Պասկալի օրենք

Ճնշումը առաջանում է մասնիկների քաոսային շարժման հետևանքով։

Պասկալի օրենք, հիդրոստատիկայի հիմնական օրենքը, որի համաձայն, արտաքին ուժերի գործադրած ճնշումը հեղուկի մակերևույթին հեղուկը հաղորդում է հավասարապես բոլոր ուղղություններով։ Սահմանել է Բլեզ Պասկալը (հրապարակվել է 1663-ին)։

Պասկալի օրենքը և դրա կիրառումը

Անշարժ հեղուկի կամ գազի վրա գործադրված ճնշումը, փոխանցվում է հեղուկի կամ գազի բոլոր կետերին առանց փոփոխության։

$p={\frac {F}{S}}$,

որտեղ

$p$ — ճնշումն է,

$F$ — գործադրված ուժը,

$S$ — մակերևույթի/անոթի մակերեսը։

Պասկալի օրենքի վրա է հիմնված հիդրավլիկական մամլիչների և այլ հիդրոստատիկական մեքենաների գործողությունը։

Տես նաև

• Հիդրոստատիկա
• Հիդրոստատիկ ճնշում

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 9, էջ 138)։