Պարող տուն

Պարող տուն
Տեսակ	գրասենյակային շենք
Երկիր	Չեխիա
Տեղագրություն	Նոր ավան և Պրահա 2
Հասցե	120 00
Փողոց	Rašínovo nábřeží? (80)
Ճարտարապետական ոճ	դեկոնստրուկտիվիզմ
Սեփականատեր	ING
Հիմնադրված է	1996
Ճարտարապետ	Վլադո Միլունիչ և Ֆրենկ Գերի
Իրադարձություններ	foundation stone–laying ceremony?
Պաշտոնական կայք

Պարող տուն, գրասենյակային դեկոնստրուկտիվիստական կառույց Պրահայում։ Բաղկացած է երկու գլանաձև աշտարակներից, որոնցից մեկը ուղիղ է, մյուսը՝ դեստրուկտիվ։ Պարող տունը համարվում է պարող զույգի ճարտարապետական փոխաբերություն, կատակով նաև անվանում են Ջինջեր և Ֆրեդ՝ Ջինջեր Ռոջերս և Ֆրեդ Ասթեր զույգի պատվին^[2]։ Գլանաձև հատվածներից մեկը, որն ուղղակի ձգված է դեպի վեր, խորհրդանշում է տղամարդուն (Ֆրեդ), իսկ երկրորդ հատվածը վիզուալ կերպով հիշեցնում է կանացի կազմվածք։ Ինչպես և դեկոնստրուկտիվիստական շատ կառույցներ, Պարող տունը համահունչ է դիտվում 19-20-րդ դարերի ճարտարապետական համալիրների հետ^[3]։

Տունը տեղակայված է Պրահա 2 թաղամասում։ Նախագծի հեղինակները Վլադո Միլունիչը և Ֆրենկ Գերին են։ Կառուցման աշխատանքները ընթացել են 1994-1996 թվականներին^[4]։

Շենքն իրենից գրասենյակային շենք է ներկայացնում, որում տեղակայված են միջազգային մի քանի կազմակերպություններ։ Տանիքում գտնվում է ֆրանսիական ռեստորան՝ Պրահա բացվող տեսարանով։

Պատմություն[խմբագրել | խմբագրել կոդը]

Պարող տունը կառուցվել է 19-րդ դարում նեոկլասիցիզմ ոճով կառուցված մի շինության փոխարեն, որն ավերվել է ամերիկյան ավիացիայի կողմից։ Ավերված շինության փոխարեն նոր շենք կառուցելու գաղափարը Վացլավ Հավելինն էր, ով Չեխիայի նախկին նախագահն էր և ով տարիներ շարունակ ապրել է շենքի հարևանությամբ։