Ռոժենի վանք

Ռոժենի վանք; Роженски манастир
	Ռոժենի վանք
Հիմնական տվյալներ
Տեսակ	վանք և եկեղեցի
Երկիր	Բուլղարիա
Տեղագրություն	Ռոժեն գյուղ
Թեմ	Diocese of Nevrokop?
Հիմնական ամսաթվերը	13-րդ դար
Մասն է	Բուլղարիայի 100 զբոսաշրջային օբյեկտներ
Հիմնադրված	890 թվական
	Rozhen Monastery Վիքիպահեստում

Ռոժենի Սուրբ Աստվածածին վանք (բուլղար․՝ Роженският манастир „Свето Рождество Богородично“)^[1], Բուլղարիայի ամենախոշոր ուղղափառ վանքերից մեկը։ Տեղակայված է Պիրին լեռներում, Մելնիկ քաղաքից 5 կմ հեռավորության վրա, երկրի հյուսիսարևելյան հատվածում։

Պատմություն[խմբագրել | խմբագրել կոդը]

Միջնադարյան այն քիչ վանքերից մեկն է, որը պահպանվել է մինչև մեր օրերս։ Ըստ աթոսյան աղբյուրների՝ այն կառուցվել է 890 թվականին։ Բազմաթիվ նոր շինություններ ի հայտ են եկել Ալեքսի Սլավ բռնակալի կառավարման ժամանակ։

17-րդ դարում վանքը մեծապես տուժել է հզոր հրդեհից, սակայն 8-րդ դարում վերականգնվել է՝ շնորհիվ բուլղարացիների նյութական օգնության։ Վանքի վերակառուցումը սկսվել է 1715 թվականին և ավարտվել՝ 1732 թվականին։

Վանքն իր զարգացման գագաթնակետին է հասել 19-րդ դարում, երբ դարձել է այս տարածաշրջանի ուղղափառության հոգևոր կենտրոնը։ Միևնույն ժամանակ վանքին են պատկանել շրջակայքում գտնվող զգալի տարածք։ Վանքի անունով է կոչվում մոտակա գյուղը։

Սուրբծննդյան վանքը գործող է և դասվում է Բուլղարիայի հարյուր զբոսաշրջային ազգային օբյեկտների ցանկում։ Վանքի մոտակայքում է գտնվում ականավոր բուլղար հեղափոխական Յան Սանդանսկու գերեզմանը։

Վանքային շինություններ[խմբագրել | խմբագրել կոդը]

Վանքն իրենից հիշեցնում է միջնադարյան ամրոց, ունի վեցանկյան տեսք։ Ներքին բակը շրջապատում են եռահարկ բնակելի շինությունները։ Վանքի տարածքում է գտնվում նկուղ և ֆերմա։ Վանական բակի մի մասը զբաղեցնում են խաղողի այգիները։

Սուրբ Աստվածածնի եկեղեցի[խմբագրել | խմբագրել կոդը]

Կաֆոլիկոն վանքը նվիրված է Աստվածածնին։ Շինարարության սկիզբը թվագրվում է 16-րդ դարին, սակայն ժամանակակից տեսքը եկեղեցին ձեռք է բերել 1732 թվականին։ Եկեղեցին զբաղեցնում է վանական բակի հիմնական տարածքը։