, պատմություն)
- Պահպանման և վերականգնման ինստիտուտ
- Բնական գիտությունների և արվեստի տեխնոլոգիաների ինստիտուտ
- Միջնակարգ դպրոցի ուսուցման ինստիտուտ (արհեստ, դիզայն, տեքստիլ արվեստ)
- Արվեստի և ճարտարապետության ինստիտուտ
Ակադեմիան ունի 900 ուսանողներ, որի քառորդ մասը օտարերկրացիներ են։ Ակադեմիայի գրադարանն ունի շուրջ 110,000 կտոր գրականություն, «փորագրման կաբինետն» (Kupferstichkabinett) ունի 150,000 գծանկարներ ու տպագրական գործեր։ Հավաքածուն համարվում է ամենամեծն Ավստրիայում։
Ծանոթագրություններ[խմբագրել | խմբագրել կոդը]
- ↑ https://www.akbild.ac.at/portal_en/university/about-us/history
- ↑ https://web.archive.org/web/20231020113811/https://orcid.org/members
- ↑ https://web.archive.org/web/20231222111205/https://www.kemoe.at/mitgliedschaft/mitglieder
- ↑ «A Chronological History of the Vienna Academy of Fine Arts». Academy of Fine Arts Vienna. Արխիվացված է օրիգինալից 2018 թ․ հոկտեմբերի 2-ին. Վերցված է 2014 թ․ նոյեմբերի 27-ին.
- ↑ History of the art collection Արխիվացված 2018-09-10 Wayback Machine on the Academy's website
- ↑ «Institutes». Academy of Fine Arts Vienna. Արխիվացված է օրիգինալից 2017 թ․ սեպտեմբերի 17-ին. Վերցված է 2014 թ․ նոյեմբերի 27-ին.
- ↑ «Արխիվացված պատճենը». Արխիվացված է օրիգինալից 2011 թ․ սեպտեմբերի 30-ին. Վերցված է 2016 թ․ ապրիլի 5-ին.
Արտաքին հղումներ[խմբագրել | խմբագրել կոդը]
| ||||||||||||||||||||||||||
 | Վիքիպահեստն ունի նյութեր, որոնք վերաբերում են «Վիեննայի գեղարվեստի ակադեմիա» հոդվածին։ |
| ||||||||||||
