Նարգիս

Նարգիս անգլ.՝ Nargis
Ծնվել է	հունիսի 1, 1929(1929-06-01)
Ծննդավայր	Կալկաթա, Բենգալյան նախագահություն, Բրիտանական Հնդկաստան, Բրիտանական կայսրություն
Մահացել է	մայիսի 3, 1981(1981-05-03) (51 տարեկան)
Մահվան վայր	Մումբայ, Հնդկաստան
Կրթություն	Queen Mary School, Mumbai?
Քաղաքացիություն	Բրիտանական Հնդկաստան և  Հնդկաստան
Կրոն	իսլամ
Մասնագիտություն	կինոդերասանուհի, սցենարիստ և քաղաքական գործիչ
Ընտրանի	Barsaat?, Babul?, Թափառաշրջիկը, Պարոն 420, Mother India? և Raat Aur Din?
Ծնողներ	մայր՝ Jaddanbai?
Ամուսին(ներ)	Սունիլ Դատ
Երեխա(ներ)	Պրիյա Դատ և Սանջայ Դատ
Պարգևներ և մրցանակներ	Ազգային կինոմրցանակ (Հնդկաստան) լավագույն կանացի դերի համար և Filmfare մրցանակ լավագույն կանացի դերի համար

Նարգիս (հինդի नर्गिस, իրական անունը՝ Ֆաթիմա Աբդուլ Ռաշիդ, հունիսի 1, 1929(1929-06-01), Կալկաթա, Բենգալյան նախագահություն, Բրիտանական Հնդկաստան, Բրիտանական կայսրություն - մայիսի 3, 1981(1981-05-03), Մումբայ, Հնդկաստան), հնդիկ կինոդերասանուհի, Filmfare Awards (1958 թ.) և Ազգային կինոմրցանակի (1968 թ.) մրցանակակիր՝ կանացի լավագույն դերի համար։ Հնդկաստանում արվեստի զարգացմանը նպաստելու և արվեստի բնագավառում կատարած ներդրումների համար պարգևատրվել է կառավարական Պադմա Շրի պարգևով։

Կենսագրություն

Նարգիսը ծնվել է Կալկաթայում։ Նրա մայրը Հնդկաստանում հայտնի դերասանուհի և երգչուհի էր՝ ծագումով բրահմաններից, իսկ հայրը բժիշկ էր՝ ծնունդով պակիստանյան հարուստ ընտանիքից։ Ամուսնանալու համար Նարգիսի հայրը ընդունել է իսլամ և հրաժարվել ժառանգությունից։ Նրանց դուստրը հոր կողմից ստացել է Տեժեշվարի Ուտամչանդ Մոհանչանդ անունը, իսկ մոր կողմից Ֆաթիմա Աբդուլ Ռաշիդ անունը, սակայն նա հայտնի դարձավ Նարգիս անունով։

Նարգիսն ուներ երկու եղբայր։ Սովորելուն զուգընթաց մասնակցում էր թատերական խմբակի ներկայացումներին և երազում էր բժիշկ դառնալ։ Սակայն 1943 թվականին ստեղծված «Ճակատագիր» ֆիլմում 14-ամյա աղջնակի անսպասելի դեբյուտը փոխեց նրա ողջ կյանքի ուղին։ Նարգիս անվանումը նրան տվել է այդ նույն ֆիլմի ռեժիսորը։

Նարգիսի ամենաաստղային խաղընկերները ֆիլմերում եղել են Ռաջ Կապուրն ու Դիլիպ Կումարը։ Հիշարժան են նրա դերերը «Թափառաշրջիկը» (1951 թ.), «Պարոն 420» (1955 թ.), խորհրդա-հնդկական «Ճանապարհորդություն երեք ծովերից այն կողմ» (1957 թ.), «Գիշեր և ցերեկ» (1967 թ.) ֆիլմերում։ Սակայն նրա ամենահայտնի ֆիլմը «Մայր Հնդկաստան» (1957 թ.) կինոնկարն է, որտեղ նա կերտել է այրի կնոջ՝ Ռադհայի կերպարը։ Այդ դերը Նարգիսին բերեց բազմաթիվ մրցանակներ, իսկ ֆիլմը ներկայացվել է «Օսկար» մրցանակի։

Անձնական կյանքը

1958 թվականին Նարգիսն ամուսնացել է դերասան Սունիլ Դատի հետ։ Համատեղ կյանքի ընթացքում նրանք ունեցել են երկու դուստր և մեկ որդի։ Որդին հայտնի դերասան Սանջայ Դատն է։

Նարգիսը մահացել է 1981 թվականի մայիսի 3-ին՝ քաղցկեղից։

Ֆիլմագրության ընտրանին

Թվական	Անվանում	Բնօրինակ անվանում	Կերպար
1935	Ճշմարտություն փնտրելիս	Talashe Haq	-
1943	Ճակատագիր	Taqdeer	Սալմա
1945	Հումայուն	Humayun	Համիդա Բանո
1947	Ռոմեո և Ջուլիետ	Romeo and Juliet	-
1948	Մոխրացող կիրք	Aag	Նիմմի
1948	Անկրկնելի սեր	Anokha Pyar	Գիտա
1948	Տոնավաճառ	Mela	Մանջու
1949	Անձրևների ժամանակը	Barsaat	Ռեշմա
1949	Համբավ	Andaz	Նինա
1949	Անձեռոցիկ	Roomal	-
1950	Ճանաչել միմյանց	Jan Pahchan	Աշա
1950	Հայրական տուն	Babul	Բելա
1950	Սեր	Pyaar	-
1950	Կեսգիշեր	Aadhi Raat	-
1951	Թափառաշրջիկը	Awaara	Ռիտա
1951	Հանդիպում	Deedar	Մալա
1951	Իրարանցում	Hulchul	Աշա
1952	Բույն	Ashiana	Գաուրա
1952	Հոգի	Bewafa	Ռուպա
1952	Երկինք	Amber	Ռաջկումարի Ամբեր
1952	Անհավանական իրադարձություն	Anhonee	Ռուպ Սինգհ, Մոհինիբայ
1953	Սիրո շնչառությունը	Aah	Նիլու, Չանդրա, Ռեշմա Ռայ
1953	Մեղսագործը	Papi	Լաչհի
1955	Պարոն 420	Shree 420	Վիդյա
1956	Բոլորից թաքուն	Chori Chori	Կամմո
1957	Մայր Հնդկաստան	Mother India	Ռադհա
1958	Ճանապարհորդություն երեք ծովերից այն կողմ	Pardesi	Չամպա
1958	Տնային կյանք	Ghar Sansar	Ումա
1958	Լաջվանտի	Lajwanti	Կավիտա
1958	Դատ	Adalat	Նիրմալա
1964	Հիշողություն	Yaadein	Պրիյայի ուրվագիծը
1967	Գիշեր և ցերեկ	Raat Aur Din	Վարունա
1968	Ինչքան երազանքներ կան փողոցներում	Tosa oneira stous dromous	-

Ծանոթագրություններ

Վիքիպահեստն ունի նյութեր, որոնք վերաբերում են «Նարգիս» հոդվածին։